1 TIMOTIUS 5:1 - Tanou Moonsoi Timugon

¹ Ilalai' toojo ragu muno ra okou mansawai ra ungkuyon ondo' matuo ka okou, porongogon mu io koson ra ama' muno galama'. Ungkuyon ondo' mamulok ka okou karaan mu koson ayuk ra boborok muno,

1 TIMOTIUS 5:1 ပူးပေါင်းရင်းမြစ်များ

IMAMAT 19:32

“Panangguang noyo am urumato' noyo ulun ondo' matutuo noyo. Musiti' kau mangurumat am malaa' Raki', sabap ra Aku noyo Tuhan.

MATIUS 23:8

Kaa' akau kalo pana sabiton ra ‘Mangingila'’, sabap ra ngaangai' akau koson ayuk mabubukat am rondo' ayuk Mangingila'.

RINALATAN 14:23

Inaru' i Paulus am i Barnabas ra magagalung ra moonong pasimpungan ulun Kristian. Ginio ra nakiasi' am nampali ilo, am nampataak risilo ra alungin ru Tuhan ondo' inintopot nilo.

RINALATAN 15:4

Pakasaboi ilo ra Jirusalim, inuma' ilo ru ulun Kristian, rasul-rasul am niayuk tingganai ru pasimpungan ulun Kristian. Ginio ra tunungo' nilo boo ngaangai' ondo' sinauk ri Aki Kapuuno' risilo.

RINALATAN 15:6

Ginio ra timung boo rasul am tingganai koson manalasai ra kapaganan ragitio.

RINALATAN 20:17

Intor ra Militus nangator i Paulus ra bilin ra tingganai ru ulun Kristian ra Ipisus ra ilo ti mongoi uma' riso.

ROMA 13:7

Intor raginio bayari' noyo ngaangai' ondo' pakibayarin nilo; ioginio cukai ru ampos ru kandoi min am cukai ru rapu' min. Urumato' noyo toojo ngaangai' parinta no.

GALATIA 6:1

Pabukat kau ngaangai', amon ru marampatan min sasangulun no makasala, akau ondo' maikang toojo pangintapatan musiti' magibit ra ulun no sumaguli' ra katapatan mabaya' ra ragu mamunduk riso. Am ilalai' min galama' ra akau pana kalo matiu' ru pangkinaman.

SAGULION 33:9

Napakito ilo ra pampagagayaan Rirun ondo' nasailan ra pampagagayaan ra matuo, pabukat kapoam anak. Ginagaya' nilo susuban Muno am minintopot ra nabantuan Muno.

1 TIMOTIUS 5:17

Magagalung ra pasimpungan ulun Kristian no ondo' matanda' toojo mampaugar ra kandoi nilo, musiti' urumaton am gajiin, mulu' poyo ilo ondo' mapirot toojo mampatanou am mangila'.

1 TIMOTIUS 5:2

ruandu' matuo koson ayuk ra ina' muno am ruandu' ondo' mamulok ka okou koson ra boborok muno mabaya' ra kapasawan.

TITUS 2:2

Ragui' noyo ungkuyon matutuo maa' raginio mapintar, tumanda' am mongorot. Musiti' ilo ti mangintopot ra Kristus, motogom am poyo mataan guang.

TITUS 2:6

Ragui' niayuk tuu'-bagu koson ilo ti pana mapandai mongorot.

JAKUBUS 3:17

Kaa' kapintaran ondo' intor ra suruga', kasaa' no io mapasau am kolondo' sala; am poyo masaga' ra pabansayan, masamba, minsugut; mapanu' ra asi' am baal moonsoi; kalo mainggi' io am mabanis ayuk guang.

JAKUBUS 5:14

Amon ru mokoondo' intor ramuyun marualan, moonsoi ru mampiau io ra tingganai pasimpungan ulun Kristian no. Matong am makiasi' ilo koson io babason am pipilin io poyo ra umau ralalom inggalan ru Tuhan.

1 PITRUS 5:1

Mambilin aku ramuyun magagalung ru pasimpungan ulun Kristian. Aku ti pana sangulun magagalung mogondo' ramuyun am sasi' noyo ra kaimbalaan ri Kristus, am aku pana urumaton mabaya' ri Kristus paat Io paintalangon ra ulun.

2 JUANIS 1:1

Okou ina' ondo' pinili' ri Aki Kapuuno' am niayuk akau anak-anak nano. Aku magagalung ra pasimpungan ulun Kristian ondo' topot-topot motogom ramuyun. Sala' ka aku ayuk sangulun kaa' ngaangai' ulun ondo' makaulig ra katapatan motogom ramuyun.

3 JUANIS 1:1

Pabukat kuno i Gayus, ondo' tagamin kuno! Aku magagalung ra pasimpungan ulun Kristian ondo' topot-topot motogom rirun.

PINAINTALANG 4:4

Am ralalom liniputan no mokoondo' poyo ruo ngoopor am apat takhta ra bokon no. Giu' no nanturung ruo ngoopor am apat tingganai nambayang ra mapulak am nangkaraun ra mas.