1 TIMOTIUS 4:8 - Tanou Moonsoi Timugon

⁸ Mampalanat ra inan ayuk kalo kula' onong no, kaa' igigilaan ra kasagaan ri Aki Kapuuno' no mokoonong ra ngaangai' baal, sabap ra ginio mangani' ritakau ra kaayagan bagu raino am kaayagan mantilayun ra tauli no.

1 TIMOTIUS 4:8 ပူးပေါင်းရင်းမြစ်များ

AYUP 22:2

“Gino ngai' ulun, kolondo' ondo' mokoonong ra tayar ri Aki Kapuuno'. Ulun ondo' mapintar pana kaga' kolondo' onong ra tayar Nano.

AYUP 36:11

Amon kalo gumagaya' kau ri Aki Kapuuno' am mangandoi ayuk Riso, maayag ilo ra moonsoi am langkaya' saboi ra pupus ru kaayagan nilo.

MAZMUR 145:19

Tomposon No ngaangai' kasagaan ru ulun ondo' mangurumat Riso; rongogon No pampiawan nilono am mamayag risilo.

MAZMUR 37:11

Ulun ondo' minggana' guang makatungkus ra pagun ti, am makasia' ra kalangkayaan ondo' lumuab-luab.

MAZMUR 37:29

Ulun ra motopot manungkus ra pagun ti, am mayan ragiti ra sabuoi-buoi no.

MAZMUR 37:9

Ulun ondo' malansan ra Tuhan makatungkus ra pagun ti, kaa' ulun malaat inggalarin.

MAZMUR 84:11

Moonsoi poyo mayan songorou ra Baloi Muno ka saribu ngoorou ra intok ra bokon; maansayan aku migor ra kulobon ru Baloi ri Aki Kapuuno' kuno ka mayan ra baloi ru ulun malaat.

AMSAL 19:23

Urumato' noyo Tuhan, am umur mino maawar. Kolondo' boo uyumon min am makalabus intor ra karaat.

AMSAL 22:4

Ulun mangurumat am malaa' ra Tuhan, am niayuk minggana' guang mokoowot io ra kalangkayaan, urumaton, am maawar umur.

MAMPATANOU 8:12

Kabalu' pana ulun makatula' nambaal ra maatus kalaatan, ilo lakat poyo maayag. Nakapandai aku ra ulun mindagu, “Ulun ondo' gumagaya' ri Aki Kapuuno' maayag ra sabubuoi no,

JISAYA 3:10

Mindagu Tuhan, “Ulun gumagaya' Raki' makakaansukan am maayag. Ilo galama' makasia' ra ampos ru kinandoi nilono.

JISAYA 33:16

Koson raginio boo maalap kau kabayag, masindungan kau koson giu' kau ra kubu ondo' mapiot. Makaalap kau ra akanon am inumon.

JIRIMIA 6:20

Atan kia boo onong ru kaminyan intor ra Syiba ondo' inibit nilo Raki', kapoam apa' pampagamis ra akanon intor ra pagun maalur? Marara' Aku mangapu ra taak nilo. Marara' Aku ra taak-taak simbalui nilo.

MATIUS 12:32

Osoi ayuk magasab ra Anak ru Ulun, maalap ra ampun. Kaa' osoi ayuk magasab ra Ambiluo ri Aki Kapuuno' kalo maalap ra ampun, paat ra raino kapoam Orou Pupus no!”

MATIUS 19:29

Osoi ayuk mangiruan ra baloi, kapoam pabukat no ra ungkuyon, kapoam pabukat no ra ruandu', kapoam ina' am ama', kapoam anak nano, kapoam lanau am umo nano; ulun ragitio makaalap maatus ruli' ra raino ti am niayuk aniin io ra kaayagan mantilayun.

MATIUS 6:33

Sotopot no, gogoto' min galing ra i Aki Kapuuno' mamarinta ra kaayagan mino am baalo' noyo kasagaan Nano, am aniin kau boo ri Aki Kapuuno' ra ngaangai' baal ra bokon no.

MARKUS 10:30

am paat ra raino ti ulun no maaru' makaalap maatus poyo ruli'. Maruangan poyo ayanan, pinongkotob ra ungkuyon kapoam ruandu', ina', lalaing-lalaing nano, lanau am umo nano am maimbolo' niayuk. Ra orou tauli no makaalap ulun no ra kaayagan motopot am mantilayun.

LUKAS 5:38

Kaa' wain baguon no maaru' lingigon ralalom kantungan baguon niayuk.

ROMA 8:28

Mapandayan takau ra ralalom ru ngaangai' baal manangampos i Aki Kapuuno' ra moonsoi risilo ondo' motogom Riso am ondo' piniau Nano maya' ra inatangan Nano galama'.

1 KORINTUS 3:22

Aku, i Apolos, am i Pitrus pana pinataak noyo ramuyun. Am niayuk tana' ti, kaayagan kapoam kapatayan, am poyo paat ra raino ti am paat ra orou matong pana. Ngaangai' no akau noyo tatangan.

1 KORINTUS 8:8

Sotopot no, pai' ru akanon no mompokoonsoi poyo ritakau ri Aki Kapuuno'. Amon ru mangakan takau raginio, kalo matatakan takau ra atan ayuk pana. Mogondo' niayuk ra amon ru kalo mangakan, kalo niayuk maulian takau.

1 TIMOTIUS 4:7

Kaa' inggaluri' noyo tutunungon ondo' binaal-baal ayuk ra kolondo' onong no. Igigila' no ra kaayagan ondo' kasagaan ri Aki Kapuuno'.

1 TIMOTIUS 6:3

Osoi ayuk mangila' ra pangilaan ra bokon am kalo mangiou ra pangilaan motopot intor ra Tuhan takau i Jisus Kristus kapoam pangilaan ru ugama takau,

1 TIMOTIUS 6:5

am poyo pansasangaran ra kalo malalanggaan. Pamaguangan ru ulun raginilo kalo matanda', kolondo' boo katapatan nilo am mangkara' ilo ugama ti rondo' ralan panginduitan.

1 TIMOTIUS 6:6

Motopot niayuk ra ugama ti mangani' ra ampos maayo ritakau, amon ru masamaan takau ra atan ayuk mokoondo' noyo.

2 TIMOTIUS 3:5

Kabalu' ra ilain ra sumugut ilo niayuk ra kaulayan ru ugama, kaa' marara' ilo ra kuasa' ru Tuhan ralalom kaayagan nilai. Moonsoi ru minggalur kou ra ulun koson raginio.

TITUS 3:8

Motopot ragu raginii. Masaga' aku ra mampakaatang kou toojo ra kaintutunan raginio, maa' raginio ilo ondo' mangintopot ri Aki Kapuuno' makapambaal ra kandoi moonsoi. Ngaangai' ti moonsoi toojo am mokoonong ra ngaangai' ulun.

IBRANI 13:9

Pai' kano karuung ra nansalinut pangilaan ondo' mampakalayau, kaa' musiti' mangapu takau ra kataawan ri Aki Kapuuno', maa' raginio kaikangon guang takau Riso. Pai' takano boo baya' ra kaulayan intor ra atan kia maakan kapoam kalo, sabap raginio kalo noyo nakapangindangan risilo ondo' sumugut raginio.

1 JUANIS 2:25

Am gitio binantu' galama' ri Jisus Kristus ritakau, io no kaayagan mantilayun.

PINAINTALANG 3:12

Osoi ayuk mangala ra kuasa' ru kalaatan, baalon Ku io ra lugu' ralalom Baloi ri Aki Kapuuno' Kuno, am mantilayun io ra giu'. Patulison Ku riso inggalan ri Aki Kapuuno' am inggalan ru bandar ri Aki Kapuuno', ioginio bandar Jirusalim bagu ondo' tumuun intor ra suruga', intor ri Aki Kapuuno' Kuno. Am inggalan ra nakabagu Kuno niayuk patulison Ku riso.

PINAINTALANG 3:21

“Osoi ayuk mangala ra kuasa' ru kalaatan, panturungon Ku io ra sapapa' Ku ra takhta Kuno. Gitio mogondo' ra Aku nangala ra kuasa' ru kalaatan am raino pinaturung Aku ra sapapa' ru Ama' Kuno ra takhta Nano.

1 SAMUIL 15:22

Indagu i Samuil, “Ati kia ondo' kasagain poyo ru Tuhan, gagaya' kapoam taak am taak simbalui? Moonsoi poyo gumagaya' ra Tuhan intor ra mapataak Riso ra domba ondo' molomok kaga' no.