1 TIMOTIUS 4:1 - Tanou Moonsoi Timugon

¹ Mindagu Ambiluo ri Aki Kapuuno' ra totopot paat orou ra tauli, mokoondo' ulun tumalikur intor ra pangintapatan ri Jisus Kristus; sumugut ilo ra ambiluo ondo' mampakalayau am maya' ra pangilaan ru riwato.

1 TIMOTIUS 4:1 ပူးပေါင်းရင်းမြစ်များ

KASAUKAN 3:13

Pangkuot Tuhan i Aki Kapuuno' ra ruandu' no, “Kua guat baalo' mu ginii?” Taam io, “Rinuung aku ru kukuo saboi inakan ku kawa' no.”

1 RAJA'-RAJA' 13:18

Indagu boo nabi matutuo intor ra Bitil no riso, “Aku pana sangulun nabi koson rirun. Sumugut ra susuban ru Tuhan, rondo' malaikat nanusub raki' magibit rirun muli' am mampaakan rirun giu' ra baloi kuno.” Sotopot no nabi matutuo no nagabau.

JISAYA 2:2

Bulintok orou ra matong bulur intok ru Baloi ru Tuhan masauk ra bulur ondo' masawat kaga' ra ilo ngai' bulur ra bokon. Ngaangai' bansa' saguguluyur mongoi ra giu',

JIRIMIA 23:26

Saboi sanggilan kia nabi-nabi mampalayau ra ulun Kuno ra abau ondo' binaal-baal nilo galama'?

JIRIMIA 48:47

Kaa' paat ra orou matong no, saukon ru Tuhan Moab ra langkaya' saguli'. Nakaindagu noyo Tuhan ra ngaangai' baal raginio masauk ra Moab.

JIRIMIA 49:39

Kaa' malupus raginio saukon Ku mamagun ru Ilam ra langkaya' saguli'. Aku, Tuhan nakaindagu noyo.”

YEHEZKIEL 1:3

Giu' ra pagun Babilonia, giu' ra kiing ru Sungoi Kibar, nokorongog aku ra Tuhan minindagu raki', am nakaliman aku ra kuasa' Nano.

YEHEZKIEL 38:16

am mamulunsar ra Israil, ulun Kuno, koson ra bagiu' mapuor am rasam maawas lumumpa' ra tana' ti. Paat raginio, manusub Aku rirun koson mamulunsar ra pagun Kuno. Ra binaal Kuno pinabala' galing rirun, makapandai boo bansa'-bansa' ra Aku ti matulai.

DANIL 10:14

Raino matong aku koson mambaal rirun makarati' ra baal ondo' masauk ra bansa' muno. Pinaintalang no intor ra baal ru orou matong.”

GOSIA 3:5

Kaa' masaboi paat ra ulun ru Israil sumaguli' ra Tuhan, i Aki Kapuuno' nilo, am ra sangulun intor ra papag ru Raja' Daut, raja' nilo. Ilo pana malaa' am mangurumat ra Tuhan, am niayuk mangapu ra pataakon-pataakon Nano ondo' moonsoi.

MIKA 4:1

Paat ra orou rumatong gunung intok Baloi ru Tuhan masauk ra gunung ondo' masawat kaga', masawat poyo kaga' intor ra gunung-gunung am bulur-bulur. Ngaangai' bansa' guguluyur mongoi ra giu' no,

UNTABAN 24:14

Indagu i Biliam ra Raja' Balak, “Raino masaga' aku muli' ra bansa' kuli. Kaa' ra kalo poyo mugar aku, polosoo' aku no mambala' rirun ra atan ondo' baalon ru ulun ru Israil ra bansa' muno ra orou tauli no.”

MATIUS 18:7

Aibui boo ra ulun ru tana' ti ondo' mangkinibit ra ulun makatula. Baal raginio masalok masauk, kaa' mumpara' boo usung ru ulun ra mambaal no!

LUKAS 17:1

Indagu i Jisus ra maamaya' Nano, “Maaru' mokoondo' niayuk pangkinaman saboi ulun mambaal ra tula pana kaa' aibui boo ra ulun ondo' mangkinibit ra tula ti!

JUANIS 16:13

Kaa' paat ra Ambiluo ri Aki Kapuuno' no matong, mambala' Io ra katapatan ri Aki Kapuuno' am mampaintutun Io ramuyun ra ngaangai' ru katapatan. Kalo mambala' Io sumugut ra kuasa' Nano galama', kaa' mambala' Io ra atan ondo' morongog Nano am atan ondo' masauk ra tauli no.

RINALATAN 13:2

Igondo' ragili, tatanga' ilo sambayang am nampali, indagu Ambiluo ri Aki Kapuuno' no risilo, “Pasuayo' min i Barnabas am i Saulus koson mangangandoi raki' ra kandoi ondo' inaru' Ku noyo risilo.”

RINALATAN 17:18

Mokoondo' mangingila' ra pangilaan ru Ipikuros am Stoikos nakimantaam riso, konilo, “Atan nua' raguon ru naupa' ti?” Kaa' bokon i poyo minindagu, “Mampatanou io po lair intor ra dewa ru ulun bansa' ru bokon.” Rinagu nilo ginio sabap ra nambala' i Paulus ra i Jisus ti naayag saguli' intor ra kapatayan.

RINALATAN 20:23

Ondo' ayuk napandayan kuno ra Ambiluo ri Aki Kapuuno' nambala' raki' ra moonong bandar ondo' inapitan kuli, ra pasubolon aku ra pangaputan am niayuk maimbolo' poyo.

RINALATAN 21:11

Inggaar io ramon am alapo' no abot ri Paulus. Pobongkoso' no kalindu' am kalayam nali galama' ra abot i am indagu io, “Koson ragitio ragu ru Ambiluo ri Aki Kapuuno': ‘Ulun tatangan ra abot ragitio, bangkilon koson ragitio niayuk ru ulun ru Jaudi giu' ra Jirusalim. Am pataakon io poyo ra kuasa' ru ulun sala' ka Jaudi.’ ”

RINALATAN 28:25

Nantutuliar am nansasangor ilo boo ra rondo' am bokon intor ra rinagu ri Paulus ragitio, kono, “Motopot toojo rinagu ru Ambiluo ri Aki Kapuuno' ra kinamatuaan mini ondo' pinabala' galing ra Nabi Jisaya, kon Nano;

1 KORINTUS 10:20

Atan ondo' simbaluyon ra bandayan ru sinungkalalaing, sala' ka i Aki Kapuuno' papataakan, kaa' riwato-riwato. Ginio ra kalo masaga' aku ra akau magagapu ra riwato no.

1 KORINTUS 11:19

Sotopot no kalo makaimuag amon mokoondo' ramuyun mansusuai, maa' raginio mapandayan boo osoi ulun Kristian toojo.

1 KORINTUS 12:11

Ngaangai' no saukon ru rondo' ayuk, ioginio Ambiluo ri Aki Kapuuno'. Io no ondo' mangani' ra ulun ra kapandayan sigagama' sumugut ra kasagaan Nano galama'.

1 KORINTUS 2:10

Kaa' ondo' kalo igondo' pinabala' raginio pinabala' noyo ri Aki Kapuuno' ritakau ralalom ru Ambiluo Nano. Ngaangai' imumuyin toojo ru Ambiluo ri Aki Kapuuno', suku' ra kasagaan ru guang ri Aki Kapuuno' ondo' nabuni toojo no pana.

2 KORINTUS 11:3

Maimamang aku ramuyun ra maampon kinulau lair pampagagayaan min ri Kristus, mogondo' ri Awa, ondo' ra galing i rinuung ru kukuo ra maabau-abau i.

SAGULION 32:29

Kalo nakapandai ilo kua kinala ilo, kalo makarati' ilo ra atan ondo' nasauk noyo.

SAGULION 4:30

Paat ra akau ralalom kapaganan am ngaangai' baal makalalaa' no makalumpa' ramuyun, bagu no sumaguli' kau ra Tuhan i Aki Kapuuno' min am gumagaya' Riso.

KOLOSI 2:18

Ginio nai ra pai' polosoo' ra akau ruungon ru ulun ondo' migiangku minggana' guang, am ondo' sumamba ra malaikat. Ulun koson raginio masumbung sabap ra rokoon nilo masuang baal ru suruga' pinakito risilo, kaa' pangkaraan ragitio sumugut ayuk ra paliso malaat nilo galama'.

2 TIMOTIUS 3:13

Kaa' ulun ondo' mangalaat am mamparuung no, gumaai poyo kinalaat nilai no. Ilo mamparuung ra ulun ra bokon, kaa' ilo pana galama' maruung niayuk.

2 TIMOTIUS 4:4

Kalo boo mangkirongog ilo ra ondo' motopot no, kaa' mangkirongog boo ra ondo' tutunungon ra binaal-baal ayuk.

JAKUBUS 3:15

Ginio sala' ka kapintaran intor suruga'. Kaa' intor io ayuk ra tana' ti, intor ayuk ra paliso ru ulun am intor poyo ra riwato.

1 PITRUS 1:20

I Kristus ti pinili' noyo ri Aki Kapuuno' ra tana' ti kalo poyo biningkal, kaa' raino boo ra io mamaar noyo Orou Pupus, pinaintalang Io noyo ramuyun.

2 PITRUS 2:1

Paat ra galing i, mokoondo' noyo ulun migigiangku ra nabi intor ra bansa' ru Jaudi, am mogondo' niayuk ra tatanga' mino ra mokoondo' sumalula' niayuk ulun migigiangku ra mangingila'. Mangila' ilo ondo' kalo motopot am ondo' mampalayau ra ulun. Magali' ilo ra Tuan ondo' nampalabus risilo. Ginio boo mangkinibit risilo mapuso ra maagu no.

2 PITRUS 3:3

Kasaa' ti, pakarati' kano ra orou pupus no mokoondo' sumalula' ulun ondo' kuasaan ru guang mansasawa' nilai am mangiis ilo poyo ramuyun.

1 JUANIS 2:18

Pabukat kau ngaangai', pamupusan nasuku' noyo! Pinabala' noyo ramuyun ra pantula' ri Jisus Kristus maaru' matong. Raino masuang noyo pantula' ri Jisus Kristus ondo' makito. Gitio tatandu' ra Orou Pupus maar noyo.

1 JUANIS 4:6

Kaa' itakau ti anak ri Aki Kapuuno'. Ulun ondo' makaulig ri Aki Kapuuno', mangkirongog ra raguon takau. Ulun ondo' kalo makaulig ri Aki Kapuuno', kalo mangkirongog ra raguon takau. Gitio noyo rondo' ralan takau mangulig ra ambiluo motopot kapoam ambiluo mapalayau.

JUDAS 1:18

Nakapambala' ilo noyo ramuyun ra masuku' paat ra pamupusan ru tana' ti, mokoondo' ulun sumalula' koson manauyu' ramuyun, sabap ra maya' ilo ayuk ra kasagaan malaat ru guang nilai no.

JUDAS 1:4

Sabap ra mokoondo' kukula' ngaulun mangapuka' suminok ayuk simpung ritakau. Ilo ti ulun malaat ondo' manumbalik ra togom tinaakan ri Aki Kapuuno', koson sumimbat ilo pambaal ra atan ayuk pansasawaan. Ilo ti kalo mangapu ri Jisus Kristus, ondo' Io ayuk rondo'-rondo' Nanguasa' am Tuhan takau. Intor ra galing i ukum pataakin risilo inala' noyo ru Buuk Kitab.

PINAINTALANG 13:14

Ngaangai' ulun ra tana' ti ruungon no mansail ra kaimuagan ondo' iniou mabaal no ra saang ru bibiag masigo kasaa' no. Ilo ngaangai' ti susubon no mambaal ra sinungkalalaing koson sumamba ra bibiag masigo ondo' napilatan noyo ra ilang, kaa' lakat poyo maayag.

PINAINTALANG 16:14

Sotopot no, ilo ti riwato ondo' mambaal ra kaimuagan. Katalu-talu riwato no mongoi panimung ra ngaangai' raja' ru tana' ti koson mangayou paat ra Orou maayo ri Aki Kapuuno' ondo' Maayo Kaga' Kuasa'.

PINAINTALANG 18:2

Pambala' io boo ra bolos mosongou, “Nalunsai noyo! Bandar Babil ondo' maayo nalunsai noyo! Raino nasauk io ra inayanan ru riwato, ambiluo malaat am ngaangai' susuit malaat ondo' kasisangin ru ulun.

PINAINTALANG 18:23

Kalo boo makito sinda ru pilasut ra intok muno am kalo niayuk morongog bolos ru ungkuyon am ruandu' uoton ra giu' no. Ulun-ulun mantatalan ru bandar nauligan toojo ru ulun ra tana' ti; am intor ra kapandayan malaat ru mamagun no ngaangai' bansa' ra tana' ti rinuung.”

PINAINTALANG 19:20

Bibiag masigo no pana narakop nabaya' ra migiangku ra nabi no ondo' nakapambaal ra kaimuagan ra saang ru maayag masigo no. (Intor ra kaimuagan raginio namparuung io ra ulun ondo' tinatanduan ra saap ru bibiag masigo no am ilo ondo' siminamba ra sinungkalalaing no poyo.) Bibiag masigo no am migiangku ra nabi no pinatiran ra tasik ru apui ondo' naratok ra balirang mapaang.

PINAINTALANG 2:11

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no! “Osoi ayuk mangala ra kuasa' ru kalaatan kalo makaliman ra kapatayan karuo.”

PINAINTALANG 2:17

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no! “Osoi mangala ra kuasa' ru kalaatan, aniin Ku io ra ruti' ondo' nakasibuni no – ondo' sabiton ra manna. Mangani' Aku niayuk riso ra rondo' batu mapulak ondo' tinulisan ra inggalan nakabagu ondo' kalo mauligan ru ulun bokon kaa' ulun mangapu no ayuk.”

PINAINTALANG 2:29

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no!”

PINAINTALANG 2:7

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no! Osoi ayuk mangala ra kuasa' ru kalaatan paakanon Ku io ra kawa' intor ra puun ru mampakaayag ondo' tumuu' ra Pirdaus.”

PINAINTALANG 20:10

Tingganai ru riwato boo ondo' namparuung risilo no pinatiran ra tasik ru apui ondo' naratok ra balirang mapaang. Gili, gitio noyo namatiran ra bibiag masigo am migiangku ra nabi no am imboloon ilo orou-rondom ra sabuoi-buoi no.

PINAINTALANG 20:8

Mongoi io pamparuung ra ngaangai' bansa' ra titikop ru tana' polos ra pagun Gog am Magog. Timungon ilo ru Tingganai ru riwato no mongoi pantula' am suang nilono mogondo' ra suang ru agis giu' ra kiing ru raat.

PINAINTALANG 3:13

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no!”

PINAINTALANG 3:22

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no!”

PINAINTALANG 3:6

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no!”

PINAINTALANG 9:20

Kaa' ulun-ulun ra bokon ondo' kalo napatoi ra talu kapaganan malaat no, kalo niayuk timinalikur intor ra ondo' binaal ru kalindu' nilo galama'. Kalo liminonggo' ilo sumamba ra riwato am sinungkalalaing ondo' binaal nilo ra mas, pirok, gangsa', batu am tataun. Ginilo kalo makakito, mokorongog kapoam makaugar.