1 TIMOTIUS 3:7 - Tanou Moonsoi Timugon

⁷ Io musiti' no sangulun ondo' urumaton ru mamagun ondo' sala' ka Kristian pana, maa' raginio kalo tauyuon io saboi marukuan ru Tingganai ru riwato no.

1 TIMOTIUS 3:7 ပူးပေါင်းရင်းမြစ်များ

MARKUS 4:11

Taam Io, “Binalaan kano ondo' kalo igondo' pinabala' ra ati koson i Aki Kapuuno' mamarinta, kaa' ulun ra bokon nansalinut posoboyon ralalom ru abig,

RINALATAN 10:22

Taam ilo, “Tingganai Konilius nanusub ramon mongoi ragiti. Io ti sangulun moonsoi ondo' sumamba ri Aki Kapuuno' am niayuk ngaangai' ulun ru Jaudi mangurumat riso. Sangulun malaikat ru Tuhan nanusub riso mompoongoi rirun ra baloi nano koson mangkirongog ra atan raguon muno.”

RINALATAN 22:12

Giu' i mokoondo' sangulun makainggalan ri Ananias. Io sangulun ondo' sumamba ri Aki Kapuuno' am sumugut niayuk ra Ukum ri Musa takau. Io niayuk kauligan ra sangulun moonsoi toojo ru ulun ru Jaudi ondo' minayan ra Damsyik.

RINALATAN 6:3

Ginio ra aruo' min tulu' ngaulun ondo' mangatanda', kinuasa' ru Ambiluo ri Aki Kapuuno' am mapintar, ginio ra makapalit ilo boo ramon mambaal ra kandoi ti.

1 KORINTUS 10:32

Kaayag kano koson raginio am pai' pangkinibit ra osoi ayuk pana makatula; koson ra ulun ru Jaudi, ulun sala' ka Jaudi kapoam ulun Kristian.

1 KORINTUS 5:12

Sala' ka aku ra kandoi mangakim ra ulun ondo' sala' ka Kristian. I Aki Kapuuno' galama' ondo' mangakim risilo. Kaa' sotopot no sala' kia ka akau no galama' mangakim ra ulun Kristian intor ra pasimpungan mino? Koson tinulisan ra Buuk Kitab, “Pasuayo' noyo ulun malaat intor ra pasimpungan mino.”

2 KORINTUS 6:3

Kalo masaga' akai amon ru sonsolon kandoi mai, ginio sabap ra kalo mangani' akai ra sasaban ra osoi ayuk pana mononsol ra kandoi mai.

2 KORINTUS 8:21

Kinooi mai ragino sabap ra masaga' akai mambaal ra atan ondo' motopot, sala' ka ra pagilangan ru Tuhan ayuk, kaa' ra pagilangan ru ulun niayuk.

KOLOSI 4:5

Kapintar kano paat ra akau lumatok ra ulun ondo' kalo mangintopot no. Kaluagan raginio alapon min mampakito risilo ra akau maamaya' ri Kristus.

1 TISALONIKA 4:12

Amon ru kaayagan min koson noyo raginio, kalo pana boo lumansan kau ayuk ra bokon, am ilo ondo' kalo mangintopot ri Kristus pana mangurumat boo ramuyun.

1 TISALONIKA 5:22

Inggalur kano ra atan ayuk baal malaat.

1 TIMOTIUS 3:6

Musiti' io ti poyo sala' ka bagu ayuk siminauk ra Kristian, sabap ra maagu minsawat lair guang nati am ulason io mogondo' ra Tingganai ru riwato ra galing i.

1 TIMOTIUS 5:14

Ginio ra moonsoi niayuk ru napuor ra mangamulok no mangindalaki am maganak poyo, am mirot ayuk pampaugar ra kandoi nilo koson ra sangulun andu', maa' raginio ulun lumaat ritakau kolondo' boo kaluagan mampakalaat ra inggalan takau.

1 TIMOTIUS 6:9

Ulun ondo' maguyum ayuk ra kalangkayaan, maingkinibitan boo ru gogot ru guang nilo ondo' kalo matanda' am makalalaa', ginio ondo' mamparatu' am mamuso ayuk ra ulun.

2 TIMOTIUS 2:26

Koson raginio boo makatutun am makalabus ilo intor ra kuasa' ru tingganai ru riwato no, ondo' namparakop am nampajajal risilo mambaal ra kasagaan nano.

TITUS 2:5

mongorot am mapasau guang, am mapandai mampaugar ra kandoi nilo koson sangulun andu' ondo' mampagagaya' ra ralaki nano. Maa' raginio kolondo' sangulun pana makapagasab ra bala' ri Aki Kapuuno'.

TITUS 2:8

Raguo' noyo pangilaan motopot ayuk ondo' kalo mauwan ru ulun, maa' raginio pantula' muno mangauyu' sabap ra kolondo' rondo' pana panguwan ritakau.

3 JUANIS 1:12

Ngaangai' ulun mongompor ri Dimitrius. I Aki Kapuuno' pana mongompor riso. Akai pana mongompor riso am napandayan min noyo ra kaintutunan maiti motopot.

1 SAMUIL 2:24

Pai' min boo inganai' ginio, anak kau. Malaat kaga' baal ondo' rinagu ru ulun ru Tuhan no intor ramuyun.