1 TIMOTIUS 3:15 - Tanou Moonsoi Timugon

¹⁵ Kaa' amon ru kalo makaratong aku ra mataki', okou mokoondo' noyo ra kaintutunan ra ati kulaan musiti' takau maayag koson ra anak ri Aki Kapuuno', ioginio pasimpungan ru ulun ondo' mangintopot ri Aki Kapuuno' ondo' maayag. Itakau noyo ondo' mampabala' am manungka' ra katapatan.

1 TIMOTIUS 3:15 ပူးပေါင်းရင်းမြစ်များ

1 RAJA'-RAJA' 2:2

Indagu Raja' Daut, “Nasaboi noyo patayan kutu. Pangintopot no am baani kou.

1 RAJA'-RAJA' 2:4

Amon ru gumagaya' kou ra Tuhan, suguton no bantu' ondo' binaal Nano paat ra Io nambala' raki' ra papag kuno mamarinta ra Israil, buoi nilo totopot gumagaya' ra ngaangai' susuban Nano am gumagaya' Riso ra sotopot-topot ru guang am salibuor nilo.

2 RAJA'-RAJA' 19:4

Nanusub raja' ru Asyur ra pagawai masawat kaga' nano koson magasab ri Aki Kapuuno' ondo' maayag. Gama' ru Tuhan, i Aki Kapuuno' muno mangkirongog ra pagasaban no am mangukum risilo ondo' mindagu raginio. Ginio ra pakiasi' no ri Aki Kapuuno' koson ra mamagun takau ondo' lakat poyo maayag.”

1 TUNUNG RU BANSA' ISRAIL 22:13

Amon ru gumagaya' kou ra ngaangai' ru ukum ondo' tinaakan ru Tuhan ra Israil ondo' pinabala' galing ri Musa, makasugut kou. Musiti' kou mangintopot am baani. Pai' kalaa' manguma' ra atan ayuk pana.

MAZMUR 42:2

Koson ra tambang moondom ra timug ru sungoi, koson niayuk ra salibuor kuno moondom Rirun, iou Aki Kapuuno'.

MAZMUR 84:2

Mapara' piboo kinoonsoi ru Baloi Muno, iou Tuhan Ondo' Maayo Kaga' Kuasa'!

JIRIMIA 1:18

Okou Jirimia, rongog no! Anggalon kou ru ngaangai' mamagun ru pagun ti, ioginio raja'-raja' ru Jiuda, pagawai-pagawai ru pamarintaan, imam-imam am mamagun. Kaa' paat ra orou raiti' mangani' Aku rirun ra kaikangan koson manggal risilo. Masauk kou koson ra bandar mokoondo' ra kubu, koson ra lugu' basi', am koson ra timbok tambaga'. Kalo makapangala ilo rirun, sabap mabaya' Aku rirun koson manindung rirun. Aku Tuhan, nakaindagu noyo.”

JIRIMIA 10:10

Kaa' Okou, Tuhan, i Aki Kapuuno' ondo' motopot, Okou i Aki Kapuuno' ondo' maayag, raja' ondo' mantilayun. Paat ra Okou sumangit, monontol tana' ti, bansa'-bansa' kalo maikang manguma' ra sangit Muno. (

JIRIMIA 23:36

Kalo boo paraguin risilo ragu ra ‘saanin ru Tuhan’. Amon ru mokoondo' ra ulun ondo' lakat poyo mindagu raginio, saukon Ku tanou Kuno topot-topot pasaanin riso. Jinajou noyo ru ulun ragu intor Raki', i Aki Kapuuno' nilo, i Aki Kapuuno' ondo' maayag, Tuhan Ondo' Maayo Kaga' Kuasa'.

DANIL 6:26

Kopongo raginio nanulis Raja' Darius ra surat posoboyon ra ulun intor ra ngaangai' bansa', bansa' boborok am ragu ra tana' ti: “Kaansayan!

GOSIA 1:10

Ulun ru Israil masauk ra masuang koson ra kinasuang ru agis giu' ra raat, kalo maalap kauntob kapoam tukuon. Raino mindagu i Aki Kapuuno' risilo, “Akau sala' ka ulun Kuno, kaa' masaboi paat no ra mindagu Io risilo, “Aku noyo i Aki Kapuuno' ondo' naayag am akau noyo anak-anak Kuno.”

MATIUS 16:16

Taam i Simon Pitrus, “Okou no Mamamayag ondo' sinusub i, Anak ri Aki Kapuuno' Ondo' Maayag.”

MATIUS 18:18

“Balain takamin: Atan ayuk sawayon min ra tana' ti, sawayon niayuk ra suruga'. Atan ayuk iowon min ra tana' ti, iowon niayuk ra suruga'.

JUANIS 1:17

Pinabala' galing ra nabi Musa, pinataak ri Aki Kapuuno' ritakau Ukum ri Musa, kaa' ralalom inggalan ri Jisus Kristus, pinakito ri Aki Kapuuno' ritakau togom am pampagagayaan Nano.

JUANIS 14:6

Taam i Jisus riso, “Aku noyo ralan, katapatan am kaayagan. Kolondo' sangulun pana mokoongoi ri Ama', amon ru kalo mansail io Raki'.

JUANIS 18:37

Indagu i Pilatus Riso, “Ginio poyo, Okou ti sangulun raja'?” Taam i Jisus, “Rinagu mu noyo ra Aku ti sangulun raja'. Ginio ra Aku inanak am minatong ra tana' ti, koson mampatanou ra katapatan ri Aki Kapuuno'. Osoi ayuk gumagaya' ra katapatan ti mangkirongog io Raki'.”

JUANIS 6:69

Raino mangintopot akai toojo ra Okou no Matulai ondo' sinusub ri Aki Kapuuno'.”

RINALATAN 1:2

saboi ra orou nangkayangan Riso mongoi ra suruga'. Io kalo poyo minugar, mabaya' ra Ambiluo ri Aki Kapuuno' nambilin Io ra rasul-rasul ondo' pinili' Nano.

RINALATAN 14:15

“Kua guat baalo' min gitio? Akai ti koson niayuk ramuyun, ulun ayuk toojo! Akai minongoi ragiti mampasaboi ra Tanou Moonsoi ramuyun koson mapainggalur ramuyun ra baal kolondo' onong ti am mapasaguli' ramuyun ri Aki Kapuuno' ondo' maayag. Io no ondo' niayuk nambaal ra limbowon, tana' ti, raat am ngaangai' suang nati.

ROMA 3:2

Maaru' masuang onong! Intor poyo ra talimpuun i, ulun ru Jaudi noyo napalansanan ri Aki Kapuuno' ra ragu Nano.

ROMA 9:26

Giu' ra intok ondo' inindaguan ri Aki Kapuuno' risilo ‘Akau sala' ka ulun Kuno,’ giu' no niayuk sabiton ilo ra anak ri Aki Kapuuno' ondo' maayag.”

1 KORINTUS 10:32

Kaayag kano koson raginio am pai' pangkinibit ra osoi ayuk pana makatula; koson ra ulun ru Jaudi, ulun sala' ka Jaudi kapoam ulun Kristian.

1 KORINTUS 3:16

Kalo kia nakapandai kau ra akau koson ra baloi ri Aki Kapuuno' am Ambiluo Nano sumimpung ramuyun.

2 KORINTUS 3:3

Nakaintalang noyo toojo ra akau koson ra surat ondo' tinulisan ri Kristus galama' ondo' pinakirim pinasumbaya' ramon. Surat raginio pai' ru tinulisan ra dawat, kaa' mansail ra Ambiluo ri Aki Kapuuno' ondo' maayag; am poyo pai' ru pinabatik ra rondo' batu pamatikan, kaa' ralalom guang ru ulun.

2 KORINTUS 6:16

Mokoondo' kia sinungkalalaing sambaan ra Baloi Tuhan? Maaru' kolondo'! Itakau ti noyo Baloi Tuhan, ioginio i Aki Kapuuno' ondo' maayag. Sabap ra i Aki Kapuuno' galama' minindagu, “Rumondon Aku risilo am luminjau Aku ra tatanga' nilo. Masauk Aku ra Tuhan nilo, am masauk ilo noyo ra ulun Kuno.

2 KORINTUS 6:7

Mampabala' akai ra tanou motopot ralalom ru kuasa' ri Aki Kapuuno'. Kaayagan mai ra motopot koson ra kinandoi mangayou ondo' alapon mai mampabala' am niayuk mangampin ra Tanou Moonsoi.

GALATIA 2:9

I Jakubus, Pitrus am i Juanis ondo' karaan ra tingganai, nangiou ilo ra aku sinusub ri Aki Kapuuno' mambaal ra kandoi maatang ti. Ginio ra sikin ilo raki' am niayuk i Barnabas. Ginio tatandu' ra rondo' guang mai mangandoi, aku am i Barnabas mampatanou ra ulun sala' ka Jaudi, liliwa' ilo mampatanou ra ulun ru Jaudi.

GALATIA 3:1

Kua boo ramuyun, ulun ru Galatia, sasambungon kau nai! Osoi noyo namparuku' ramuyun? Kalo kia pinabala' ku ramuyun noyo toojo pinatayan ri Jisus Kristus ra salip!

IPISUS 4:21

Naining min noyo Io, am koson ra maamaya' Nano, inila' kano ra katapatan ri Jisus.

SAGULION 31:23

Tuhan pana mindagu ri Josua anak ri Nun, “Okou musiti' mangintopot am baani. Okou maningganai ra ulun ru Israil mongoi ra tana' ondo' binantu' Ku noyo risilo, am mabaya' Aku rirun.”

SAGULION 5:26

Igondo' kia ulun magulayun maayag malupus mokorongog ri Aki Kapuuno' ondo' maayag intor ra apui?

KOLOSI 1:5

Ra intor noyo ra Tanou Moonsoi ondo' motopot ti kasaa' pinabala' am nakasaboi ramuyun, makakalansanan kano. Mangintopot am motogom kau sabap ra kalansanan makaapu ondo' pinongo noyo ramuyun giu' ra suruga'.

1 TISALONIKA 1:9

Sabap ra ilo galama' mantunung boo ra ati kulaan nangapuan min ramon paat ra akai minongoi ramuyun gili. Mantunung ilo ati kulaan timinalikur kau intor ra sumamba ra sinungkalalaing, am mangandoi boo ri Aki Kapuuno' ondo' maayag am motopot.

1 TIMOTIUS 3:14

Kabalu' pana tulisin tokou niayuk ra surat ti, malansan aku ra kalo boo mabuoi mongoi aku tuum rirun.

1 TIMOTIUS 3:16

Kolondo' sangulun pana makapagali' ra mumpara' boo bonsoi ru pangilaan motopot ondo' kalo igondo' pinabala' i, ioginio: Minintalang i Jisus Kristus am nasauk ra ulun, iniou Io ru Ambiluo ri Aki Kapuuno', nakito Io ru malaikat-malaikat. Pinatanou Io ra ngaangai' bansa', inintopot Io ru ulun ra ngaangai' libung ru tana' ti, am kinayang Io minuli' ra katulayan ru suruga'.

1 TIMOTIUS 3:2

Sangulun tingganai ru ulun Kristian no musiti' kolondo' sala, sangulun ayuk andu' nano, makapantataan ra guang, mapintar, makapaliso matanda', mataau mangapu ra tambului am makapangila' ra ulun.

1 TIMOTIUS 3:5

Sabap ra amon ru mailo io magalung ra sasambaloi nano galama', ati kulaan io makapaningganai ra pasimpungan ulun Kristian?

1 TIMOTIUS 4:10

Gitio nai puun ru bagui am kandoi takau: malansan takau toojo ri Aki Kapuuno' ondo' Maayag; Io Mamamayag ru ngaangai' ulun, mulu' poyo ilo ondo' mangintopot Riso.

1 TIMOTIUS 6:16

Io no rorondo' ayuk mantilayun. Io maayag ra ralalom ru sinda ondo' kalo maalap kainggaari' ru ulun makatula. Kolondo' sangulun pana nakaili' nakakito Riso kapoam makakito Riso. Gama' ru urumaton am manguasa' Io ra sabuoi-buoi! Amin.

2 TIMOTIUS 2:19

Kaa' ondo' binaal ri Aki Kapuuno' no ra guang ru ulun Nano kalo maalap kauyog. Am minindagu Io noyo, “Tuhan makaulig ra osoi ulun Nano,” am poyo ra, “Osoi ayuk mangiou ra io ulun ru Tuhan, musiti' io tumalikur intor ra kasalaan nano.”

2 TIMOTIUS 2:20

Ralalom ru baloi ru ulun langkaya' nansalinut kakamot. Mokoondo' binaal intor ra pirok am mas, am niayuk ondo' binaal intor ra tataun kapoam tana' labu'. Masuai niayuk ondo' masalok pakayon am ondo' pakayon paat ra tambuluyon.

IBRANI 10:21

Am i Jisus ti noyo imam maayo kuasa' ondo' maningganai ra ulun ri Aki Kapuuno'.

IBRANI 12:22

Kaa' sotopot no nakainggaar kau ra Bulur Sion am bandar ri Aki Kapuuno' ondo' maayag no, ioginio Jirusalim am poyo riribu malaikat giu' ra suruga'.

IBRANI 3:12

Pabukat kau ngai' ondo' tagamin kuno, ilalai' min koson ra kolondo' sangulun intor ramuyun no makaguang ra malaat ra kalo boo mangintopot, saboi tumalikur boo ri Aki Kapuuno' ondo' mantilayun no.

IBRANI 9:14

Mulu' poyo raraa' ri Kristus ondo' makapamasau ra tula ru ulun. Sabap ra mansail ra Ambiluo mantilayun, i Kristus nampataak ra painawo Nano ri Aki Kapuuno' koson ra taak simbalui ondo' kolondo' sala. Am sabap ra raraa' Nano pinasasar, mampaintopot i Aki Kapuuno' ritakau ra kalo boo makasala takau intor ra binaal takau ra kolondo' onong i, maa' raginio makapangandoi takau ri Aki Kapuuno' ondo' maayag.

JOSUA 3:10

Paat ra akau jumalai ra maagu no, maaru' pagiruon No ulun ru Kanaan, Git, Giwi, Piris, Girgasi, Amori am Jibusi. Makapandai kau ra i Aki Kapuuno' ondo' maayag soroi ra tatanga' min

1 PITRUS 2:5

Akau pana mogondo' ra batu naayag. Ginio ra polosoo' noyo kaayagan min alapon ru Ambiluo ri Aki Kapuuno' mambaal ra Baloi Tuhan. Bagu masauk kau koson ra imam Nano ondo' mapasau, am sabap ri Jisus Kristus makapangani' kau ri Aki Kapuuno' ra taak ondo' iowon Nano, maya' ra indangan ru Ambiluo Nano.

1 PITRUS 4:17

Maar noyo masuku' paat ri Aki Kapuuno' mangakim ra ulun ru tana' ti, am Ulun Nano akimin No galing. Amon ru itakau noyo talimpuunan Nano, atan masauk ra tauli no risilo ondo' kalo nangintopot ra Tanou Moonsoi intor ri Aki Kapuuno' i?

PINAINTALANG 7:2

Kakito ku boo malaikat ra bokon poyo siminalula' intor ra sirangon nagibit ra saap ri Aki Kapuuno' ondo' maayag. Nampiau malaikat no ra bolos mosongou ra kaapat malaikat ondo' inanian ri Aki Kapuuno' ra kuasa' mampalunsai ra lantur am raat ti.

1 SAMUIL 17:26

Nangkuot i Daut ra saujor ondo' soroi ra mamaar riso, “Atan kia ondo' taakin ra ulun ondo' makapamatoi ra ulun ru Palistin no am mapalabus ra Israil intor ra pagasaban? Makakau' kaga' ulun ru Palistin no, ulun ondo' kalo makaulig ri Aki Kapuuno', manggal ra saujor ri Aki Kapuuno' ondo' naayag!”

1 SAMUIL 17:36

Namatoi aku noyo ra singa' am baawang, am ulun ru Palistin ondo' kalo nakaulig ri Aki Kapuuno' no, niayuk nogondo' pamakuan kuno koson ra bibiag raginio, sabap ra makakau' io manggal ra saujor ri Aki Kapuuno' ondo' naayag.