1 TIMOTIUS 3:14 - Tanou Moonsoi Timugon

¹⁴ Kabalu' pana tulisin tokou niayuk ra surat ti, malansan aku ra kalo boo mabuoi mongoi aku tuum rirun.

1 TIMOTIUS 3:14 ပူးပေါင်းရင်းမြစ်များ

PILIMON 1:22

Liliwa' raginio, pongoono' raki' kalalair rondo' lamin giu' ra baloi muno, sabap ra malansan aku i Aki Kapuuno' mangiou niayuk ra pakiasian min ngaangai', koson mokoongoi aku po tuum saguli' ramuyun.

1 KORINTUS 11:34

Osoi maitilan, musiti' io mangakan galing giu' ra baloi, maa' raginio kalo ukumin kau ri Aki Kapuuno' sabap ra pasimpungan mino. Ondo' kapaganan ra bokon, balain takamin ayuk paat ra aku sumaguli' poyo ramuyun.

3 JUANIS 1:14

Malansan aku makapaguma' to ra mataki' am makapansunur to.

2 JUANIS 1:12

Masuang poyo musiti' pabalaan kuno ramuyun. Kaa' guang ku moonsoi sala' ka tulisin ra surat. Malansan mokoongoi aku galama' tuum am makimansunur ramuyun, maa' boo raginio guang takau topot-topot maansukan.

IBRANI 13:23

Mambala' aku ramuyun ra pabukat takau i Timotius pinaingkual noyo intor ra lamin pangaputan. Amon ru mataki' io matong ragiti, paayaan ku io mongoi uma' ramuyun.

1 TIMOTIUS 4:13

Buoi ra aku kalo poyo makaratong, piroto' noyo pabasaa' Buuk Kitab, potonowo' Tanou Moonsoi am ilaa' poyo ulun Kristian.

1 TISALONIKA 2:18

Makaguang akai noyo mongoi tuum ramuyun, ra kaingkula' ku noyo nangkinam, kaa' inampangan akai ru Tingganai ru riwato no.

1 TIMOTIUS 3:13

Mangingindangan ra mapandai makaalap ra inggalan moonsoi am makakau' ilo mampatanou ra pangintapatan nilo intor ri Jisus Kristus.

1 TIMOTIUS 3:15

Kaa' amon ru kalo makaratong aku ra mataki', okou mokoondo' noyo ra kaintutunan ra ati kulaan musiti' takau maayag koson ra anak ri Aki Kapuuno', ioginio pasimpungan ru ulun ondo' mangintopot ri Aki Kapuuno' ondo' maayag. Itakau noyo ondo' mampabala' am manungka' ra katapatan.