1 TIMOTIUS 3:11 - Tanou Moonsoi Timugon

¹¹ Andu' nilo pana musiti' makapaliso ra moonsoi, sala' ka masaga' mansunur ra bokon, mataan guang am malansanan ra atan ayuk baal.

1 TIMOTIUS 3:11 ပူးပေါင်းရင်းမြစ်များ

MAZMUR 101:5

Ulun manimbaal ra kalinuos ayuk pusoon ku; ulun ondo' malilimbau am masawat guang kalo polosoon ku koson raginio.

MAZMUR 15:3

ondo' kalo manimbaal ra ragu ra ulun bokon; kalo naninduol ra guang ru rangan, am kalo mampaluta' ra pinasambalayan;

MAZMUR 50:20

Uwin min rayuso' pabukat mino, am pongkotob simbaalin ra ragu.

AMSAL 10:18

Ulun ondo' mambuni ra kasisangan iono mamparuung. Ulun ondo' mangalimut iono sasambungon.

AMSAL 25:13

Ulun sinusub ra maintopot, kaansayin ru ulun manusub no, koson ra inumon masalui bulintok malasu'.

JIRIMIA 9:4

Moonong ulun musiti' pagilalain rangan nano; pongkotob pana kalo maintopot. Koson ilo ri Jakub ondo' namparuung ra pabukat nano, am moonong ulun manimbaal ra ragu ra rangan nano.

YEHEZKIEL 44:22

Sasangulun imam kalo iowon magandu' ra ruandu' ondo' inali noyo. Sasangulun imam iowon ayuk magandu' ra ralaa ru Israil, kapoam ruandu' napuor inandu' ru imam.

IMAMAT 21:7

Sangulun imam kalo iowon maguot ra ruandu' mantalan ra inan, kapoam ruandu' ondo' kalo boo ralaa, kapoam ruandu' ra inali noyo, sabap ra patimpokon noyo imam Raki'.

MATIUS 4:1

I Jisus pana inibit boo ru Ambiluo ri Aki Kapuuno' giu' ra tana' kaagisan koson kinamin Io ru Tingganai ru riwato.

JUANIS 6:70

Indagu boo i Jisus risilo, “Kabalu' pana Aku noyo nampili' ramuyun mopor am ruo ngaulun ringai', kaa' sangulun intor ramuyun no riwato.”

ROMA 1:29

Guang nilono napanu' ra kalaatan, mapuka', magingkaut ilo, mampalaat ra rondo' am bokon: mangusolon ilo, makimampatoi, mansasangor, mamparuung, malikokot. Mansunur ilo ra ulun bokon,

1 TIMOTIUS 1:12

Maringkuanang aku ri Jisus Kristus, Tuhan takau, sabap ra aku pinaikang am linansanan Nano sumauk ra mangangandoi Riso,

1 TIMOTIUS 3:2

Sangulun tingganai ru ulun Kristian no musiti' kolondo' sala, sangulun ayuk andu' nano, makapantataan ra guang, mapintar, makapaliso matanda', mataau mangapu ra tambului am makapangila' ra ulun.

1 TIMOTIUS 6:2

Ulipon ondo' makatuan ra Kristian, pai' min karaa' ra pabukatan min ra Kristian sasaban ra kalo mangurumat ra tuan mino. Kaa' sotopot no, pasingkoton poyo kinoonsoi ru kandoi min risilo, sabap ra tuan ondo' mokoowot ra ampos ru kandoi min, pabukat poyo ra Kristian ondo' tagamin. Musiti' ilaan am pabalaan mu toojo ngaangai' tinulisan kuno rirun.

2 TIMOTIUS 3:3

Kalo motogom kapoam mangampun ilo ra ulun bokon am masaga' ayuk manimbaal ra ragu. Am poyo mataki' ilo malasu' guang, malaat ilo am masisang poyo ra kaansayan.

2 TIMOTIUS 4:5

Kabalu' koson raginio, okou Timotius musiti' guangon mu toojo atan ayuk ondo' baalon muno. Oroton ayuk ra okou imboloon. Paugaro' noyo kandoi muno koson mampasaboi ra Tanou Moonsoi ti am pongoono' noyo ngaangai' ondo' pinalansan rirun koson ra sangulun ulipon ri Aki Kapuuno'.

TITUS 2:3

Ragui' niayuk ruandu' matutuo rati ra tumanda' ilo sumugut ra tiluan ru sangulun ondo' mapasau. Kalo noyo mansunur ra bokon kapoam gagaukon, kaa' makapangila' poyo ra moonsoi,

TITUS 3:2

Ragui' ilo no ra pai' pangalimut kapoam pakimansangor, kaa' masalok masamba am molomoi ra ngaangai' ulun.

1 PITRUS 5:8

Tampos kano am pagilalai' min! Sabap ra Tingganai ru riwato, pantula' mino, mijajawot am mansangal' koson ra singa' maguyum ra osoi ayuk mapatoi nano.