1 TIMOTIUS 2:9 - Tanou Moonsoi Timugon

⁹ Am masaga' aku ra ruandu'-ruandu' mambayang ayuk ra ondo' sama' tantangin am kalo mampakauyu' ra pagilangan ru ulun; ioginio kalo majanjayan sikot ru abuk, mampakai ra mas, mutiara kapoam bayang ra mongologo.

1 TIMOTIUS 2:9 ပူးပေါင်းရင်းမြစ်များ

KASAUKAN 24:53

Paingkualo' no boo bayang, limpor ru mas am pirok. Pataako' no ngaangai' ri Ribika. Nangani' io niayuk ra taak ondo' mongologo ra maayo ungkuyon am ina' ri Ribika.

2 RAJA'-RAJA' 9:30

Kopongo raginio nakasaboi Raja' Jigu giu' ra Jijriil. Paat ri Ijibil nokorongog ra atan ondo' nasauk no, saiti' no bingkolot ru mato nano, am busaki' abuk nano, am pagilong ra ragana' intor ra gigimpalan ru istana.

ESTER 5:1

Paat ra orou katalu ru nampalian nano, nambayang i Ester ra bayang ru andu' raja', am ongoi ra liliut tampilon ralalom giu' ra istana am minigor giu' ra saang ru kulobon balairung. Tatanga' raja' nanturung giu' ra rasawat ru panturungan ru raja' ondo' nakatingkuang ra kulobon no.

MAZMUR 149:4

Maansukan Tuhan no ra ulun Nano; pamanangon No ulun ra minggana' guang.

AMSAL 31:22

Mambaal io ra permaidani am bayangon nano binaal intor ra linon matanggilung ondo' mologo.

AMSAL 31:25

Mapintar io am urumaton ru ulun. Kalo magalabo io ra kasaukan ra maagu no.

AMSAL 7:10

Ruandu' no minuma' riso. Nambayang ruandu' no ra bayang koson ra babayangon ru sangulun ruandu' mantalan ra inan am mangatang ra gogot ru guang nano.

JISAYA 3:16

Mindagu Tuhan, “Malilimbau kaga' ruandu' ru Jirusalim! Masisinto ilo kaga', masalok ilo mangulurat, am tumpang nilono babaalon ayuk saboi kumurinsil ayuk boo golong ru kalayam nilono.

JISAYA 61:4

Baalon nilo saguli' bandar-bandar ondo' nakalair noyo napuut, am mapabigor ra intok-intok ondo' nakalair noyo masiluk.

JIRIMIA 2:32

Mokoondo' kia ralaa ondo' makalilian ra limpor nano, kapoam ruandu' uoton ondo' makalilian ra bayang nano? Kaa' ulun Kuno nakalilian Raki' ra nabuoi kaga' – suang ru orou no kalo boo mauntob.

JIRIMIA 4:30

Alii ra Jirusalim, malumpa' kou ru karaat! Kua pambayang kou ra malia'? Kua palimpor kou ra mas kapoam pirok, am niayuk manait ra mato? Banangan mu ayuk mampapakai! Ngaangai' ru kubayau muno ra galing i magasab rirun am niayuk masaga' ilo mamatoi rirun.

MATIUS 11:8

Akau miningkual magilong ra atan? Sangulun ondo' nambayang ra moonsoi kia? Ulun ondo' nambayang koson raginio mayan ra istana!

1 TIMOTIUS 2:10

Kaa' sotopot no, musiti' ruandu'-ruandu' mambaal ayuk ra moonsoi, sabap ra ginio noyo kataluran ru ruandu' ondo' mangintopot ri Aki Kapuuno'.