1 TIMOTIUS 2:7 - Tanou Moonsoi Timugon

⁷ Am ginio nai ra aku ti pinasauk ra rasul am mangingila' ra tayar ru ulun sala' ka Jaudi, koson mampatanou ra pangintapatan ondo' motopot. Am motopot ngaangai' rinagu kutu, pai' ru magabau aku.

1 TIMOTIUS 2:7 ပူးပေါင်းရင်းမြစ်များ

MAZMUR 111:7

Tuhan matimpok am mampagagaya' ra atan ondo' baalon Nano; nansalinut panusuban Nano maintopot.

MAMPATANOU 1:12

Aku, i Ulun Mangkara', mamarinta giu' ra Jirusalim koson raja' ru Israil.

MAMPATANOU 7:27

Ilai' noyo, ragu ri Ulun Mangkara': Nakapandai aku no ra baal raginio sanganu ka sanganu koson maguyum aku ra taam nano.

JUANIS 7:35

Tingganai ru ulun ru Jaudi nagindagu ra rondo' am bokon, “Ati nua' angayan Nano saboi kalo makatuum takau Riso? Mongoi Io kia ra ulun ru Jaudi ondo' liminatok ayan ra bandar ru ulun ru Junani? Mongoi Io kia pangila' ra ulun ru Junani?

RINALATAN 14:27

Paat ra ilo nakasaboi ra Antiokia, timungo' nilo pasimpungan ulun Kristian am tunungo' nilo atan ondo' sinauk ri Aki Kapuuno' pinasumbaya' risilo. Tinunung nilo niayuk ra ati kulaan i Aki Kapuuno' nangukab ra ralan koson ulun ondo' sala' ka Jaudi pana mangintopot ri Jisus.

RINALATAN 22:21

Kaa' indagu poyo Tuhan i raki', ‘Ugar no, sabap ra Aku noyo mopoongoi rirun ra intok maalur, mongoi ra ulun ondo' sala' ka Jaudi.’ ”

RINALATAN 26:20

Ginio ra mambala' aku toojo ra ulun ra musiti' ilo tumalikur intor ra tula nilo am sumaguli' ri Aki Kapuuno', am niayuk maayag ra matanda'. Giu' ra Damsyik galing nambalaan kuno raginio, giu' poyo ra Jirusalim am niayuk ngaangai' ru Judia am poyo intok ru ulun sala' ka Jaudi.

RINALATAN 9:15

Kaa' indagu Tuhan no riso, “Ugar no, sabap ra io pinili' Ku mangandoi Raki', koson mampasaboi ra tanou intor Raki' ra ngaangai' bansa' ondo' sala' ka Jaudi am raja'-raja' am niayuk ulun ru Israil.

ROMA 1:9

I Aki Kapuuno' noyo sasi' ra atan ondo' raguon kutu motopot. Io no i Aki Kapuuno' ondo' pangandayan kuno ra sotopot-topot ru guang ra mampasaboi ra Tanou Moonsoi intor ra Anak Nano. Moonong ra aku makiasi' karaan takamin am makitaak ri Aki Kapuuno' ra poongoyon No aku ramuyun maya' ra kasagaan Nano.

ROMA 10:14

Kaa' mailo ilo makiindangan ra Tuhan amon ru kalo poyo nangintopot ilo Riso. Mailo ilo mangintopot Riso amon ru kalo poyo nokorongog ilo ra tanou intor Riso. Mailo ilo mangkirongog ra tanou no amon ru kolondo' mampabala' risilo.

ROMA 11:13

Raino mindagu aku ramuyun ulun sala' ka Jaudi, buoi aku mampaugar ra kandoi koson ra sangulun rasul ra ulun sala' ka Jaudi, karaan ku kandoi ragitio maatang kaga'.

ROMA 15:16

Pinili' No aku masauk ra ulipon ri Kristus Jisus koson mangindangan ra ulun sala' ka Jaudi. Mampaugar aku ra kandoi koson sangulun imam ondo' mampabala' ra Tanou Moonsoi intor ri Aki Kapuuno'. Maa' raginio, ulun sala' ka Jaudi patimpokon ri Aki Kapuuno' ru Ambiluo Nano koson rondo' taak ondo' mapabansuk Riso.

ROMA 9:1

Ondo' raguon kutu motopot; siminimpung aku ri Kristus am kalo magabau aku. Bolos ru guang kuno ondo' kinuasa' ru Ambiluo ri Aki Kapuuno' mampainono' ra kalo magabau aku.

1 KORINTUS 9:1

Kalo boo uliponon aku ru kaulayan ru Jaudi. Aku ti sangulun rasul. Nakakito aku no toojo ri Jisus, Tuhan takau am akau no ampos ru kandoi kuli.

2 KORINTUS 11:31

I Aki Kapuuno', Ama' ru Tuhan Jisus, nakapandai ra kalo magabau aku. Koompor inggalan Nano ra sabuoi-buoi no.

GALATIA 1:16

Paat ri Aki Kapuuno' nampaintalang ra Anak Nano raki', koson potonowon ku Tanou Moonsoi ra ulun sala' ka Jaudi, kalo nakitulu' aku ra osoi ayuk pana.

GALATIA 1:20

Atan ondo' tinulisan ku ragitio motopot. I Aki Kapuuno' nakapandai ra kalo magabau aku.

GALATIA 2:16

Kaa' mapandayan noyo ra sasangulun no mobonsoi saguli' ri Aki Kapuuno' sabap ra mangintopot io ayuk ri Jisus Kristus, am pai' ru maya' ra Ukum ri Musa. Akai pana nangintopot ri Jisus Kristus, maa' raginio mobonsoi akai saguli' ri Aki Kapuuno' sabap ra pangintapatan mai ti, am sala' ka maya' ra Ukum ri Musa. Kolondo' sangulun pana mobonsoi saguli' ri Aki Kapuuno' maya' ra Ukum ri Musa.

GALATIA 2:9

I Jakubus, Pitrus am i Juanis ondo' karaan ra tingganai, nangiou ilo ra aku sinusub ri Aki Kapuuno' mambaal ra kandoi maatang ti. Ginio ra sikin ilo raki' am niayuk i Barnabas. Ginio tatandu' ra rondo' guang mai mangandoi, aku am i Barnabas mampatanou ra ulun sala' ka Jaudi, liliwa' ilo mampatanou ra ulun ru Jaudi.

GALATIA 3:9

Nangintopot i Abragam, am ginio boo ra binarakat io. Mogondo' niayuk ra ngaangai' ulun ondo' mangintopot no, barakaton ilo ri Aki Kapuuno' koson ri Abragam.

2 TIMOTIUS 1:11

Sinauk aku ri Aki Kapuuno' ra sangulun rasul am mangingila', koson mampasaboi ra Tanou Moonsoi ti.

2 PITRUS 2:5

Koson niayuk ra ulun malaat ra galing i, kalo pinoloso ri Aki Kapuuno'. Paat ragili namparatong Io boo ra rosob maayo risilo. I Nuu ayuk am poyo tulu' ngaulun ra bokon ondo' binayag, sabap ra io noyo ondo' napatanou ra katapatan ri Aki Kapuuno'.