1 TIMOTIUS 2:13 - Tanou Moonsoi Timugon

¹³ Sabap ra i Adam ondo' pinasauk pagulu am sunu' bagu i Awa.

1 TIMOTIUS 2:13 ပူးပေါင်းရင်းမြစ်များ

KASAUKAN 1:27

Ginio noyo i Aki Kapuuno' nambaal ra ulun am napasauk risilo koson ra baal Nano galama', sinauk No ilo ungkuyon am ruandu'.

KASAUKAN 2:18

Indagu boo Tuhan i Aki Kapuuno', “Kalo niayuk moonsoi ulun maayag misangulun. Mambaal Aku sangulun rangan ondo' maaya' toojo koson mangindangan riso.”

KASAUKAN 2:22

Intor ra bungul tiagang no, nambaal Io sangulun ruandu' am ibito' No boo ra ungkuyon no.

KASAUKAN 2:7

Alap boo Tuhan i Aki Kapuuno' ra sanganu tana' am pambaal Io ra ulun am sampuyo' boo ra painawo ondo' mapakaayag ralalom luang ru arung no; am ulun no maayag boo.

KASAUKAN 3:16

Indagu Tuhan i Aki Kapuuno' ra ruandu' no, “Janjain Ku pagon paat okou maapang am niayuk maruol ra okou maganak. Kabalu' pana raginio, okou lakat ayuk poyo makaguang lumampit ra ralaki muno, kaa' kumuku' kou riso.”

KASAUKAN 3:20

Inggalani' ri Adam andu' nano i Awa sabap ruandu' raginio noyo masauk ra ina' ru ngaangai' ulun.