1 TIMOTIUS 2:10 - Tanou Moonsoi Timugon

¹⁰ Kaa' sotopot no, musiti' ruandu'-ruandu' mambaal ayuk ra moonsoi, sabap ra ginio noyo kataluran ru ruandu' ondo' mangintopot ri Aki Kapuuno'.

1 TIMOTIUS 2:10 ပူးပေါင်းရင်းမြစ်များ

AMSAL 31:25

Mapintar io am urumaton ru ulun. Kalo magalabo io ra kasaukan ra maagu no.

AMSAL 31:31

Balasi' noyo ngaangai' binaal nano. Io ruandu' ondo' maaya' urumaton ru ngaangai' ulun.

RINALATAN 9:36

Giu' ra Jopi mokoondo' poyo sangulun ruandu' makainggalan ri Tabita. Nangintopot io ri Jisus. (Inggalan nano ralalom ragu ru Junani am i Dorkas ondo' makaarati' “Tambang”.) Masalok moonsoi baalon nano am mangindangan io niayuk ra ulun musikin.

RINALATAN 9:39

Tampos i Pitrus am baya' risilo. Pakasuku' ra giu' i, ibito' io ra lamin ru rasawat i. Ngaangai' napuor liminimpu ri Pitrus liliwa' nantangi' am patalango' nilo bayang am sukub ondo' pinikit ri Dorkas i risilo ra io lakat ayuk poyo soroi.

IPISUS 2:10

I Aki Kapuuno' noyo nambaal ritakau, am sabap ra pasimpungan takau ri Kristus Jisus, nangatang Io ra kiralan ru kaayagan takau koson mambaal ra moonsoi. Gitio ondo' tinampos no kalalair ra pabaalin ritakau.

1 TIMOTIUS 2:11

Am poyo musiti' ilo migigila' makapaliso ra mongkoror am minggana' guang.

1 TIMOTIUS 2:9

Am masaga' aku ra ruandu'-ruandu' mambayang ayuk ra ondo' sama' tantangin am kalo mampakauyu' ra pagilangan ru ulun; ioginio kalo majanjayan sikot ru abuk, mampakai ra mas, mutiara kapoam bayang ra mongologo.

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.

TITUS 3:8

Motopot ragu raginii. Masaga' aku ra mampakaatang kou toojo ra kaintutunan raginio, maa' raginio ilo ondo' mangintopot ri Aki Kapuuno' makapambaal ra kandoi moonsoi. Ngaangai' ti moonsoi toojo am mokoonong ra ngaangai' ulun.

1 PITRUS 2:12

Kaayag kano ra moonsoi ra sasanggilan akau lumatok ra ulun ondo' kalo nakaulig ra Tuhan. Maa' raginio, paat ra ilo manguu' ramuyun ra akau ti ulun malaat, makamakito ilo ra sotopot no moonsoi ayuk baalon min i, suku' mokopongompor ilo ri Aki Kapuuno' paat ra orou pangukuman Nano ondo' matong.

2 PITRUS 3:11

Amon ru koson ragitio noyo sauk ru pamupusan ra ngaangai' ti, kaayag kano mabaya' ra guang mapasau am mampakatasu' ri Aki Kapuuno',

PINAINTALANG 2:19

Nakapandai Aku ra atan binaal mino, togom mino, gagaya' mino, kandoi mino am kaaratan mino ra akau imboloon. Nakapandai Aku ra raino kandoi mino moonsoi poyo ka ragili.