1 TIMOTIUS 1:9 - Tanou Moonsoi Timugon

⁹ Karaa' takau boo ra ukum ti pai' ru pinataak koson mampatanda' ra ulun moonsoi, kaa' ulun mangalaat ondo' manggal ra ukum, ioginio ondo' makatula, ondo' tumalikur am kalo mangurumat ri Aki Kapuuno', am poyo ulun ondo' mamatoi ra matuo nilai, kapoam mamamatoi ra bokon.

1 TIMOTIUS 1:9 ပူးပေါင်းရင်းမြစ်များ

2 SAMUIL 16:11

Kon ru Raja' Daut ri Abisai am ra ngaangai' ru pagawai nano, “Anak kuno galama' mirot mamatoi raki'; kua piboo pangimuag kou magilong ra paliso ru ulun ru Binjamin ti? Tuhan no nanusub riso magulas raki', sabap raginio pai' jajajou pamakuan riso, am polosoon ayuk io magulas raki'.

2 RAJA'-RAJA' 19:37

Sangarawan raiti, tatanga' ra io sumambayang giu' ra ralalom ru kuil Nisrok, dewa nano, ruo ngaulun anak ungkuyon nano, i Adramilik am i Sarijir, namatoi riso ra ilang. Kopongo raginio pagiru' ilo ra tana' ru Ararat. I Isaradon, anak ungkuyon nano ra bokon minalit riso koson ra raja'.

2 TUNUNG RU BANSA' ISRAIL 32:21

Nangator Tuhan ra rondo' malaikat ondo' namatoi ra saujor-saujor am pagawai-pagawai ru saujor pagun ru Asyur. Raja' ru pagun ru Asyur pana minuli' boo ra pagun nano ra nauyu' kaga'. Paat ra sangarawan, paat ra raja' ru Asyur soroi giu' ra kuil ru sinungkalalaing nano, kukula' ngaulun anak ungkuyon nano namatoi riso ra ilang.

KAINGKUALAN 20:13

“Pai' pampatoi.

KAINGKUALAN 21:14

Kaa' amon ru sumangit sasangulun am sumingon mamatoi ra ulun bokon, musiti' io ukumin ra matoi kabalu' pana magiru' io ra altar Kuno makiampin.

AMSAL 20:20

Osoi-osoi magulas ra matuo nano, bayag nano maliom koson ra lampung malasa' ra intok molondom.

AMSAL 28:17

Sangulun mamamatoi pampaguangan nano koson ra ilolowon saboi io matoi. Pai' kinam pangindangan riso.

AMSAL 28:24

Osoi mantakou ra matuo nano am guangon no baal koson raginio kolondo' tula, io no nogondo' ayuk ra mantatakou.

AMSAL 30:11

Mokoondo' ulun magulas ra ama' am kalo maringkuanang ra ina' nano.

AMSAL 30:17

Sangulun ondo' magasab ra ama' nano, kapoam ina' nano ondo' matutuo noyo, maaya' patirin ra liwar maa' raginio mato nano tindukon ru bangkaak am baangkai nano akanon ru likap.

JIRIMIA 23:11

Indagu Tuhan, “Nabi am imam marara' gumagaya' Raki'. Napandayan Ku nambaal ilo ra malaat am niayuk poyo giu' ra Baloi Kuno.

YEHEZKIEL 21:25

‘Akau ngai' tingganai ru Israil, tingganai ondo' malaat am gugumuor, orou pangukuman ondo' pupus ramuyun mamaar noyo.

IMAMAT 20:9

Nanaak Tuhan ra aturan ragitilo, “Osoi magulas ra ama' nano kapoam ina' nano musiti' ukumin ra matoi. Matoi ulun no sabap ra kasalaan nano galama'.

MATIUS 10:21

“Mokoondo' ulun mampataak ra pinongkotob nano galama' koson ra potoyon, am ama' pana mambaal niayuk koson raginio ra anak nano. Mokoondo' anak manggal ra matuo nano saboi pataakon nilo ra potoyon.

ROMA 1:30

mangilaat ra bokon; masumbung ilo am mailo balain, masisang ri Aki Kapuuno' am lumimbau. Maguyum ilo ra ralan bagu koson mambaal ra malaat am kalo gumagaya' ra ragu ru matuo nilo;

ROMA 4:13

I Aki Kapuuno' nambantu' ri Abragam am ra papag nali, ra tana' ti ilo no tatangan. Ginio binantu' Nano sala' ka sabap ra giminagaya' i Abragam ra Ukum ri Musa, kaa' sabap ra nangintopot am inapu io ri Aki Kapuuno' koson ra sangulun ondo' mobonsoi saguli' Riso.

ROMA 5:20

Ukum ri Musa tinaakan ri Aki Kapuuno'. Kaa' kapiratan ru ulun gumagaya' raginio mangkinibit risilo manggal ra Ukum no am tumula ri Aki Kapuuno'. Kaa' rumuang pana tula no, mulu' poyo kataawan ri Aki Kapuuno' no rumuang.

ROMA 6:14

Tula kalo boo makapanguasa' ramuyun, sabap ra kaayagan mino kalo boo inimpuun ra Ukum ri Musa, kaa' inimpuun ra asi' ri Aki Kapuuno'.

GALATIA 3:19

Amon ru ginio poyo, atan pakuan ru Ukum ri Musa no? Io pinaruang koson mampakito ra kaanggalan takati. Ukum ri Musa ti mokoonong polos ayuk ra ratangan ru sangulun papag ri Abragam, io no ondo' napataakan ra nabantuan raginio. Ukum ti pinasaboi ru malaikat-malaikat ru Tuhan mumbaya' ra sangulun papabilinan.

GALATIA 5:18

Kaa' amon ru Ambiluo ri Aki Kapuuno' maningganai ramuyun, kalo boo kinuasa' kau ru Ukum ri Musa.

GALATIA 5:21

Am mangkinibit poyo ra mangusolon, magauk, rumamai ra jajajou am mansalinut poyo. Pinakara' ku ramuyun raino mogondo' ra aku nampakara' noyo ramuyun ragili; ulun ondo' makapaliso koson raginio kalo makaliman ra Pamarintaan ri Aki Kapuuno'.

GALATIA 5:23

am minggana' guang am poyo mapandai mongorot. Baal koson raginio kalo iningaan ru atan ayuk pana ukum.

SAGULION 27:16

“ ‘Kaulas noyo ulun ondo' magasab ra ina' kapoam ama' nilo.’ “Ngaangai' ulun tumaam ra, ‘Amin!’

2 TISALONIKA 2:8

bagu no Ulun Malaat ti mintalang. Kaa' paat ri Tuhan Jisus matong, potoyon No Ulun Malaat no ra sampuyon no ayuk am pusoon No io ra sinda ru ratangan Nano.

1 TIMOTIUS 4:7

Kaa' inggaluri' noyo tutunungon ondo' binaal-baal ayuk ra kolondo' onong no. Igigila' no ra kaayagan ondo' kasagaan ri Aki Kapuuno'.

1 TIMOTIUS 6:20

Timotius, rayuso' poyo kandoi ondo' pinalansan noyo rirun. Inggaluri' noyo pantataaman ra kolondo' onong am ondo' magasab ri Aki Kapuuno', pagagansangan ondo' piawon rokoon “Kapandayan”, kaa' sotopot no kalo.

2 TIMOTIUS 2:16

Inggaluri' noyo pantaaman ra kolondo' onong no am ondo' magasab ri Aki Kapuuno'. Raragu koson ragitio mampainggalur ayuk risilo intor ri Aki Kapuuno'.

2 TIMOTIUS 3:2

Mokoondo' masuang ulun mangkara' ayuk boo ra kasingkatan nilo galama', maringkumaa' ra kalangkayaan, masumbung am lumimbau. Magasab ilo ra ulun, manggal ra matuo nilai, kolondo' paliso nilo ra paringkuanangan am kalo mangurumat ra ugama.

TITUS 1:10

Ginio maaru' baalon no sabap ra mokoondo' masuang ulun ondo' masaga' ayuk manggal am ragu nilai pana kolondo' onong; mulu' poyo ulun ru Jaudi ondo' nangintopot ri Kristus.

TITUS 1:16

Migiangku ilo ra mangintopot kon ri Aki Kapuuno', kaa' naimumuyan boo intor ra baal nilo ra kalo noyo mangintopot ilo. Mangalaat ilo kaga', kalo gumagaya' ri Aki Kapuuno' am kalo makaangun ra baal moonsoi.

TITUS 1:6

Sangulun tingganai no musiti' kolondo' sala; musiti' sangulun ayuk andu' nano, am anak-anak nano pana musiti' mangintopot ri Kristus am kalo niayuk kauligan ilo ra maanggal-anggal kapoam mailo balain.

TITUS 3:3

Itakau pana galama' ragili sasambungon, maanggal-anggal am makasala. Inulipon takau ru nansalinut kalaayan am kasagaan ru guang saboi kaayagan takali napanu' ra solon am ingot. Ulun nasisang ritakau am itakau pana galama' nasisang niayuk risilo.

IBRANI 11:31

Sabap ra pangintapatan noyo, i Ragab, ondo' ragili nantalan ra inan nali, kalo minatoi nabaya' ra mamagun ru bandar Jiriko ondo' kalo giminagaya' ri Aki Kapuuno', sabap ra nangapu io ra ulun ru Israil ondo' minongoi pansigo ra bandar i.

IBRANI 12:16

Ilalai' noyo ra kolondo' sangulun mansawa' kapoam tumilu ri Isau ondo' kalo nangurumat ri Aki Kapuuno' ragili. Tayar tungkuson nali koson ra anak katuaan inaligan no ra samangkuk akanon ayuk.

1 PITRUS 2:7

Koson ra akau ondo' mangintopot, batu ti mokologo toojo. Kaa' koson ra ulun ondo' kalo mangintopot: “Batu ra kolondo' onong ru ulun mananambaloi, io boo nasauk ra batu ondo' maatang kaga'.”

1 PITRUS 3:20

ioginio ambiluo ru ulun ondo' kalo giminagaya' ri Aki Kapuuno' ra galing i, nakaintuma' ri nabi Nuu. Paat ragili naginaa i Aki Kapuuno' risilo ra guang mataan, buoi ri Nuu nomongo ra kapal maayo nali. Balu' ngaulun ayuk ringai' siminakoi am gitilo ayuk ondo' binayag ru rosob i.

1 PITRUS 4:18

Koson tinulisan noyo ra Buuk Kitab; “Amon ru mapagon ra ulun moonsoi bayagon, mulu' poyo mapagon ra ulun makatula ondo' kalo makaulig ra Tuhan!”

JUDAS 1:15

Mongoi Io pangukum ra ngaangai' ulun. Mangukum Io ra ulun-ulun makatula sabap ra baal malaat nilo am sabap ra ngaangai' asab nilai Riso!”

PINAINTALANG 21:8

Kaa' ulun matalou, ulun kalo boo mangintopot, ulun homoseks am lesbian ra makauyuyu' am majamol, mamamatoi, mansasawa', ulun makakapandayan malaat, sumamba ra sinungkalalaing am ngaangai' magagabau – ampos nilono giu' ra tasik ru apui ondo' naratok ra balirang mapaang, ioginio kapatayan ra kainduo.”

PINAINTALANG 22:15

Kaa' ulun mambaal ra makauyuyu' am majamol, ulun makakapandayan malaat, mansasawa', mamamatoi, ondo' sumamba ra sinungkalalaing, am ulun magagabau – iou pana maya' ra ragu kapoam binaal nano; ngaangai' ulun ragitio intok nilo ra liwar ru bandar no.