1 TIMOTIUS 1:20 - Tanou Moonsoi Timugon

²⁰ Koson ragitio niayuk sauk ri Iminius am i Aliksandir. Ilo karuo ti pinakuasaan ku noyo ra tingganai ru riwato, maa' raginio malanggaan nilo boo magasab ri Aki Kapuuno'.

1 TIMOTIUS 1:20 ပူးပေါင်းရင်းမြစ်များ

MATIUS 18:17

Amon ru kalo niayuk mangkirongog io ti, pabalaa' baal raginio ra pasimpungan ulun makapangintapatan. Pupus ti, amon ru kalo niayuk mangkirongog io ra ragu ragitio, karaa' noyo io ti koson ra kalo nakaulig ri Aki Kapuuno' kapoam sangulun mampalulur ra cukai.”

RINALATAN 13:45

Kaa' paat ra ulun ru Jaudi nakakito ra ulun masuang no, nangusolon ilo toojo. Inanggal nilo ngaangai' rinagu ri Paulus saboi nagasab riso.

RINALATAN 19:33

Mokoondo' nangkara' ri Aliksandir ti namuun raginio, sabap ra io ti ondo' jinuulan ru ulun ru Jaudi ra saang ru ulun masuang. Ginio ra nangani' i Aliksandir ra ulun-ulun no ra pulanu maa' raginio mongkoror, am masaga' io mambala' risilo atan masauk.

1 KORINTUS 11:32

Kaa' amon ru akimin takau pana ri Aki Kapuuno', ginio rondo' pangilaan no ayuk ritakau, maa' raginio kalo boo ukumin takau mabaya' ra ulun ru tana' ti.

2 KORINTUS 10:6

Mopongo kau mampainono' ra pampagagayaan min ri Kristus, bagu no akai tumampos mangukum ra osoi ayuk ondo' kalo gumagaya'.

2 KORINTUS 13:10

Ginio nai ra aku nanulis ra surat ti paat ra aku maalur ramuyun; maa' raginio ra aku mongoi ramuyun ra maagu no, kalo pana boo malasang ragu kuno ramuyun sumugut ra kuasa' ondo' pinataak raki' ru Tuhan – kaa' sala' ka kuasa' koson mamuso, kaa' mampaikang ra pangintapatan min.

2 TISALONIKA 3:15

Kaa' pai' karaa' ra ilo pantula', kaa' sawayo' ilo no koson pabukat min ra Kristian.

1 TIMOTIUS 5:15

Sabap ra mokoondo' niayuk kukula' ngaulun napuor ondo' nangiruan ritakau am siminugut boo ra Tingganai ru riwato.

2 TIMOTIUS 2:14

Ngaangai' baal ragitio pakaraan mu ra pasimpungan ulun Kristian am pinsonon mu ilo ra saang ri Aki Kapuuno' ra kalo boo mantataam ra arati' ru rorondo' ragu. Kolondo' toojo onong ru gitio, ondo' ak am mampakajajou ayuk ra ulun ondo' mangkirongog no.

2 TIMOTIUS 2:17

Pangilaan ru ulun-ulun raginio rumalat ra ulun ka ulun koson ra kinso gumaai ra inan. I Iminius am i Pilitus noyo ruo ngaulun intor risilo ti.

2 TIMOTIUS 3:2

Mokoondo' masuang ulun mangkara' ayuk boo ra kasingkatan nilo galama', maringkumaa' ra kalangkayaan, masumbung am lumimbau. Magasab ilo ra ulun, manggal ra matuo nilai, kolondo' paliso nilo ra paringkuanangan am kalo mangurumat ra ugama.

IBRANI 12:5

“Nakalilian kano kia ra bala' ri Aki Kapuuno' ra Io minindagu ramuyun koson ra anak Nano? Kon Nano: Anak Ku, guango' min ra akau loposon am ilaan ru Tuhan, am pai' pangkaus amon ru mansawai Io ramuyun.

PINAINTALANG 13:1

Kakito ku boo sanginan bibiag masigo siminalula' intor ra ralalom ru raat. Mokoondo' io ra mopor sangau am tulu' ulu. Rorondo' ra sangau no mokoondo' karaun am rorondo' ra ulu no makabatik ra inggalan magulas ri Aki Kapuuno'.

PINAINTALANG 3:19

Sawayon am patandaan ku ngaangai' ondo' tagamin Kuno. Sabap raginio, pirot no am talikur no intor ra tula mino.