1 TIMOTIUS 1:18 - Tanou Moonsoi Timugon

¹⁸ Timotius ondo' pinakaanak kuno, kandoi ragitio palansanon ku rirun: Anggalo' ilo ondo' maabau-abau ra okou mampabala' ra Tanou Moonsoi, maya' ra bilin ru nabi rirun ragili.

1 TIMOTIUS 1:18 ပူးပေါင်းရင်းမြစ်များ

RINALATAN 16:1

Minongoi i Paulus ra Dirbi am Listra. Giu' ra Listra mokoondo' sangulun Kristian, inggalan nali i Timotius. Ina' nano ulun ru Jaudi, ondo' niayuk sangulun Kristian kaa' ama' nano ulun ru Junani.

1 KORINTUS 4:17

Ginio kuayan ra mompoongoi aku ri Timotius ramuyun. Koson sangulun Kristian, io ti anak kuno ondo' tagamin kuno am malansanan. Io mampakara' ramuyun ra ati kulaan kaayagan kuno koson ra sangulun ondo' mangintopot ri Kristus. Ginio noyo pangilaan kuno ra ngaangai' pasimpungan ulun Kristian ra ati ayuk intok.

1 KORINTUS 9:7

Kolondo' saujor maguyum ra balanja' nano galama' paat ra io makaaya' ra pangayawan. Kapoam kolondo' ulun magitanom kalo mangakan ra kawa' ru anggur intor ra umo nano galama'. Kapoam kolondo' magagalung ondo' kalo manginum ra gatas intor ra domba nano galama'.

PILIPI 2:22

Akau galama' nakapandai noyo ra kinoonsoi ru paliso ri Timotius ti, koson ra sangulun anak mabaya' ra ama', nangindangan io raki' mampasaboi ra Tanou Moonsoi ri Aki Kapuuno'.

1 TIMOTIUS 1:2

Timotius, pinakaanak tokou sabap ra pangintapatan muno ri Kristus. Gama' ru i Aki Kapuuno', Ama' takau, am i Jisus Kristus, Tuhan takau manaak rirun ra barakat, asi' am pabansayan.

1 TIMOTIUS 1:5

Manusub aku ragitio koson ra togom min ra ulun bokon sumalula' intor ra guang moonsoi, bolos ru guang mapasau am pangintapatan ra kolondo' abau.

1 TIMOTIUS 4:14

Pai' polosoo' ayuk kandoi tinaakan ri Aki Kapuuno' no rirun, paat ra tingganai-tingganai napabanta' ra kalindu' nilai ra ulu muli liliwa' nabi-nabi nampabala' ondo' inaru' rirun ri Aki Kapuuno'.

1 TIMOTIUS 4:4

Ngaangai' ondo' sinauk ri Aki Kapuuno' no moonsoi am kolondo' ra rondo' kon malaat amon ru apuon mabaya' ra pakiasian ru paringkuanangan.

1 TIMOTIUS 6:20

Timotius, rayuso' poyo kandoi ondo' pinalansan noyo rirun. Inggaluri' noyo pantataaman ra kolondo' onong am ondo' magasab ri Aki Kapuuno', pagagansangan ondo' piawon rokoon “Kapandayan”, kaa' sotopot no kalo.

2 TIMOTIUS 1:2

Timotius, ondo' tagamin kuno: Gama' ru i Aki Kapuuno', Ama' takau am i Jisus Kristus, Tuhan takau manaak rirun ra barakat, asi' am pabansayan.

2 TIMOTIUS 4:7

Siminingkotog aku no koson sangulun masisimbul am nakasuku' aku no ra pamupusan, am pinongo ku ngaangai' kandoi ondo' pinalansan raki'.

TITUS 1:4

Titus, pinakaanak tokou niayuk sabap ra mogondo' ayuk pangintapatan tati. Gama' ru i Aki Kapuuno', Ama' takau am i Jisus Kristus, Mamamayag takau, manaak rirun ra barakat am pabansayan Nano.

PILIMON 1:10

Gitio noyo kitaakon kutu rirun, pakaasi' no ri Onisimus ondo' pinakaanak kutu. Sabap ra aku ti noyo ondo' nagibit riso minintopot ri Jisus Kristus giti ra pangaputan ti.