1 TIMOTIUS 1:10 - Tanou Moonsoi Timugon

¹⁰ Am niayuk ulun mansawa' am lumapau, ulun homoseksual, ilo ondo' mantakou ra ulun, ulun ra maabau-abau, sasi' ra kalo motopot am poyo osoi ayuk ondo' manggal ra pangilaan motopot,

1 TIMOTIUS 1:10 ပူးပေါင်းရင်းမြစ်များ

KASAUKAN 19:5

Piawo' nilo i Lot am pangkuot, “Ati kia ulun ondo' minatong pombolong ra baloi muti? Pataako' ilo ramon maa' raginio makarulug akai risilo!”

KASAUKAN 37:27

Talano' takau io ra ulun ru Ismail no. Intor raginio kalo majamaran takau io, am poyo io pagaka' takau galama'.” Nangiou pagaka'-pagaka' nano,

KASAUKAN 40:15

Sabap, sotopot no aku ti tinakou intor ra pagun ru ulun ru Ibrani, am giti ra pagun ru Misir ti pana, kalo nambaal aku ra atan ayuk pana kalaatan ondo' mangkinibit raki' ra aputon.”

KAINGKUALAN 20:7

“Pai' sabito' inggalan Kuno koson kuayan ra malaat sabap ra Aku Tuhan i Aki Kapuuno' mu, mangukum ra osoi pana ondo' mangumpara' ra inggalan Kuno.

KAINGKUALAN 21:16

“Osoi mantakou ra ulun, ra tinalan noyo kapoam lakat poyo soroi ra baloi nano, musiti' ulun nantakou no ukumin ra matoi.

GOSIA 10:4

Mindagu ilo ra ragu-ragu kolondo' toojo onong am nambaal ra bantu' magabau am niayuk nangigot ra nabantuan ondo' kolondo' onong. Katimpakan pinatimpurok saboi kolondo' katimpakan no nakasuku' ra titikop pagun koson ra tatanom makaanit giu' ra umo ondo' rinadu' noyo.

IMAMAT 18:22

Ungkuyon kalo parulugon ra ungkuyon ra bokon. Masisang i Aki Kapuuno' ra baal raginio.

IMAMAT 20:13

Amon ru sangulun ungkuyon marulug ra ungkuyon ra bokon, nambaal ilo ra baal makauyuyu'. Musiti' ilo ruo no ukumin ra matoi; matoi ilo sabap ra kasalaan nilo galama'.

JAKARIA 5:4

Minindagu Tuhan Ondo' Maayo Kaga' Kuasa' ra porotongon No pagulasan no ra moonong baloi ru moonong mantatakou am baloi ru moonong ulun ondo' nagibot ra kalo motopot. Pagulasan no mayan ra baloi nilo saboi ngaangai' no masauk ra tunturan ru napuut.”

JAKARIA 8:17

Pai' pangatang ra baal malaat ra akau po ngai'. Pai' indagu ra ibot kalo motopot. Masisang Aku ra magabau, kalo matimpok am kalaatan.”

MALIAKI 3:5

Mindagu Tuhan Ondo' Maayo Kaga' Kuasa', “Matong Aku koson mangakim ramuyun. Mataki' Aku masauk ra sasi' koson manggal ra ulun mapandai kaga' ra sihir, ulun mansawa', ulun mangani' ra inono' kalo motopot, ulun nambaal ra malaat ralalom ru baal mampagaji' ra ulun mangandoi, ulun ondo' mangimbolo' ra ruandu' napuor, nailusan ra matuo, am ulun bansa' ra bokon, am niayuk ra ngaangai' ulun ondo' kalo mangurumat Raki'.”

JUANIS 8:44

Tingganai ru riwato no ama' min am maayo guang min gumagaya' ra kasagaan nano. Naintaran ra galing i, mamamatoi io ayuk am kalo igondo' giminagaya' ra katapatan, sabap ra kolondo' katapatan riso. Paat ra io magabau, maya' io ayuk ra paliso nano, sabap ra io no maabau-abau, am puun io ru ngaangai' abau.

ROMA 1:26

Sabap ra pinoloso ilo ri Aki Kapuuno' sumugut ra kinibit ru guang majaka' ti. Ruandu'-ruandu' no kalo boo rumulug ra ungkuyon koson ra kaindalaman, kaa' ilo ti lesbian.

SAGULION 24:7

Osoi ondo' mantakou ra ulun ra gino ngai' ulun ru Israil, am napasauk ra ulun no ra ulipon nano, kapoam nantalan riso koson ra ulipon, ulun mantakou ra ulun no musiti' ukumin ra matoi. Koson raginio noyo ra akau namuso ra kalaatan raginio.

1 TIMOTIUS 4:6

Amon ru mangila' kou ra ngaangai' ti ra pabukat Kristian, okou sangulun ulipon ri Jisus Kristus ondo' moonsoi. Pangintapatan muno pana ikangon poyo ralalom ru pangilaan ra motopot ondo' sinugut mu noyo ra buoi ti.

1 TIMOTIUS 6:3

Osoi ayuk mangila' ra pangilaan ra bokon am kalo mangiou ra pangilaan motopot intor ra Tuhan takau i Jisus Kristus kapoam pangilaan ru ugama takau,

2 TIMOTIUS 1:13

Guuto' noyo pangilaan motopot ondo' inila' kuli rirun koson alapon mu ra tiluan. Pasingkotogo' noyo pangintapatan am togom ondo' intor ra pasimpungan takau ri Jisus Kristus i.

2 TIMOTIUS 4:3

Sabap ra masuku' paat nano ra kalo boo masaga' ulun mangapu ra pangilaan motopot. Kaa' sotopot no maya' ilo boo ra kasagaan ru guang nilo galama' am mampalulur ilo boo ra masuang mangingila' ondo' masaga' mangila' ra atan ondo' sumangut ra guang nilai.

TITUS 1:13

Motopot tupo kaintutunan nali. Ginio sabap ra sawayo' noyo toojo ilo, maa' raginio pangintapatan nilai ti kalo makalayau.

TITUS 1:9

Io ti poyo musiti' mangintopot toojo ra bala' ondo' malansanan am ondo' naila' noyo riso. Maa' raginio makapangikang io ra guang ru ulun bokon-bokon no mimaya' ra pangilaan motopot am poyo makapampainono' ra kasalaan ru ulun-ulun ondo' manggal no.

IBRANI 13:4

Kaulayan ru paguatan musiti' no urumaton ru ngaangai' ulun, ra moonong ralaki kapoam andu' kalo iowon sumimpung ra bokon. Sabap ra ulun ondo' lumapau kapoam mansawa' pana, ukumin ri Aki Kapuuno'.

JUDAS 1:7

Karaa' min niayuk mamagun ru bandar Sodom, Gomora am bandar ra naginggaar, ilo pana mogondo' ra malaikat ra raitii' ni. Nambaal ilo ra pansasawaan am baal makauyuyu'. Inukum ilo ra apui mantilayun koson ra rondo' pangkaraan ru ngaangai' ulun.

PINAINTALANG 18:13

am kaningau, apa' pampagamis ra akanon, salong, mur am kaminyan; wain am umau; tapung am gandum; sapi' am domba, kuda am kurita', am ulun pana tinalan, ioginio ulipon.

PINAINTALANG 21:27

Kolondo' atan-atan malaat iowon sumubol ra bandar no, kapoam osoi ayuk pana mambaal ra makauyuyu' kapoam magagabau. Ondo' ayuk iowon sumubol no ioginio ilo ondo' inggalan nilai tinulisan noyo ralalom ra kitab ru Ulun Mokoowot ra Kaayagan Motopot ru Anak Domba no.

PINAINTALANG 21:8

Kaa' ulun matalou, ulun kalo boo mangintopot, ulun homoseks am lesbian ra makauyuyu' am majamol, mamamatoi, mansasawa', ulun makakapandayan malaat, sumamba ra sinungkalalaing am ngaangai' magagabau – ampos nilono giu' ra tasik ru apui ondo' naratok ra balirang mapaang, ioginio kapatayan ra kainduo.”

PINAINTALANG 22:15

Kaa' ulun mambaal ra makauyuyu' am majamol, ulun makakapandayan malaat, mansasawa', mamamatoi, ondo' sumamba ra sinungkalalaing, am ulun magagabau – iou pana maya' ra ragu kapoam binaal nano; ngaangai' ulun ragitio intok nilo ra liwar ru bandar no.