1 TIMOTIUS 1:1 - Tanou Moonsoi Timugon

¹ Aku i Paulus, sangulun rasul ri Jisus Kristus maya' ra susuban ri Aki Kapuuno', Mamamayag takau, am ri Jisus Kristus ondo' kalansanan takau.

1 TIMOTIUS 1:1 ပူးပေါင်းရင်းမြစ်များ

MAZMUR 106:21

Nalilianan nilo i Aki Kapuuno' ondo' namayag risilo, ondo' nambaal ra baal mangaayo giu' ra Misir.

JISAYA 12:2

Aki Kapuuno' Mamamayag raki'; mangintopot aku Riso am kalo malaa' aku. Tuhan manaak ra kuasa' am kaikangan raki'; Io no Mamamayag raki'.

JISAYA 43:11

“Aku ayuk Tuhan, Aku ayuk makapamayag ramuyun.

JISAYA 43:3

Aku noyo Tuhan, i Aki Kapuuno' min, i Aki Kapuuno' ondo' matulai, ondo' namayag ramuyun. Pataakon Ku Misir koson mamuli' ramuyun; Pataakon Ku Itiopia am Siba koson mapalabus ramuyun.

JISAYA 45:15

Namayag i Aki Kapuuno' ra ulun ru Israil ioginio i Aki Kapuuno' ra nansibuni.

JISAYA 45:21

Pabalaa' atan suang ru guang muno am niayuk inono'-inono' no, iou, polosoo' ilo mansunur. Osoi kia napatanou ra baal raginio am napabala' intor ra galing i? Sala' kia ka Aku, Tuhan? Kolondo' tuhan-tuhan ra bokon, ondo' ak am Aku. Aku noyo i Aki Kapuuno' ondo' matimpok am mamamayag, kolondo' noyo bokon ondo' ak am Aku!

JISAYA 49:26

Saukon Ku pantula' muno magauk ra raraa', saboi ilo galama' mampapatoi. Ngaangai' ulun pana makapandai, ra Aku, Tuhan, Mamamayag rirun; Ondo' Maikang kaga', i Aki Kapuuno' ri Jakub, Mamumuli' muno.”

JISAYA 60:16

Bansa'-bansa' am raja'-raja' magalung rirun, koson ra sangulun ina' magalung ra anak nano. Makapandai kou ra Aku, Tuhan, Mamamayag rirun, am ra i Aki Kapuuno' ru Israil, i Aki Kapuuno' Ondo' Maayo Kaga' Kuasa', Mamumuli' rirun.

JISAYA 63:8

Mindagu Tuhan, “Ilo ulun Kuno, kalo mamparuung ilo Raki'.” Ginio ra Io namayag risilo

GOSIA 13:4

Indagu Tuhan, “Aku noyo Tuhan, i Aki Kapuuno' min ondo' naningganai noyo ramuyun miningkual intor ra Misir. Kolondo' i Aki Kapuuno' min kaa' Aku ayuk. Aku noyo rorondo' mamamayag ramuyun.

LUKAS 1:47

Maansukan aku kaga' sabap ra i Aki Kapuuno' Mamamayag kuno.

LUKAS 2:11

Orou raiti' sangulun Mamamayag inanak noyo ramuyun giu' ra pekan ru raja' Daut. Io no i Kristus, ioginio Tuhan.

RINALATAN 9:15

Kaa' indagu Tuhan no riso, “Ugar no, sabap ra io pinili' Ku mangandoi Raki', koson mampasaboi ra tanou intor Raki' ra ngaangai' bansa' ondo' sala' ka Jaudi am raja'-raja' am niayuk ulun ru Israil.

ROMA 1:1

Pabukat kau ngaangai', aku i Paulus, ulipon ri Jisus Kristus am rasul ondo' pinili' am piniau ri Aki Kapuuno' mampabala' ra Tanou Moonsoi Nano.

1 KORINTUS 1:1

Pabukat kau ngaangai', ulun Kristian ru bandar Korintus. Surat ti intor raki', i Paulus am niayuk i Sostinus. Akau piniau noyo ri Aki Kapuuno' koson masauk ra ulun Nano, sabap ra akau longgom ri Jisus Kristus, nogondo' ra ngaangai' ulun ra ati ayuk intok ondo' sumamba ra Tuhan takau i Jisus Kristus, ioginio Tuhan nilo am niayuk Tuhan takau. Tinulisan ku surat ti ramuyun koson ra aku rasul ri Jisus Kristus, ondo' pinili' ri Aki Kapuuno' galama' maya' ra kasagaan Nano.

1 KORINTUS 9:17

Amon ru kondoyon kutu sumugut ra kasagaan kuno galama', maaya' aku niayuk makitaak ra ampos. Kaa' aku mampasaboi ra Tanou Moonsoi no, sabap raginio musiti' baalon kuno, io no kandoi tinaakan ri Aki Kapuuno' raki'.

2 KORINTUS 1:1

Pabukat kau ngaangai' ra pasimpungan ulun Kristian ra bandar Korintus am poyo ngaangai' ulun ri Aki Kapuuno' ra pagun Akaya. Surat ti intor raki', i Paulus, rasul ri Jisus Kristus ondo' piniau ri Aki Kapuuno', am intor ra pabukat takau i Timotius. Gama' ru i Aki Kapuuno', Ama' takau am i Tuhan Jisus Kristus manaak ramuyun ra barakat am pabansayan.

GALATIA 1:1

Aku i Paulus, ondo' nasauk ra rasul sala' ka sumugut ra kasagaan ru ulun kapoam susuban ru ulun, kaa' intor ra susuban ri Jisus Kristus am i Aki Kapuuno', Io no i Ama' ondo' namayag saguli' ri Jisus intor ra kapatayan.

GALATIA 1:11

Pabukat kau ngaangai', masaga' aku mampaintutun ramuyun ra Tanou Moonsoi ondo' pinabala' kuno sala' ka intor ra ulun.

KOLOSI 1:27

Inatang noyo ri Aki Kapuuno' ra pabalaan No ondo' nakasibuni i risilo; ra mumpara' boo bonsoi ru barakat ondo' pataakon Nano ra ngaangai' ulun, ioginio i Jisus Kristus rumondon ra guang min, ondo' arati' no magapu kau ra katulayan ri Aki Kapuuno'.

2 TISALONIKA 2:16

Gama' ru Tuhan takau, i Jisus Kristus galama', am i Aki Kapuuno', Ama' takau, ondo' nonogom ritakau am ondo' ralalom ru kataawan Nano nangani' ritakau ra guang mataan am ra kalansanan moonsoi,

1 TIMOTIUS 1:12

Maringkuanang aku ri Jisus Kristus, Tuhan takau, sabap ra aku pinaikang am linansanan Nano sumauk ra mangangandoi Riso,

1 TIMOTIUS 2:3

Ginio noyo ondo' moonsoi am mampakatasu' ri Aki Kapuuno', Mamamayag takau,

1 TIMOTIUS 2:7

Am ginio nai ra aku ti pinasauk ra rasul am mangingila' ra tayar ru ulun sala' ka Jaudi, koson mampatanou ra pangintapatan ondo' motopot. Am motopot ngaangai' rinagu kutu, pai' ru magabau aku.

1 TIMOTIUS 4:10

Gitio nai puun ru bagui am kandoi takau: malansan takau toojo ri Aki Kapuuno' ondo' Maayag; Io Mamamayag ru ngaangai' ulun, mulu' poyo ilo ondo' mangintopot Riso.

TITUS 1:3

Paat ra inaru' i, pinaintalang ri Aki Kapuuno' ra bala' Nano ralalom ru Tanou Moonsoi ti. Pampatanawan ragitio noyo pinalansan raki' am posoboyon ku noyo maya' ra susuban ri Aki Kapuuno', Mamamayag takau.

TITUS 2:10

Kalo noyo manggal kapoam mantakou intor risilo. Kaa' sotopot no, musiti' ilo mabanis guang am mampagagaya'. Maa' raginio, ralalom ru ngaangai' baalon nilo, pangilaan ri Aki Kapuuno', Mamamayag takau, omporon ru ulun.

TITUS 2:13

Raino ti magiginaa takau ra Orou Kalansanan takau, ioginio papaintalangan ru katulayan ru Tuhan ondo' Maayo Kaga' Kuasa', i Jisus Kristus, Mamamayag takau.

TITUS 3:4

Kaa' paat i Aki Kapuuno', Mamamayag takau, nampaintalang ra kataawan ru togom Nano,

TITUS 3:6

Intor ra kinataau Nano, pinataak ri Aki Kapuuno' Ambiluo Nano mansail ri Jisus Kristus, Mamamayag takau.

1 PITRUS 1:21

Mansail Riso ti noyo makapangintopot kau ri Aki Kapuuno'. Io no ondo' namayag saguli' ri Kristus intor ra kapatayan am nangurumat boo Riso. Ginio ri Aki Kapuuno' ti boo puun ru pangintapatan am kalansanan min.

1 PITRUS 1:3

Paringkuanang takau no ri Aki Kapuuno', Ama' ru Tuhan takau i Jisus Kristus! Sabap ra intor ra asi' Nano ondo' maayo kaga', nangani' Io ritakau ra kaayagan nakabagu am Io namayag saguli' ri Jisus Kristus intor ra kapatayan. Gitio noyo mangani' ritakau ra kalansanan maayo ondo' mantilayun.

2 PITRUS 1:1

Surat ti intor raki', i Simon Pitrus, sangulun ulipon am rasul ri Jisus Kristus. Gitio posoboyon ku ramuyun, pabukat kau sabap ra mansail ra katapatan ri Jisus Kristus io no i Aki Kapuuno', Mamamayag takau, mangintopot kau toojo mogondo' ramon.

1 JUANIS 4:14

Akai galama' nakakito ra Anak ri Aki Kapuuno'. Am pinatanou mai ra ulun bokon ra sinusub Io ru Ama' no masauk ra Mamamayag ra ulun ru tana' ti.

JUDAS 1:25

Io no i Aki Kapuuno' ondo' namayag ritakau, ralalom inggalan ri Jisus Kristus, Tuhan takau. Io no rorondo' ayuk i Aki Kapuuno', Io no matulai, maatang kaga' am Io no mangnguasa' ra ngaangai' no, intor ra puun i, paat ra raino am suku' ra sabuoi-buoi no. Amin.