1 SAMUIL 9:9 - Tanou Moonsoi Timugon

^9-11 Taam i Saul, “Iou noyo! Ongoi tano.” Ongoi ilo boo ra bandar, intok inayanan ru ulipon ri Aki Kapuuno' no. Paat ilo nangkiwa' ra bulur sumuku' ra bandar no, nakatuum ilo ra kukula' ngaulun ralaa ondo' mongoi pansagou giu' ra tulubong. Kuati' nilo ralaa-ralaa no, “Mokoondo' kia ulun mangilong soroi ra bandar ti?” (Paat raginio, sangulun nabi sabiton ra ulun mangilong. Ginio ra paat sasangulun masaga' mangkuot ra rorondo' ri Aki Kapuuno', mindagu ilo, “Ongoi takau ra ulun mangilong.”)

1 SAMUIL 9:9 ပူးပေါင်းရင်းမြစ်များ

KASAUKAN 25:22

Magapir tininai' ri Ribika no, am ra kalo poyo inanak, mangkajol ilo ralalom ru binunakan. Indagu boo i Ribika, “Kua kasauk baal ragitio raki'?” Pakiasi' io koson makitulu' ra Tuhan.

2 SAMUIL 24:11

Indagu Tuhan ri Gad, nabi ondo' mangandoi ra Raja' Daut, “Ongoi no am indagu no ri Raja' Daut ra mangani' Aku riso ra talu pilion. Atan ayuk ondo' pilion nano baalon Ku.” Orou ra suabon no, kalupus Raja' Daut nakarat intor ra nombolong,

2 RAJA'-RAJA' 17:13

Nanusub Tuhan ra kukula' ngaulun am nabi Nano koson mampakara' toojo ra Israil am Jiuda. Ragu ru Tuhan, “Longgo' kano mambaal ra malaat am gagayaa' min susuban Kuno ondo' nakasimpung ralalom ru Ukum ondo' tinaakan Kuno ra kinamatuaan mini am niayuk akau ondo' pinabala' galing ra nabi-nabi, ulipon-ulipon Kuno.”

1 TUNUNG RU BANSA' ISRAIL 21:9

Tuhan pana mindagu boo ri Gad, nabi ondo' nangandoi ra Raja' Daut,

1 TUNUNG RU BANSA' ISRAIL 26:28

I Silomit am sasambaloi nano pinalansanan kandoi manalingapu ra ngaangai' ondo' tinaakan koson pakayon ayuk giu' ra ralalom Baloi ru Tuhan, nakaaya' ngaangai' taak ondo' tinaakan ru Nabi Samuil, Raja' Saul, Abnir anak ri Nir am i Joab anak ri Jiruya.

1 TUNUNG RU BANSA' ISRAIL 29:29

Tunung ru kaayagan ru Raja' Daut intor ra talimpuun saboi ra pupus tinulisan giu' ra ralalom kitab ru talu ngaulun nabi: Nabi Samuil, Nabi Natan am Nabi Gad.

1 TUNUNG RU BANSA' ISRAIL 9:22

Ngaangai' ulun ondo' pinili' koson magalung ra kulobon-kulobon garabang ra suang no 212 ngaulun. Ilo tinulisan inggalan sumugut ra pekan ondo' nasauk ra intok inayanan nilo. Kinamatuaan nilo inanian ra kandoi ru Raja' Daut am Nabi Samuil.

2 TUNUNG RU BANSA' ISRAIL 16:10

Siminangit kaga' Raja' Asa ra nabi no saboi nabi no inaput. Paat raginio noyo Raja' Asa tumalimpuun mangimbolo' ra kukula' ngaulun.

2 TUNUNG RU BANSA' ISRAIL 16:7

Paat raginio minuma' Nabi Ganani ra Raja' Asa am indagu, “Sabap ra okou liminansan ra raja' ru Siria am kalo liminansan ra Tuhan, i Aki Kapuuno' muno, nairu' boo kaluagan koson mangala ra saujor ru raja' ru Siria.

JISAYA 29:10

Tuhan nambaal ramuyun matikoolong maa' raginio makalunus kau ra akau mombolong. Ngaangai' nabi sotopot no masauk ra mato ru ulun kaa' i Aki Kapuuno' nongorom ra mato nilono.

JISAYA 30:10

Susubon nilo nasuangan nabi kalo paindaguon. Mindagu ilo, “Pai' paraguo' ragu ra motopot no ramon, kaa' paraguo' noyo ragu ra masaga' mai rongogon. Polosoo' akai no mantutuyang.

AMOS 7:12

I Amajia pana mindagu boo ri Amos, “Okou nabi, uli' no ra Jiuda! Raguo' manala' ra giu' no. Polosoon ilo ondo' mangani' ra akanon rirun!

1 KORINTUS 12:17

Amon ru ngaangai' inan no masauk ra mato, ati kulaan io mokorongog? Kapoam, amon ru ngaangai' inan no masauk ra talingo, ati kulaan io makapangalok?

TINGGANAI RU BANSA' 1:1

Kopongo i Josua minatoi, pangkuot ulun ru Israil ra Tuhan, “Iou Tuhan, ati kia ra bansa' ondo' musiti' kasaa' mongoi bulunsar ra ulun ru Kanaan?”

TINGGANAI RU BANSA' 18:5

Konilo riso, “Kuati' i Aki Kapuuno', makasugut akai nua' kapoam kalo ralalom pangkiralanan mai ti.”