1 SAMUIL 9:3 - Tanou Moonsoi Timugon

³ Sangarawan raginio, kukula' ngainan kaladai longgom ri Kis no natatak. Ginio ra indagu io ri Saul, “Ibito' sangulun ra ulipon no mabaya' rirun am ongoi uyumo' kaladai-kaladai no.”

1 SAMUIL 9:3 ပူးပေါင်းရင်းမြစ်များ

TINGGANAI RU BANSA' 10:4

Mokoondo' io ra talu ngoopor ngaulun anak ungkuyon ondo' nangura' ra talu ngoopor ngainan kaladai. Mokoondo' anak-anak nano ra talu ngoopor pekan giu' ra wilayah Giliad. Pekan-pekan raginio lakat poyo sabiton ra pekan-pekan Jair saboi raino.

TINGGANAI RU BANSA' 5:10

Potonowo' noyo baal raginio, akau ngai' ondo' nangura' ra kaladai mapulak, akau ondo' nanturung ra tampak ru palana, am akau ondo' nantatana'.

1 SAMUIL 10:14

Kamaman ri Saul no nakakito ri Saul am ulipon nano, am kuati' no ilo, “Ati intor min ti?” Taam i Saul, “Minongoi akai paguyum ra kaladai ondo' natatak, kaa' kalo natuum mai, ongoi akai tuum ri Samuil.”

1 SAMUIL 10:2

Mopongo kou mangiruan raki' ra orou raiti', makauma' kou ra ruo ngaulun ungkuyon mamaar ra lobong ri Ragil giu' ra Jilja, giu' ra wilayah Binjamin. Mindagu ilo rirun koson ragitio, ‘Kaladai-kaladai ondo' inuyum muli natuum noyo. Raino ama' muli kalo boo maimamang ra kaladai-kaladai no, kaa' ruruli' mangkuot ra atan ondo' moonsoi baalon nano koson makatuum rirun.’ ”

1 SAMUIL 9:2

I Kis ti mokoondo' ra sangulun anak ungkuyon makainggalan ri Saul, sangulun buayoi ondo' maindon am mapanggol. Maindon poyo i Saul intor ra ngaangai' ru ulun giu' ra Israil am niayuk masawat poyo; kasuangan no ulun ru Israil ra bokon no polos ayuk ra limbawo ri Saul.

1 SAMUIL 9:20

Pai' kaimamang ra kaladai ondo' natatak ra talu ngoorou ra nakasail ti. Kaladai-kaladai no natuum noyo. Ra mulu' poyo ra ondo' gogoton kaga' ru ulun ru Israil iono okou; okou am sasambaloi ru ama' muno.”

1 SAMUIL 9:4

Kopongo raginio i Saul am ulipon nano liminiput ra intok kabuluran ru Ipraim am Salisa, kaa' kalo natuum nilo kaladai-kaladai no. Kopongo raginio rinayus nilo pangkiralanan mongoi ra libung Saalim, kaa' kaladai-kaladai no kalio ra giu' no. Naguyum ilo poyo giu' ra wilayah Binjamin, kaa' kaladai-kaladai no lakat poyo kalo natuum.