1 SAMUIL 9:21 - Tanou Moonsoi Timugon

²¹ Taam i Saul, “Aku ti intor ra bansa' ru Binjamin, bansa' ondo' boborok kaga' giu' ra Israil, am sasambaloi kuno ondo' kalo maatang kaga' ralalom ru bansa' raginio. Kua indagu kou raki' koson raginio?”

1 SAMUIL 9:21 ပူးပေါင်းရင်းမြစ်များ

MAZMUR 68:27

“Omporo' noyo i Aki Kapuuno' ondo' minunor ra ulun Nano; akau ngaangai' papag ri Jakub, omporo' min Tuhan!”

MAZMUR 68:28

Binjamin, bansa' boborok toojo minugar pagulu, am tingganai-tingganai ru Jiuda siminimpung ra pulalai nilono, miniku' noyo tingganai-tingganai ru Jibulon am Naptali.

GOSIA 13:1

Paat ra galing i paat ra bansa' ru Ipraim minindagu, bansa'-bansa' ra bokon giu' ra Israil malaa'. Mangurumat ilo kaga' ra Ipraim, kaa' raino bansa' ru Ipraim makatula. Sinamba nilo Baal, ginio ra matoi ilo.

LUKAS 14:11

Moonong ulun makapaliso ra minsawat guang, paingganaan; am moonong ulun makapaliso minggana' guang, painsawaton.”

IPISUS 3:8

Sotopot no, kabalu' pana ra aku ti nakatauli intor ra ngaangai' ulun ri Aki Kapuuno', kaa' inanian aku niayuk ri Aki Kapuuno' ra kandoi mampasaboi ra ulun sala ka Jaudi ra Tanou Moonsoi intor ra kalangkayaan ri Kristus ondo' kalo noyo mauntob.

1 SAMUIL 10:27

Kaa' mokoondo' kukula' ngaulun malaat ondo' mindagu ra, “Ati kulaan ru ulun ragitio mokoonong ritakau?” Nagasab ilo ra Raja' Saul am kalo nanaak riso ra tangguang, kaa' talingoon bauwi ru Raja' Saul.

1 SAMUIL 14:51

I Kis, ama' ru Raja' Saul am i Nir, ama' ri Abnir, iono anak ilo ri Abiil.

1 SAMUIL 15:17

Kon ri Samuil, “Sala' ka kia okou no nasauk ra tingganai ru ngaangai' bansa' ru Israil, kabalu' pana mangkara' kou ra kalo maatang kou? Nampili' noyo Tuhan no rirun nasauk ra raja' ru Israil,

1 SAMUIL 18:18

Taam i Daut, “Osoi boo kia aku ti, am osoi boo kia sasambaloi ru ama' kuli giu' ra Israil saboi aku ti masauk ra anak mangiwan ru raja'?”

1 SAMUIL 18:23

Baal raginio pinasaboi nilo ri Daut, am taam io, “Karaan min kia ra matasu' masauk ra anak mangiwan ru raja'? Aku ti ulun musikin am kalo maatang!”

1 SAMUIL 9:22

Kopongo raginio nangkimait i Samuil ri Saul am ulipon nano mongoi ra rondo' lamin ondo' maayo. Nangani' i Samuil ra intok ondo' maatang no risilo giu' ra saang ru ulun-ulun piniau, ondo' suang no olo'-olo' talu ngoopor ngaulun.