1 SAMUIL 9:17 - Tanou Moonsoi Timugon

¹⁷ Pakakito i Samuil ri Saul, indagu Tuhan riso, “Gitio noyo ulun ra koon Kuli. Mamarinta io ra ulun Kuno.”

1 SAMUIL 9:17 ပူးပေါင်းရင်းမြစ်များ

NIGIMIA 13:19

Ginio boo ra nanusub aku maa' raginio kulobon garabang ru bandar angabin paat ra tumalimpuun ra moonong orou Sabat, iono kokotolop ayuk ru mato ru orou, am kulobon no kalo ukabin saboi ra maampus orou Sabat. Pinangandoi ku kukula' ngaulun ra ulun kuno giu' ra kulobon-kulobon garabang no koson magalung maa' raginio kolondo' kuliamos talanon ibiton mumpos ra ralalom ru bandar paat ra orou Sabat.

NIGIMIA 13:25

Nansawai aku ra bala ru ungkuyon no am nagulas risilo. Linamba' ku ilo am namubul ra abuk nilo. Aku pana nanusub boo risilo nagibot ralalom inggalan ri Aki Kapuuno' ra totopot ilo kapoam anak-anak nilo kalo boo magandu' ra ulun bansa' ra bokon.

JIRIMIA 32:8

Topot koson ra rinagu noyo ru Tuhan, minatong i Anamiil raki' giu' ra liliut ru istana, am nangitaak koson balion ku tana' no. Ginio boo ra mangintopot aku ra topot-topot Tuhan minindagu raki'.

GOSIA 13:11

Ralalom ru sangit Kuno inanian Takamin ra raja'-raja', kaa' ra guang malasu' Aku nangalap risilo mugar.

RINALATAN 13:21

Paat ra ilo nakitaak ra raja', anii' ilo ri Aki Kapuuno' ra sangulun anak ri Kis intor ra tayar ru Binjamin, iono i Saul, koson namarinta buoi apat ngoopor ngambilor.

1 SAMUIL 3:13

Nambala' Aku noyo riso ra mangukum Aku ra sasambaloi nano ra mantilayun, sabap ra anak-anak nano nagasab Raki'. Nakapandai i Ili ra binaal nilono, kaa' kalo ininggalaran no ilo.

1 SAMUIL 9:18

Liliwa' raginio i Saul no mongoi inggaar ri Samuil mamaar ra kulobon garabang, am pangkuot, “Makimaap aku, tuan, ati kinua' baloi ru ulun mangilong i?”