1 SAMUIL 8:9 - Tanou Moonsoi Timugon

⁹ Ginio ra suguto' noyo kitaakon nilono; kaa' anii' ilo ra papakaraan ra malasang, am balai' noyo ra baal pamakuan ru raja' nilono risilo ra maagu no.”

1 SAMUIL 8:9 ပူးပေါင်းရင်းမြစ်များ

JIRIMIA 11:7

Paat ra Aku naningganai risilo miningkual intor ra Misir, totopot Aku mampakara' risilo maa' raginio gumagaya' Raki'. Saboi orou raiti' pana lakat Aku poyo mampakara' ra ulun Kuno intor ra baal raginio,

YEHEZKIEL 3:18

Amon ru mambala' Aku ra sangulun ondo' malaat matoi, kaa' kalo pinasaboi mu pampakaraan Kuno riso maa' raginio mangulau ra paliso saboi maayag io, am io pana matoi koson sangulun makatula, am karaan Tokou ra mosonsol ra pinatayan nano.

YEHEZKIEL 46:18

Ulun manguasa' no kalo iowon mampagaau ra tana' tungkuson ru mamagun nano. Tana' ondo' pataakin no ra anak-anak ungkuyon nano musiti' tana' nano galama' ondo' inaru' noyo riso, maa' raginio kalo mangimbolo' io ra osoi pana ulun Kuno ra mampagaau ra tana' nilo.”

1 SAMUIL 10:25

Kopongo raginio nambala' i Samuil intor ra katapatan am kandoi ru raja', am tulisi' no ra rondo' buuk. Binulian no buuk no ra rondo' intok ondo' mapasau. Kopongo raginio sinusub ri Samuil ulun-ulun no minuli' ra baloi ru sigagama'.

1 SAMUIL 12:1

Kopongo raginio indagu i Samuil ra ngaangai' ulun ru Israil, “Sinugut ku noyo ngaangai' kinitaak mino. Nampili' aku noyo ra sangulun raja' koson mamarinta ramuyun.

1 SAMUIL 14:52

Buoi ra bayag ru Raja' Saul, nangayou io toojo ra ulun ru Palistin. Ginio ra paat ayuk makakito io ra ulun ondo' maikang kapoam baani, pulali' no mapasauk ra ulun no ra saujor nano.

1 SAMUIL 2:13

Ilo niayuk kalo mampalio ra aturan intor ra ondo' kitaakon ru imam intor ra ulun ru Israil. Kaa', amon ru mokoondo' ulun ondo' mapataak ra taak simbalui, ulipon ru imam no matong liliwa' magibit ra garapu' talu tutujok. Buoi ru kual no tonokon,

1 SAMUIL 8:8

Intor ra Aku nagibit risilo miningkual intor ra Misir, tinalikuran nilo noyo Aku am siminamba ra dewa-dewa. Raino, atan ondo' binaal nilo rirun, masalok nilo noyo baalon Raki' niayuk.