1 SAMUIL 7:9 - Tanou Moonsoi Timugon

⁹ Nanimbalui i Samuil ra sanginan anak domba mamulok am pinataak no ginio ra tayar ru taak simbalui koson mapabansuk ra guang ru Tuhan. Kopongo raginio nakiasi' io ra Tuhan mangindangan ra Israil, am iniou ru Tuhan pakiasian nano.

1 SAMUIL 7:9 ပူးပေါင်းရင်းမြစ်များ

MAZMUR 50:15

Piawo' min Aku bulintok ra akau makakapaganan; bayagon Takamin, am omporon min Aku.”

MAZMUR 99:6

I Musa am i Arun nakasubol ra imam-imam Nano, am i Samuil noyo sangulun intor ra makiasi' Riso; mampiau ilo ra Tuhan am tumaam Io risilo.

JIRIMIA 15:1

Tuhan mindagu boo raki', “Kalo makaasi' aku ra bansa' ragitio, kabalu' pana i Musa am i Samuil migor ragiti koson makimasi' Raki' ra bala nilo. Susubo' bansa' ragitio mugar, marara' Aku magilong risilo!

SAGULION 9:26

Aku pana nakiasi' Riso, ‘Iou Tuhan Raja', pai' pusoo' ulun Muno, ondo' binayag Mu noyo am inibit miningkual intor ra Misir ra kaikangan am kuasa' Muno ondo' maayo.

JAKUBUS 5:16

Sabap raginio, pabalaa' noyo ra rondo' am bokon tula ra binaal min am pakiasi' noyo ra Tuhan ra rondo' am bokon, maa' raginio maalap kau kababas. Pakiasian ru sangulun motopot, maayo kaga' kuasa' nano.

TINGGANAI RU BANSA' 6:26

Baalo' noyo rondo' altar ondo' batu no pinatampas ra matanda' giu' ra rasawat ru tinuntur no; altar no tayar ru Tuhan i Aki Kapuuno' muno. Alapo' boo sapi' no am solobon ngaangai' no koson ra taak simbalui. Alapo' ra luton lugu' tatandu' ru Dewi Asyira ondo' ginaba' muno.”

TINGGANAI RU BANSA' 6:28

Paat ra mamagun ru bandar no siminukal ra iosusuab ru suabon no, kakito nilo altar ru Baal am lugu' tatandu' ru Dewi Asyira ginaba'. Nakito nilo niayuk giu' ra intok raginio binaal rondo' altar am sapi' gawayan sinolob noyo koson ra taak simbalui.

1 SAMUIL 10:8

Mopongo raginio musiti' kou mongoi ra Gilgal ra makapagulu intor raki', am paginaa ra giu' no buoi tulu' ngoorou. Mopongo raginio matong aku koson mapataak ra taak simbalui koson mapabansuk ra guang ru Tuhan, am taak simbalui koson makibarakat ra Tuhan, am niayuk mambala' rirun ra atan ondo' musiti' baalon muno.”

1 SAMUIL 12:17

Raino sala' ka kia bulintok ru tampio? Kaa' makiasi' aku, am patuunon ru Tuhan no tingkalur am rasam koson ra taaman ru pakiasian kuno. Paat ra baal raginio masauk makaliman kau boo ra mapara' gayo ru tula mino ra Tuhan sabap nakitaak ra sangulun raja'.”

1 SAMUIL 16:2

Nangkuot i Samuil, “Ati kulaan nua' aku mambaal raginio? Amon ru nokorongog Raja' Saul ra baal ragitio, maaru' mamatoi io raki'!” Taam Tuhan, “Ibito' sanginan anak sapi' gawayan am indagu riso ra okou mongoi ra giu' no koson mapataak ra taak simbalui ra Tuhan.

1 SAMUIL 2:35

Mampili' Aku ra sangulun imam ondo' gumagaya' Raki' am ondo' mambaal ra ngaangai' ru susuban Kuno. Manaak Aku riso ra papag ondo' magail mangandoi tayar ra imam ra raja' ondo' pilion Kuno.

1 SAMUIL 7:17

Kopongo raginio masalok io muli' ra baloi nano giu' ra Rama. Giu' no nasauk io niayuk ra akim ru ulun ru Israil. Giu' ra Rama, nambaal io rondo' altar ra tayar ru Tuhan.

1 SAMUIL 9:12

Taam ralaa-ralaa no, “Mokoondo'. Bagu io ayuk nakapagulu ramuyun. Amon ru mataki' kau, maaru' masunu' min io. Makasaboi kau ayuk ra bandar no, matuum min io. Bagu io minatong ra bandar no sabap ra paat orou raiti', mamagun mapataak ra taak simbalui ra rasawat ru altar giu' ra bulur. Ulun-ulun piniau kalo mangakan ra io kalo poyo makaratong, sabap ra io galing musiti' mambarakat ra taak simbalui no. Amon ru mongoi kau raino, makatuum kau riso ra io kalo poyo mangkiwa' ra bulur koson mangakan.”