1 SAMUIL 7:5 - Tanou Moonsoi Timugon

⁵ Kopongo raginio indagu i Samuil, “Timungo' noyo ngaangai' ulun ru Israil giu' ra Mijpa. Mopongo raginio makiasi' aku ra tayar min ra giu' no.”

1 SAMUIL 7:5 ပူးပေါင်းရင်းမြစ်များ

KASAUKAN 20:7

Kaa' raino pasagulio' io ra ralaki nano. Ralaki nano sangulun nabi am io makiasi' rirun maa' raginio kalo matoi kou. Kaa' amon ru kalo pasagulion mu, pakaraan Tokou matoi kou am niayuk ngaangai' mamagun muno.”

KASAUKAN 31:49

Indagu niayuk i Laban, “Gama' ru magalung rito Tuhan no ra ito makapaginggalur.” Ginio ra intok raginio piawon niayuk ra Mijpa.

2 RAJA'-RAJA' 25:23

Paat ra pagawai-pagawai ru saujor am saujor ru Jiuda ondo' kalo nakirakop ra ulun Babilonia nokorongog ra baal raginio, naguguum ilo ri Gidalia giu' ra Mijpa. Pagawai raginio iono i Ismail anak ri Nitania, i Joganan anak ri Karia, i Siraya anak ri Tanumit intor ra bandar Nitopa am i Jajanya intor ra Maakga.

NIGIMIA 9:1

Paat ra orou karuo ngoopor am apat ra sila' raginio niayuk, ulun ru Israil timinimung. Nampali ilo koson mampakito ra pansagulian ilo ra tula nilo. Timinuliar ilo intor ra ngaangai' ulun bansa' ra bokon. Nambayang ilo ra konoon karung am ulu tinaukan ra kaau koson tatandu' mangiluk guang. Kopongo raginio bigor ilo am nangiou ra ngaangai' tula nilo am tula ru kinamatuaan nilo.

JIRIMIA 40:6

Minongoi aku ri Gidalia giu' ra Mijpa, am minayan nababaya' ra mamagun ondo' lakat poyo giu' ra pagun no.

GOSIA 5:1

Imam kau ngaangai', rongog kano! Akau ulun ru Israil, ilai' toojo! Akau pabukat ru raja', rongog kano! Akau noyo ondo' musiti' mangakim ra matimpok, kaa' akau galama' akimin! Nasauk kano koson ra landak giu' ra Mijpa, koson ra jajaling ondo' pinaatang giu' ra Gunung Tabor,

JOIL 2:16

Timungo' ngaangai' mamagun, potomposo' ilo koson pantimungan ru ulun, ibito' ulun matutuo, timungo' anak-anak am lalagang-lalagang niayuk. Mansawo ondo' bagu nagandu' pana musiti' mangiruan ra lamin, am matong.

JOSUA 15:38

Dilian, Mijpa, Joktiil,

JOSUA 18:26

Mijpa, Kipira, Moja,

TINGGANAI RU BANSA' 10:17

Paat raginio saujor ru Amon tatanga' tumampos koson mangayou am tatanga' nangkim giu' ra Giliad. Timung ulun ru Israil am nangkim giu' ra Mijpa, giu' ra Giliad.

TINGGANAI RU BANSA' 20:1

Ngaangai' ulun ru Israil intor ra Dan ra tampilon ralayo, saboi ra Birsyiba ra tampilon rabugus, am niayuk intor ra Giliad ra tampilon sirangon, naninong ra piau no. Timinimung ilo koson santimungan ulun ra saang ru Tuhan ra Mijpa.

1 SAMUIL 10:17

Kopongo raginio piniau ri Samuil ngaangai' ulun ru Israil tumimung ra saang ru Tuhan giu' ra Mijpa.

1 SAMUIL 12:17

Raino sala' ka kia bulintok ru tampio? Kaa' makiasi' aku, am patuunon ru Tuhan no tingkalur am rasam koson ra taaman ru pakiasian kuno. Paat ra baal raginio masauk makaliman kau boo ra mapara' gayo ru tula mino ra Tuhan sabap nakitaak ra sangulun raja'.”

1 SAMUIL 12:23

Ra aku ti, makatula aku ra Tuhan amon ru kalo makiasi' aku ra tayar mino; gama' ru painggaluron ru Tuhan tula no intor raki'. Kaa' marayus aku mangila' ramuyun ra baal ondo' mongoonsoi am ondo' mongotopot.

1 SAMUIL 7:12

Kopongo raginio pinatirong ri Samuil rondo' batu giu' ra balitan ru Mijpa am Siin. Kono, “Nangindangan noyo toojo Tuhan no ritakau.” Ginio ra inggalani' no batu no ra “Batu Nangindangan”.

1 SAMUIL 7:16

Moonong bilor ongoyon no liputo' Bitil, Gilgal am Mijpa. Giu' no nanalasai io ra baal-baal ru pansangaran.

1 SAMUIL 7:4

Ginio ra ulun ru Israil namatir ra ngaangai' sinungkalalaing Dewa Baal am Dewi Asyitorit, am siminamba ra Tuhan ayuk.

1 SAMUIL 8:6

Kalo naansayan i Samuil ra kitaakon nilono, am nakiasi' io ra Tuhan.