1 SAMUIL 7:4 - Tanou Moonsoi Timugon

⁴ Ginio ra ulun ru Israil namatir ra ngaangai' sinungkalalaing Dewa Baal am Dewi Asyitorit, am siminamba ra Tuhan ayuk.

1 SAMUIL 7:4 ပူးပေါင်းရင်းမြစ်များ

1 RAJA'-RAJA' 11:33

Baalon Ku baal raginio sabap ri Salomo nangimpai Raki' am siminamba ra dewa-dewa: Asyitorit, dewi ru ulun ru Sidon; Kamos, dewa ru ulun ru Moab; am Molok, dewa ru ulun ru Amon. Kalo gumagaya' i Salomo Raki'. Kalo nogondo' io koson ra ama' nali i Daut ondo' gumagaya' Raki' am nanugut ra susuban Kuno.

1 RAJA'-RAJA' 11:5

Raja' Salomo sumamba ra Asyitorit, dewi ru ulun ru Sidon, am Molok, dewa ondo' makatataman ondo' sambaan ru ulun ru Amon.

1 RAJA'-RAJA' 8:48

Amon ru giu' ra pagun no topot-topot ilo timinalikur intor ra tula, am makiasi' Rirun liliwa' tumingkuang tampilon ra pagun ti ondo' tinaakan Mu noyo ra kinamatuaan maili am tampilon ra bandar ondo' pinili' Muno, am niayuk Baloi ti ondo' binaal kuno Rirun,

2 RAJA'-RAJA' 23:15

Nampalunsai niayuk Raja' Josia ra intok sambaan giu' ra Bitil, ondo' binaal ru Raja' Jirobiam anak ri Nibat, ondo' nangkinibit ra Israil makatula. Nampalunsai Raja' Josia ra altar giu' ra intok sambaan no. Inumok no batu-batu ru altar no, am tinutu no nasauk ra kaau. Io niayuk nonolob ra sinungkalalaing Dewi Asyira.

GOSIA 14:3

Saguli' kano ra Tuhan, am polosoon pakiasian ti masauk ra taak min Riso: “Ampuno' noyo ngaangai' tula mai, iou Tuhan, am apuo' pakiasian mai. Akai pana mongompor Rirun koson ra ondo' binantu' mai.

GOSIA 14:8

Sumaguli' ilo Raki' am maayag ralalom ru panindungan Kuno. Mataki' ilo gumaai am lumanja' lumangkaya' koson ra gandum timinuu' giu' ra umo ondo' malabung, am koson ra umo ru anggur ondo' masuang ampos nano. Mauligan ilo kaga' koson ra wain intor ra Libanon.

TINGGANAI RU BANSA' 2:11

Ulun ru Israil pana makatula ra Tuhan. Kalo boo sumamba ilo ra Tuhan i Aki Kapuuno' ru kinamatuaan nilo, iono i Aki Kapuuno' ondo' nagibit risilo miningkual intor ra Misir. Tumalimpuun ilo sumamba ra Baal am Asyitorit am niayuk dewa-dewa ondo' sinamba ru ngaangai' bansa' giu' ra libung nilo. Ginio ra siminangit Tuhan risilo am nopoloso ra mantatakou namulunsar am nantakou risilo. Kalo makalulu' ilo manggal ra pantula' ra libung nilo.

1 SAMUIL 7:3

Indagu i Samuil ra ulun ru Israil, “Amon ru masaga' kau sumaguli' ra Tuhan am sumamba Riso ra sototopot ru guang min, patiri' noyo ngaangai' dewa ru bansa' ru bokon no am sinungkalalaing Dewi Asyitorit. Pataako' min noyo inan mino lingono' ra Tuhan am pangandoi kano Riso ayuk. Bagu no mapalabus Io ramuyun intor ra kuasa' ru ulun ru Palistin.”

1 SAMUIL 7:5

Kopongo raginio indagu i Samuil, “Timungo' noyo ngaangai' ulun ru Israil giu' ra Mijpa. Mopongo raginio makiasi' aku ra tayar min ra giu' no.”