1 SAMUIL 7:17 - Tanou Moonsoi Timugon

¹⁷ Kopongo raginio masalok io muli' ra baloi nano giu' ra Rama. Giu' no nasauk io niayuk ra akim ru ulun ru Israil. Giu' ra Rama, nambaal io rondo' altar ra tayar ru Tuhan.

1 SAMUIL 7:17 ပူးပေါင်းရင်းမြစ်များ

KASAUKAN 33:20

Giu' no, pambaal io ra rondo' altar am inggalani' no “i Aki Kapuuno' ru Israil noyo i Aki Kapuuno'”.

KASAUKAN 35:7

Giu' no nambaal i Jakub ra rondo' altar, am inggalani' no intok raginio “Il-Bitil”, sabap ra minintalang i Aki Kapuuno' riso ra giu' no paat ra io nagiru' intor ra maayo nano.

JISAYA 10:29

Nansail ilo ra ralan makalalaa' am raino mombolong ilo giu' ra Giba! Mamagun ru bandar Rama mangalaa', am mamagun ru Gibia, bandar ru Raja' Saul nagigiru'.

TINGGANAI RU BANSA' 4:5

Kaindalaman ri Dibora manturung ra saau ru sampuun kurma, nangkilolot ra Rama am Bitil, giu' ra kabuluran ru Ipraim. Giu' noyo ratangan ru ulun ru Israil koson makibilin riso.

TINGGANAI RU BANSA' 6:24

Nambaal i Gidion rondo' altar tayar ru Tuhan ra giu' no am inggalani' no ra “Tuhan Puun ru Kaansayan”. Saboi raino altar no lakat poyo soroi giu' ra Opra, bandar longgom ru bansa' ru Abiijir.

1 SAMUIL 1:1

Mokoondo' sangulun ungkuyon inggalan no i Ilkana. Ioti intor ra bansa' ru Ipraim ondo' minayan giu' ra bandar Rama, tampilon ra kabuluran Ipraim. I Ilkana ti anak ri Jirogam am akupu ri Iligu. I Ilkana ti intor ra sasambaloi ri Togu, rondo' ra sasambaloi intor ra bansa' ru Jup.

1 SAMUIL 1:19

Suabon raginio, i Ilkana am sasambaloi nano kiminarat ra mataki'. Pakasambayang ilo ra Tuhan, uli' ilo ra Rama. Narulug i Ilkana ra andu' nano i Ana, am iniou ru Tuhan pakiasian ri Ana.

1 SAMUIL 11:15

Ginio ra ilo ngaangai' minongoi ra Gilgal, am giu' no, giu' ra intok sambayangan no sinauk nilo Raja' Saul ra raja'. Napataak ilo ra taak simbalui koson makibarakat ra Tuhan am Raja' Saul am ngaangai' ulun ru Israil nangiantak ra kasaukan raginio.

1 SAMUIL 14:35

Raja' Saul pana nambaal boo ra rondo' altar ra tayar ru Tuhan. Ginio noyo altar kasaa' ondo' binaal ru Raja' Saul.

1 SAMUIL 15:34

I Samuil pana minuli' boo ra Rama am Raja' Saul minuli' ra baloi nano giu' ra Gibia.

1 SAMUIL 2:11

Kopongo raginio minuli' i Ilkana ra baloi nano giu' ra Rama, kaa' i Samuil, anak no minayan giu' ra Silo am mangandoi ayuk ra Tuhan inalungan ru Imam Ili.

1 SAMUIL 28:3

Minatoi noyo i Samuil am tinangian io ru ngaangai' ru ulun ru Israil, am linobong giu' ra Rama, bandar nano. Kukula' buoi ra nakasail no pinagiru' ru Raja' Saul ngaangai' mangngilong am mampiau ra ambiluo ru ulun minatoi intor ra Israil.

1 SAMUIL 8:4

Kopongo raginio ngaangai' mamagun ru Israil timinimung am minuma' ri Samuil giu' ra Rama.

1 SAMUIL 9:12

Taam ralaa-ralaa no, “Mokoondo'. Bagu io ayuk nakapagulu ramuyun. Amon ru mataki' kau, maaru' masunu' min io. Makasaboi kau ayuk ra bandar no, matuum min io. Bagu io minatong ra bandar no sabap ra paat orou raiti', mamagun mapataak ra taak simbalui ra rasawat ru altar giu' ra bulur. Ulun-ulun piniau kalo mangakan ra io kalo poyo makaratong, sabap ra io galing musiti' mambarakat ra taak simbalui no. Amon ru mongoi kau raino, makatuum kau riso ra io kalo poyo mangkiwa' ra bulur koson mangakan.”