1 SAMUIL 7:1 - Tanou Moonsoi Timugon

¹ Kopongo raginio mamagun ru Kiryat-Jiarim nangalap ra Kaban Nabantuan ru Tuhan no am inibit ginio ra baloi ru sangulun ondo' makainggalan ri Abinadab; baloi no giu' ra rasawat ru bulur. Patimpokon nilo i Iliajar anak ri Abinadab koson magalung ra Kaban Nabantuan.

1 SAMUIL 7:1 ပူးပေါင်းရင်းမြစ်များ

1 TUNUNG RU BANSA' ISRAIL 13:3

Kopongo raginio mongoi takau pangalap ra Kaban Nabantuan ri Aki Kapuuno', ondo' inimpayan buoi ra pamarintaan ru Raja' Saul.”

MAZMUR 132:6

Giu' ra Bitligim naining takau ragu koson ra Kaban Nabantuan, am najampa' giu' ra limayak Jaar.

JISAYA 52:11

Ugar no! Iruani' noyo bandar Babil, akau ondo' nagibit ra kuliamos ru baloi ri Aki Kapuuno'! Pai' kau kambong ra kuliamos ondo' majamol no, tulayo' min inan mino ra kalo poyo mintor kau.

JOSUA 18:14

Balitan no pana mongoi ra rabugus intor ra tampilon kalasaan ru gunung no, am sumaboi ra bandar Kiryat-Baal (kapoam Kiryat-Jiarim). Bandar ragitio longgom ru bansa' ru Jiuda. Ginio noyo balitan ru kalasaan wilayah raginio.

JOSUA 9:17

Ginio ra ugar ulun ru Israil am nalupus talu ngoorou nakasaboi ilo ra bandar ru ngaangai' ulun no: bandar Gibion, Kipira, Biirot am Kiryat-Jiarim.

1 SAMUIL 6:21

Nangator ilo ra kukula' ngaulun maa' raginio mambala' ra mamagun ru Kiryat-Jiarim, “Pinasaguli' noyo ru ulun ru Palistin Kaban Nabantuan ru Tuhan no. Ratong kano mangalap ra Kaban no.”

1 SAMUIL 7:2

Nabuoi niayuk Kaban Nabantuan ru Tuhan no soroi ra Kiryat-Jiarim, olo'-olo' ruo ngoopor ngambilor. Buoi raginio ngaangai' ru ulun ru Israil nampiau makiindangan ra Tuhan.