1 SAMUIL 6:9 - Tanou Moonsoi Timugon

⁹ Ilain min ati angayan ru sapi' no; amon ru Kaban Nabantuan no ibiton mongoi ra pagun toojo nano, giu' ra bandar Bit-Simis, baal ragitio makaarati' ra i Aki Kapuuno' ru ulun ru Israil naparatong noyo ra karaat makalalaa' kaga' ritakau. Kaa' amon ru padati no kalo mongoi ra giu' no, makapandai takau ra baal makalalaa' raginio sala' ka intor ri Aki Kapuuno' ru Israil, kaa' nakainamot ayuk.”

1 SAMUIL 6:9 ပူးပေါင်းရင်းမြစ်များ

2 SAMUIL 1:6

Taam ungkuyon mamulok no, “Nakainamot ra aku soroi giu' ra Gunung Gilboa, am nakito ku Raja' Saul nakasandig ra tutura' nano. Paat raginio masuang kurita' kuda am pulalai ru nangkuda ru pantula' ondo' nakainggaar noyo koson magawang riso.

1 RAJA'-RAJA' 4:9

I Bin-Dikir: Bandar Makas, Saalbim, Bit-Simis, Ilon am Bit-Ganan

2 TUNUNG RU BANSA' ISRAIL 25:21

Ginio ra Raja' Jigoas intor ra Israil mangayou ra Raja' Amajia intor ra Jiuda. Nampapatoi ilo giu' ra Bit-Simis giu' ra Jiuda.

KAINGKUALAN 8:15

Paat ra nakito ru raja' ra minatoi noyo ngaangai' antit, bambalingatan saguli' raja'. Marara' raja' mangining ra ragu ri Musa am i Arun koson ra rinagu ru Tuhan.

MAMPATANOU 9:11

Mokoondo' poyo ondo' nakito ku ra tana' ti: ulun masimbul ondo' maribok kalo masalok manang, am ulun ondo' baani kalo masalok manang ralalom pangayawan. Ulun mapintar kalo masalok makaalap ra ruit, ulun mapandai kalo masalok masauk ra langkaya', am ulun ondo' maikang kalo masalok makaalap ra intok masawat kaga'. Nasip malaat lumumpa' ra moonong ulun.

JISAYA 26:11

Pantula' Muno kalo makapandai ra Okou mangukum risilo. Iou Tuhan, tauyuo' ilo, am polosoo' ilo maimbolo'. Polosoo' noyo ilo maantungan ru ukuman ondo' pinatampos Muno risilo. Polosoo' noyo ilo makakito ra mapara' piboo gayo ru katagaman Muno tayar ru ulun Muno.

AMOS 3:6

Amon ru bujung tatandu' ru pangayawan samputin, kalo kia ulun giu' ra bandar malaa'? Makalumpa' kia karaat ra rorondo' bandar, amon Tuhan kalo mamparatong ra karaat no?

LUKAS 10:31

Nakainamot ragili nansail sangulun imam Jaudi ra giu' i. Kakito no ulun nalausan i, pagiliu io.

JOSUA 15:10

am liminiput ra tampilon kalasaan ru Baala ra kabuluran ru Idom am mongoi ra tampilon ralayo ru Gunung Jiarim (kapoam Gunung Kisalon), am tumuun ra Bit-Simis am rayus ra Timna.

JOSUA 21:16

Ain, Juta am Bit-Simis nabaya' ra padang sakot ra liput no; ngaangai' no siam bandar intor ra bansa' ru Jiuda am Simion.

1 SAMUIL 6:10

Sinugut ru ulun-ulun ru Palistin; nangalap ilo ra karuruo ngainan sapi' ondo' tatanga' mapatiti' ra anak, am parukugo' karuruo ngainan sapi' no ra padati no, am anak-anak ru sapi' no boo inaput ralalom kandang.

1 SAMUIL 6:12

Narayus sapi'-sapi' no minugar sumaboi ra tampilon Bit-Simis; nampangaa' sapi'-sapi' no liliwa' narayus ugar, ra kalo liminisang ra kait kapoam ra pamiris intor ra ralan maayo. Kalilimo ngaulun raja' ru Palistin no narayus nanunu' ra sapi'-sapi' no saboi ra balitan ru bandar Bit-Simis.

1 SAMUIL 6:3

Taam ilo, “Pai' min pasagulio' Kaban Nabantuan ri Aki Kapuuno' ru Israil no ra kolondo' paayaan ra atan pana taak ra tayar Riso no. Moonsoi Kaban no bayain ra taak ru tayar ra mamuso ra tula takau. Koon raginio noyo ra akau babason, am makapandai kau boo ra sasaban ri Aki Kapuuno' no mararayus mangukum ramuyun.”