1 SAMUIL 6:4 - Tanou Moonsoi Timugon

⁴ Pangkuot poyo ulun ru Palistin, “Taak ra atan kinua' ondo' moonsoi pootoron takau?” Taam ilo, “Atari' min limo lanit ra binaal-baal intor ra mas am niayuk limo tikus binaal-baal intor ra mas, nogondo' ra suang ru raja' ru Palistin. Baal makalalaa' ondo' nogondo' nakalumpa' noyo ramuyun ngaangai', iou ra mamagun am poyo ra raja'.

1 SAMUIL 6:4 ပူးပေါင်းရင်းမြစ်များ

KAINGKUALAN 12:35

Nambaal ulun ru Israil ra atan ondo' nanusuban ri Musa. Nakitaak ilo ra kuliamos limpor ondo' binaal intor ra mas am pirok, am niayuk konoon intor ra ulun ru Misir.

JOSUA 13:3

am niayuk titikop wilayah Awi am giu' tampilon ra rabugus. (Tana' intor ra Sungoi Sikgor giu' ra balitan ru Misir, saboi ra balitan ru Ikron giu' ra ralayo, karaan ra tana' ru ulun ru Kanaan; raja' ru ulun ru Palistin minayan giu' ra Gaja, Asdod, Askilon, Gat am Ikron.)

TINGGANAI RU BANSA' 14:19

Namulali' i Simson maikang ru kuasa' ru Tuhan, am ongoi io ra Askilon am namatoi ra talu ngoopor ngaulun ungkuyon ra giu'. Nangalap io ra bayang moonsoi ondo' binayang nilo am pataako' no ginio ra talu ngoopor ngaulun ondo' nakataam ra sundait no. Kopongo raginio, minuli' io ra baloi ra guang pansagulian am siminangit.

TINGGANAI RU BANSA' 3:3

Ngaangai' bansa' ondo' lakat poyo mayan giu' ra Kanaan iono bansa' ondo' mayan giu' ra limo bandar ru Palistin, ngaangai' bansa' ru Kanaan, bansa' ru Sidon am bansa' ru Giwi ondo' mayan giu' ra Kagunungan Libanon, tumalimpuun intor ra Gunung Baal-Girmon saboi ra Ginting Gamat.

1 SAMUIL 5:12

Ulun ondo' kalo minatoi, natiu' ra maruol lumanit-lanit saboi mamagun ru bandar no giminolok makiindangan ra dewa-dewa nilo.

1 SAMUIL 5:6

Nangukum Tuhan ra mamagun ru Asdod ra maagat kaga', am napakalalaa' risilo. Nangukum io risilo am mamagun giu' ra libung ra paginggaar no ra lumanit-lanit ra inan nilono.

1 SAMUIL 5:9

Kaa' kalupus Kaban no nakasaboi ra giu' no, nangukum Tuhan ra mamagun ru bandar raginio niayuk am napatabual ra baal ondo' makaimamang kaga'. Nangukum Tuhan ra ngaangai' ru mamagun ra lumanit-lanit ra inan nilo, iou ra ulun mamulok am poyo ra ulun matutuo.

1 SAMUIL 6:5

Musiti' takau mambaal ra binaal-baal intor ra lanit-lanit am tikus ondo' tatanga' kumokot malarom ra pagun minti. Koon raginio noyo akau manaak ra pangurumatan ri Aki Kapuuno' ru Israil. Maaru' lair lumonggo' Io mangukum ramuyun, dewa am tana' mino.

1 SAMUIL 6:8

Mopongo raginio alapo' min Kaban Nabantuan ru Tuhan, posokoyo' ginio ra rasawat ru padati no, am sapapa' no pabantaa' min kaban ondo' sinuangan ra kuliamos mas ondo' moonsoi pataakon min ra Tuhan ra tayar mamuso ra tula mino. Polosoo' noyo padati no am sapi' no mugar galama'.