1 SAMUIL 6:3 - Tanou Moonsoi Timugon

³ Taam ilo, “Pai' min pasagulio' Kaban Nabantuan ri Aki Kapuuno' ru Israil no ra kolondo' paayaan ra atan pana taak ra tayar Riso no. Moonsoi Kaban no bayain ra taak ru tayar ra mamuso ra tula takau. Koon raginio noyo ra akau babason, am makapandai kau boo ra sasaban ri Aki Kapuuno' no mararayus mangukum ramuyun.”

1 SAMUIL 6:3 ပူးပေါင်းရင်းမြစ်များ

AYUP 10:2

Iou Aki Kapuuno', pai' sonsol raki'. Pambala' no raki' ra panguwan Muno raki'.

KAINGKUALAN 23:15

Ralalom ru bulan Abib, baalo' noyo Pangiantakan Ruti' Kalo Linatakan ra Ragi sumugut ra ralan ondo' nanusuban Kuli, sabap ra ralalom ru bulan raginio akau nangiruan ra Misir. Pai' pangakan ra ruti' ondo' linatakan ra ragi buoi katuluan ru pangiantakan no. Moonong ra akau matong sumambayang Raki', musiti' kau magibit ra taak.

KAINGKUALAN 34:20

Kaa' musiti' min pulion moonong anak ra kasaa' ru kaladai min ra sanginan domba koson ra pamalit no. Amon ru kalo pulion min kaladai no, pandako' liog no. Musiti' min pulion moonong anak ra katuaan min. Kolondo' sangulun pana makauma' Raki' amon ru kalo magibit ra taak.

KAINGKUALAN 8:15

Paat ra nakito ru raja' ra minatoi noyo ngaangai' antit, bambalingatan saguli' raja'. Marara' raja' mangining ra ragu ri Musa am i Arun koson ra rinagu ru Tuhan.

IMAMAT 5:6

Koson ra ukuman ru tula nano, musiti' ulun no mapataak ra Tuhan ra sanginan domba ruandu' kapoam kambing ruandu'. Musiti' imam mapataak ra taak simbalui no koson mangampun ra tula ru ulun no.

IMAMAT 6:6

Musiti' ulun ondo' makasala no magibit ra imam ra sanginan domba gawayan kapoam sanginan kambing gawayan ondo' kalo najamaran no koson taak simbalui koson mambayar ra kalubatan ra Tuhan. Logo no musiti' untobon sumugut ra atan ondo' inaru' noyo giu' ra Kim ru Tuhan.

SAGULION 16:16

“Ngaangai' ungkuyon ru bansa' min musiti' matong koson sumambayang ra Tuhan i Aki Kapuuno' min intalu sambilor, giu' ra rondo' intok sambayangan: paat ra pangiantakan Paska, Pangiantakan ra mangkumos am Pangiantakan Mangkalukub ra Raun. Moonong ungkuyon musiti' magibit ra taak

1 SAMUIL 5:11

Ginio ra nampiau ilo ra ngaangai' raja' ru Palistin tumimung, am indagu, “Atarin min Kaban Nabantuan ri Aki Kapuuno' ru Israil no ra intok toojo nali, maa' raginio kalo makapamatoi ritakau am sasambaloi takau.” Ngaangai' mamagun ru bandar no maimamang sabap ra i Aki Kapuuno' nangukum risilo ra maagat kaga'.

1 SAMUIL 5:7

Paat ilo nakakito ra atan ondo' tatanga' masauk no, indagu ilo, “I Aki Kapuuno' ru Israil no nangukum ritakau am i Dagon dewa takano. Pai' takau polosoo' Kaban Nabantuan no soroi poyo ragiti.”

1 SAMUIL 5:9

Kaa' kalupus Kaban no nakasaboi ra giu' no, nangukum Tuhan ra mamagun ru bandar raginio niayuk am napatabual ra baal ondo' makaimamang kaga'. Nangukum Tuhan ra ngaangai' ru mamagun ra lumanit-lanit ra inan nilo, iou ra ulun mamulok am poyo ra ulun matutuo.

1 SAMUIL 6:8

Mopongo raginio alapo' min Kaban Nabantuan ru Tuhan, posokoyo' ginio ra rasawat ru padati no, am sapapa' no pabantaa' min kaban ondo' sinuangan ra kuliamos mas ondo' moonsoi pataakon min ra Tuhan ra tayar mamuso ra tula mino. Polosoo' noyo padati no am sapi' no mugar galama'.

1 SAMUIL 6:9

Ilain min ati angayan ru sapi' no; amon ru Kaban Nabantuan no ibiton mongoi ra pagun toojo nano, giu' ra bandar Bit-Simis, baal ragitio makaarati' ra i Aki Kapuuno' ru ulun ru Israil naparatong noyo ra karaat makalalaa' kaga' ritakau. Kaa' amon ru padati no kalo mongoi ra giu' no, makapandai takau ra baal makalalaa' raginio sala' ka intor ri Aki Kapuuno' ru Israil, kaa' nakainamot ayuk.”