1 SAMUIL 6:17 - Tanou Moonsoi Timugon

¹⁷ Napakirim ulun ru Palistin ra limo lanit ra binaal-baal intor ra mas ra Tuhan, ra tayar ru taak mamuso ra tula, sangunor ra tayar ru moonong bandar ragitilo: Asdod, Gaja, Askilon, Gat am Ikron.

1 SAMUIL 6:17 ပူးပေါင်းရင်းမြစ်များ

2 SAMUIL 1:20

Pai' potonowo' tanou raginio giu' ra Gat, kapoam giu' ra ralan mongoborok ru Askilon, pai' masaboi ruandu' ru Palistin magindii, kapoam ruandu' ondo' kalo makaulig ri Aki Kapuuno' maansukan.

2 SAMUIL 21:22

Kaapat-apat ngaulun no papag ru maayo ulun intor ra Gat am ngaangai' no pinatoi ru Raja' Daut am ulun-ulun nano.

2 RAJA'-RAJA' 1:2

Paat ra sangarawan, Raja' Agajia intor ra Israil no naratu' intor ra langgar giu' ra tingkat rasawat ru istana nano giu' ra Samaria saboi napilatan raja' no ra masaran. Ginio ra nangator io ra kukula' ngaulun sinusub koson mangkuot ra Baal-Jibub, dewa ru ulun ru Palistin giu' ra bandar Ikron, mangimumui ru mapali' io kia kapoam kalo.

2 TUNUNG RU BANSA' ISRAIL 26:6

Nangayou Raja' Ujia ra ulun ru Palistin. Ginaba' no timbok ru bandar Gat, Jabni am Asdod, am nambaal ra bandar-bandar mokoondo' ra kubu mamaar ra Asdod am giu' ra intok ru ulun ru Palistin.

IMAMAT 5:7

Amon ru ulun makatula no kalo makapanaak ra sanginan domba kapoam kambing koson mamuli' ra tula nano, musiti' io mapataak ra Tuhan ra ruo ngainan susuit maningkuluuk kapoam ruo ngainan susuit asang: Sanginan tayar ra taak simbalui koson mangampun ra tula, am sanginan poyo tayar ra taak simbalui koson mapabansuk ra guang ru Tuhan.

AMOS 1:6

Indagu Tuhan, “Mamagun ru Gaja ruruli' noyo makatula, ginio ra maaru' ukumin Ku ilo. Rinakop nilo noyo ngaangai' ulun intor ra rondo' bansa', am nantalan ra bansa' no koson ra ulun inulipon ra ulun ru Idom.

AMOS 6:2

Kaa' raino ongoi kano ilong ra bandar Kalni. Ugar no ayuk mongoi giu' ra bandar Gamat ondo' maayo, am giu' ra bandar Gat giu' ra Palistin. Indoson min kia ra bandar-bandar no moonsoi poyo intor ra pamarintaan ru Jiuda am Israil? Maayo poyo kia wilayah nilo intor ra wilayah min?

SAGULION 28:27

Maparatong Tuhan ra talipos ra inan min koson ondo' binaal Nano ra ulun ru Misir ragili. Nalimpot kungkung min ra kagal am kogom ondo' maatol, kaa' kolondo' tatapis no.

TINGGANAI RU BANSA' 1:18

Nangindangan Tuhan ra bansa' ru Jiuda saboi nakasugut ilo nampagaau ra intok kabuluran. Kaa' kalo nakasugut ilo nampagaau ra bandar Gaja, Askilon am Ikron, am niayuk intok giu' ra liliut ru ngaangai' bandar raginio. Kalo nakasugut bansa' ru Jiuda napagiru' ra mamagun ondo' minayan giu' ra galur ru nagas no, sabap ra mamagun ra giu' no makakarita' kuda ondo' binaal intor ra basi'.

TINGGANAI RU BANSA' 14:19

Namulali' i Simson maikang ru kuasa' ru Tuhan, am ongoi io ra Askilon am namatoi ra talu ngoopor ngaulun ungkuyon ra giu'. Nangalap io ra bayang moonsoi ondo' binayang nilo am pataako' no ginio ra talu ngoopor ngaulun ondo' nakataam ra sundait no. Kopongo raginio, minuli' io ra baloi ra guang pansagulian am siminangit.

TINGGANAI RU BANSA' 16:1

Sangarawan raginio minongoi i Simson ra Gaja. Giu' no nakatuum io ra sangulun ruandu' mantalan ra inan, am narulug ra ruandu' no.

TINGGANAI RU BANSA' 16:21

Ginio ra ulun ru Palistin namparakop ri Simson am kiulo' karuruo unor ru mato nano. Nagibit ilo riso giu' ra Gaja, am rinantai io ra rantai gangsa'. Giu' no pinasubol i Simson ra pangaputan am jinajalan manginsar ra gandum.

1 SAMUIL 5:1

Kopongo ulun ru Palistin napagaau ra Kaban Nabantuan, inibit nilo ginio intor ra Ibin-Gaijir minongoi ra Asdod, bandar nilono.

1 SAMUIL 5:10

Ginio ra inataran nilo Kaban Nabantuan no ra Ikron, rondo' bandar ru Palistin ra bokon poyo. Kaa' paat Kaban no nakasaboi ra giu' no, indagu mamagun ru bandar no, “Ilai' noyo, nagibit ilo ra Kaban Nabantuan ri Aki Kapuuno' ru Israil no ragiti koson mamatoi ritakau ngai'!”

1 SAMUIL 5:8

Ginio ra nampiau ilo ra kalilimo ngaulun raja' ru Palistin ra tumimung, am pangkuot, “Atan kinua' moonsoi baalon takau ra Kaban Nabantuan ri Aki Kapuuno' ru ulun ru Israil no?” Taam raja'-raja' no, “Pabandingo' Kaban no ra bandar Gat.” Kaban no pana pinabanding boo ra Gat, rondo' bandar ru Palistin ra bokon.

1 SAMUIL 6:4

Pangkuot poyo ulun ru Palistin, “Taak ra atan kinua' ondo' moonsoi pootoron takau?” Taam ilo, “Atari' min limo lanit ra binaal-baal intor ra mas am niayuk limo tikus binaal-baal intor ra mas, nogondo' ra suang ru raja' ru Palistin. Baal makalalaa' ondo' nogondo' nakalumpa' noyo ramuyun ngaangai', iou ra mamagun am poyo ra raja'.