1 SAMUIL 6:14 - Tanou Moonsoi Timugon

¹⁴ Minuog padati no mamaar ra rondo' batu maayo giu' ra umo ri Josua, sangulun mamagun ru Bit-Simis. Mamagun ru bandar no nampalapak ra padati tataun no am nanimbalui ra ruo ngainan sapi' no, am pataako' ngaangai' no ra tayar ru taak simbalui koson mapabansuk ra guang ru Tuhan.

1 SAMUIL 6:14 ပူးပေါင်းရင်းမြစ်များ

2 SAMUIL 24:18

Paat orou raginio niayuk minatong i Gad minuma' ra Raja' Daut am indagu riso, “Ongoi pagaloi ra intok pangagikan ra gandum longgom ri Arauna, am baali' Tuhan ra altar.”

2 SAMUIL 24:22

Indagu i Arauna, “Raja' kuno, alapo' ayuk am papataak no ra atan ayuk ondo' kasagaan muno ra Tuhan. Gitio noyo sapi'-sapi' ra solobon koson ra taak simbalui giu' ra rasawat ru altar, am pakayo' noyo tanggayan ru pamparadu' am papan-papan ru pangagikan koson ra luton.”

2 SAMUIL 24:25

Kopongo raginio nambaal Raja' Daut ra altar ra giu' no ra tayar ru Tuhan, am papataak ra taak simbalui koson mapabansuk ra guang ru Tuhan am niayuk taak simbalui koson makibarakat ra Tuhan. Nangiou Tuhan ra pakiasian ru Raja' Daut, am maruol tumapik ondo' nakatiu' ra Israil no timinaru'.

1 RAJA'-RAJA' 19:21

Kopongo raginio uli' i Ilisa koson mangalap ra nantutuop ra sapi' nano, am simbaluyo' no, am ansako' no. Luton nano tataun pinamparadu'. Pasulungo' no akanon no ra ngaangai' ulun ra giu' no am ilo pana nangakan. Kopongo raginio minaya' i Ilisa ri Ilia koson ra mangindangan nano.

KAINGKUALAN 20:24

Baali' Aku ra altar intor ra tana'; papatampakan min ra taak domba am sapi' min koson ra taak simbalui koson mapabansuk ra guang ru Tuhan, am taak simbalui koson makibarakat ra Tuhan. Giu' ra moonong intok ondo' aruon Kuno ramuyun koson sumambayang Raki', matong Aku am mambarakat ramuyun.

TINGGANAI RU BANSA' 21:4

Suabon no ra iosusuab, nambaal ilo ra rondo' altar ra giu' no. Napataak ilo ra taak simbalui koson mapabansuk ra guang ru Tuhan am taak simbalui koson makibarakat ra Tuhan.

TINGGANAI RU BANSA' 6:26

Baalo' noyo rondo' altar ondo' batu no pinatampas ra matanda' giu' ra rasawat ru tinuntur no; altar no tayar ru Tuhan i Aki Kapuuno' muno. Alapo' boo sapi' no am solobon ngaangai' no koson ra taak simbalui. Alapo' ra luton lugu' tatandu' ru Dewi Asyira ondo' ginaba' muno.”

1 SAMUIL 11:5

Paat raginio kakauli' ayuk ru Raja' Saul intor ra umo nabaya' ra sapi'-sapi' nano. Kuati' no, “Atan kinua'? Kua pantangi' ngaangai' ru ulun?” Nalingas io binalaan ra tanou ondo' inibit ru ulun-ulun sinusub intor ra Jabis.

1 SAMUIL 20:29

Kono, ‘Paugaro' aku no, sabap ra sasambaloi kuno tatanga' mangiantak ra karamayan mapataak ra taak simbalui giu' ra Bitligim, am sinusub aku ru maayo kuno matong. Ginio ra amon ru mataak mu aku, masaga' aku mongoi tuum ra pabukat-pabukat kuno.’ Ginio sabap ra io kalo siminaang ra bunsag ti, ama'.”

1 SAMUIL 6:13

Paat raginio mamagun ru Bit-Simis tatanga' mangkumos ra gandum giu' ra limayak. Paat ra ilo nakakito ra Kaban Nabantuan no, mapara' boo bansuk nilo!

1 SAMUIL 6:18

Napakirim ilo niayuk ra tikus binaal-baal intor ra mas, rondo' ra tayar ru moonong bandar ondo' pinarinta ru limo ngaulun raja' ru Palistin no, iou ra bandar ondo' makatimbok am pekan ondo' kolondo' timbok. Inono' ru kasaukan raginio iono batu maayo intok napabantaan nilo ra Kaban Nabantuan ru Tuhan no. Saboi ra orou raiti' pana batu no lakat poyo soroi giu' ra umo ri Josua, ulun ru Bit-Simis no.