1 SAMUIL 5:2 - Tanou Moonsoi Timugon

² Giu' ra bandar no, inibit nilo Kaban Nabantuan no pinaumpos ra kuil Dagon, dewa nilono. Pinabanta' nilo Kaban no ra sapapa' ru dewa sinungkalalaing no.

1 SAMUIL 5:2 ပူးပေါင်းရင်းမြစ်များ

1 TUNUNG RU BANSA' ISRAIL 10:10

Binulian nilo bayag mangayou ru Raja' Saul giu' ra ralalom ru rondo' kuil nilo, am nampatair ra ulu ru Raja' Saul giu' ra ralalom ru kuil Dagon, dewa nilo.

1 TUNUNG RU BANSA' ISRAIL 10:8

Songorou nalupus pangayawan no, ulun ru Palistin nanguliat ra baangkai ru saujor ru Israil. Natuum nilo baangkai ru Raja' Saul am talu anak ungkuyon nano giu' ra Gunung Gilboa.

DANIL 5:2

Paat ra nagauk noyo, nanusub Raja' Bilsyajar koson mangalap ra mangkuk-mangkuk ondo' binaal intor ra mas am pirok ondo' ginaau ru ama' nano, Raja' Nibukadnijar intor ra Baloi ru Tuhan giu' ra Jirusalim. Kinitaak ru Raja' Bilsyajar mangkuk-mangkuk no maa' raginio io, ulun-ulun mangaatang nano, am niayuk ngaangai' andu' am ruandu' parulug ru raja' makainum intor ra mangkuk-mangkuk no.

DANIL 5:23

Minanggal kou ra Tuhan panguasa' giu' ra suruga'. Pinakai mu mangkuk-mangkuk ondo' inalap intor ra Baloi ru Tuhan. Okou raja', ulun mangaatang muno, ngaangai' andu' am ruandu' parulug muno nanginum noyo ra wain intor ra mangkuk-mangkuk no, am niayuk nongompor ra dewa-dewa ondo' binaal intor ra mas, pirok, gangsa', basi', tataun am batu – dewa-dewa ondo' kalo makakito, kapoam mokorongog, kapoam makapandai ra atan-atan. Kalo nangurumat kou ri Aki Kapuuno' ondo' makakuasa' mangaru' ra okou no maayag kapoam matoi, am ondo' nanguasa' ra ngaangai' binaal muno.

ABAKUK 1:11

Kopongo raginio nataki' ilo minugar koson ra siob ru angin. Makasala ilo sabap sumamba ra kaikangan galama'.”

ABAKUK 1:16

Ilo pana siminamba ra ralo nilo am nampataak ra taak simbalui ra ralo no, sabap ra ralo nangani' risilo ra akanon ra masuang kaga' am langkaya'.

TINGGANAI RU BANSA' 16:23

Paat ra sangarawan, natitimung raja'-raja' ru Palistin koson munsag am mapataak ra taak simbalui ra maayo ri Dagon, dewa nilo. Kon ru raja'-raja' no, “Nangani' noyo dewa takau ra kamanangan ritakau ri Simson, pantula' takau!”