1 SAMUIL 5:12 - Tanou Moonsoi Timugon

¹² Ulun ondo' kalo minatoi, natiu' ra maruol lumanit-lanit saboi mamagun ru bandar no giminolok makiindangan ra dewa-dewa nilo.

1 SAMUIL 5:12 ပူးပေါင်းရင်းမြစ်များ

1 RAJA'-RAJA' 19:17

Osoi ondo' makapagiru' intor ra ilang ri Gajail potoyon ri Jigu, am osoi ondo' mailiwan ru ilang ri Jigu potoyon ri Ilisa.

KAINGKUALAN 12:30

Rondom raginio raja' am ngaangai' pagawai nano, am niayuk ngaangai' ulun ru Misir nangakarat. Tangi' mosongou maining ra titikop ru pagun ru Misir, sabap ra giu' ra moonong baloi makapinatayan ra anak ungkuyon.

JIRIMIA 14:2

“Mangiluk guang ru Jiuda; mamagun ru bandar nano mamaar matoi. Liminuya' ilo ra tana' am mampalaa; gumolok Jirusalim makiindangan.

JIRIMIA 25:34

Pantangi' no, tingganai kau, akau ondo' nasauk ra magagalung ra ulun Kuno, pantangi' no ra mosongou! Panulaboi no am pagiluluir ra kaau, sabap ra nasaboi noyo paat no ra akau potoyon; simbaluyon kau koson ra domba gawayan.

JIRIMIA 48:3

Mamagun ru bandar Oronaim giminolok, ‘Kalaatan! Kapusaan!’

AMOS 5:19

Baal nano koson ra ulun ondo' nagiru' intor ra singa', am nakatuum ra baawang; kapoam koson ra ulun ondo' muli' ra baloi am pabantaan no kalindu' nano ra timbok, am tindukon ru kukuo!

1 SAMUIL 6:1

Kopongo ra Kaban Nabantuan ru Tuhan no soroi ra pagun ru ulun ru Palistin buoi tulu' ngansila',

1 SAMUIL 9:16

“Susuab no tampilon ra susuab ti olo'-olo' paat koson ragitio, manusub Aku ra sangulun ungkuyon intor ra bansa' ru Binjamin muma' rirun. Umawo' ulu nano ra umau koson ra tatandu' nampili' riso masauk ra raja' ru ulun Kuno Israil. Mapalabus io ra ulun Kuno intor ra ulun ru Palistin. Nakito Ku noyo kaimbalaan ru ulun Kuno, am norongog Ku noyo tangi' nilo ra makiindangan.”