1 SAMUIL 5:1 - Tanou Moonsoi Timugon

¹ Kopongo ulun ru Palistin napagaau ra Kaban Nabantuan, inibit nilo ginio intor ra Ibin-Gaijir minongoi ra Asdod, bandar nilono.

1 SAMUIL 5:1 ပူးပေါင်းရင်းမြစ်များ

MAZMUR 78:61

Pinoloso no pantula' Nano nampagaau ra Kaban Nabantuan, tatandu' ru kuasa' am katulayan Nano.

JISAYA 20:1

Sumugut ra nanusuban ru Raja' Sargon, raja' ru Asyur, panglima ru saujor Asyur nangayou ra Asdod, bandar ru ulun ru Palistin.

AMOS 3:9

Potonowo' tanou ti ra ulun ondo' minayan giu' ra istana Misir am Asdod, “Timung kano giu' ra bulur-bulur giu' ra liliut ru Samaria, am ilai' kajajawan am niayuk kalaatan ondo' nasauk ra giu'.”

RINALATAN 8:40

I Pilipus pana nakaliman ra giu' io noyo ra Asdod. Ongoi io ra ngaangai' intok ru libung ragitio am mampatanou ra Tanou Moonsoi intor ri Jisus saboi nakasuku' io ra Kaisaria.

JOSUA 11:22

Kolondo' sangulun pana intor ra bansa' ru Inak ondo' minayan giu' ra pagun Israil, kaa' mokoondo' kukula' ngaulun ondo' lakat poyo minayan giu' ra Gaja, Gat am Asdod.

JOSUA 13:3

am niayuk titikop wilayah Awi am giu' tampilon ra rabugus. (Tana' intor ra Sungoi Sikgor giu' ra balitan ru Misir, saboi ra balitan ru Ikron giu' ra ralayo, karaan ra tana' ru ulun ru Kanaan; raja' ru ulun ru Palistin minayan giu' ra Gaja, Asdod, Askilon, Gat am Ikron.)

1 SAMUIL 4:1

Moonong i Samuil mindagu, ngaangai' ulun ru Israil rumongog riso.Paat raginio nanimung ulun ru Palistin ra saujor nilo koson mamulunsar ra Israil. Ginio ra saujor ru Israil pana minongoi ra intok pangayawan. Saujor ru Israil nangkim giu' ra Ibin-Gaijir, am saujor ru Palistin nangkim giu' ra Apik.

1 SAMUIL 4:11

Kaban Nabantuan ri Aki Kapuuno' no ginaau ru pantula', am karuruo anak ri Ili, i Gopni am i Pinigas minatoi.

1 SAMUIL 4:22

Kono, “Katulayan ri Aki Kapuuno' nangiruan noyo ra Israil, sabap ra ginaau noyo Kaban Nabantuan ri Aki Kapuuno'.”

1 SAMUIL 6:1

Kopongo ra Kaban Nabantuan ru Tuhan no soroi ra pagun ru ulun ru Palistin buoi tulu' ngansila',

1 SAMUIL 7:12

Kopongo raginio pinatirong ri Samuil rondo' batu giu' ra balitan ru Mijpa am Siin. Kono, “Nangindangan noyo toojo Tuhan no ritakau.” Ginio ra inggalani' no batu no ra “Batu Nangindangan”.