1 SAMUIL 4:4 - Tanou Moonsoi Timugon

⁴ Ginio ra nanusub ilo ra ulun mongoi ra Silo koson mangalap ra Kaban Nabantuan ru Tuhan Ondo' Maayo Kaga' Kuasa', ondo' soroi ra rasawat ru Kirub. Karuruo ngaulun ra anak ri Ili, iono i Gopni am i Pinigas pana minatong nabaya' ra Kaban Nabantuan no.

1 SAMUIL 4:4 ပူးပေါင်းရင်းမြစ်များ

2 SAMUIL 15:24

Imam Jadok am Imam Abiatar soroi ra giu' no nababaya' ra ulun ru Liwi ondo' nangkayang ra Kaban Nabantuan ru Tuhan. Kaban Nabantuan no pinatuun, am kalo kinayang ra kalo poyo ngaangai' ulun nanatang ra bandar no.

2 SAMUIL 6:2

Naningganai io risilo minongoi ra Baali giu' ra Jiuda, koson mangalap ra Kaban Nabantuan ondo' sabiton ralalom inggalan ru Tuhan Ondo' Maayo Kaga' Kuasa', ondo' nanturung ra rasawat ru kirub.

2 RAJA'-RAJA' 19:15

am pakiasi', “Iou Tuhan, i Aki Kapuuno' ru Israil, Okou ondo' nanturung giu' ra rasawat ru kirub; Okou rorondo' ayuk i Aki Kapuuno' mamarinta ra ngaangai' pamarintaan ra tana' ti. Okou nambaal ra limbowon am tana' ti.

MAZMUR 80:1

Ra tingganai ru santimungan maririmbai. Sumugut ra rimbai: Bunga' Bakung. Mazmur kaintutunan ri Asap.

MAZMUR 80:2

Rongogo' akai no, okou Magagalung ra ulun ru Israil; Okou no naningganai ra ulun Muno. Okou no manturung ra tampak ru kirub,

MAZMUR 99:1

Tuhan no raja', ulun monontol sabap ra Io; nanturung Io ra tampak ru kirub, am tana' ti pana mauyog.

JISAYA 37:16

“Iou Tuhan Ondo' Maayo Kaga' Kuasa', i Aki Kapuuno' ru Israil, Okou ondo' manturung ra rasawat ru kirub, Okou noyo rondo'-rondo' ayuk i Aki Kapuuno' ondo' namarinta ra ngaangai' pamarintaan ra tana' ti. Okou namangun ra limbowon am tana'.

MALIAKI 1:9

Raino, akau imam-imam, kinami' makitaak maa' raginio makaasi' i Aki Kapuuno' ritakau. Kalo mangiou Io ra pakiasian min, am baal raginio kasalaan min galama'.

UNTABAN 4:15

Paat maparulun ra Kim, bansa' ru Kigat mangkayang ra kuliamos mangapasau ra mopongo ayuk taubin ri Arun am anak-anak nano ngaangai' kuliamos no am niayuk kuliamos ra ukop nano. Kalo pokombongon bansa' ru Kigat ra kuliamos mangapasau no. Amon ru mangambong ilo raginio, matoi ilo. Ginio noyo kandoi ru bansa' ru Kigat paat pabandingon Kim ru Tuhan.

UNTABAN 4:5

Nanaak Tuhan ri Musa ra panuluan ragitio. Masaboi paat no ra maparulun ra kim, i Arun am anak-anak nano musiti' mumpos ralalom ru Kim ru Tuhan am mangalap ra tabir giu' ra saang ru Kaban Nabantuan. Musiti' nilo taubin Kaban Nabantuan ra tabir no.

UNTABAN 7:89

Paat ri Musa mumpos ra ralalom Kim ru Tuhan koson mindagu ra Tuhan, morongog no Tuhan mindagu riso intor rasawat ru taub ru Kaban Nabantuan, pangkilolot ru ruo patung kirub.

1 SAMUIL 1:24

Pokolonggo' anak no ra tumiti', inibit io ri Ana ra baloi ru Tuhan giu' ra Silo. Paat raginio i Samuil no boborok ayuk poyo kaga'. Nagibit niayuk i Ana ra kukula' ngainan sapi' gawayan ondo' umur no talu ngambilor, mopor ngakilogram tapung gandum, am sakantungan ru kungkung wain.

1 SAMUIL 14:3

(Imam ondo' nagibit ra efod paat raginio iono i Agiya anak ri Agitub, akupu ri Pinigas anak ri Ili; i Ili ti iono imam ru Tuhan giu' ra Silo. I Agitub ti iono pabukat ri Ikabod.) Kolondo' sangulun ra giu' no naala' ra minugar noyo i Jonatan intor ra intok raginio.

1 SAMUIL 2:22

I Ili ti matutuo noyo kaga'. Masalok io mokorongog ra ragu intor ra binaal ru anak-anak nano ra ulun ru Israil. Nakapandai niayuk i Ili ra ilo riminulug ra ruandu'-ruandu' ondo' mangandoi giu' ra kulobon ru Kim ru Tuhan.