1 SAMUIL 4:3 - Tanou Moonsoi Timugon

³ Paat ra saujor ru Israil ondo' lakat poyo naayag no minuli' ra pangkiman, indagu tingganai-tingganai ru Israil, “Kua kia nopoloso Tuhan no ra saujor ru Palistin no nangala ritakau ra orou raiti'? Ibok ibito' takau Kaban Nabantuan ru Tuhan intor ra Silo, maa' raginio Io mabaya' ritakau am mamayag ritakau intor ra pantula'.”

1 SAMUIL 4:3 ပူးပေါင်းရင်းမြစ်များ

2 SAMUIL 15:25

Kopongo raginio kon ru raja' no ri Jadok, “Pasagulio' Kaban Nabantuan no ra bandar. Amon ru maansayan Tuhan no raki', maaru' mangiou io raki' saguli' am makakito ra Kaban Nabantuan no poyo, am niayuk intok ru Kaban Nabantuan no binulian.

1 TUNUNG RU BANSA' ISRAIL 17:1

Sangarawan raiti, paat ra Raja' Daut norondon noyo ra istana nano, piniau ru Raja' Daut i Nabi Natan am indagu, “Ilai', minayan aku ra istana ondo' binaal intor ra tataun sidar, liliwa' Kaban Nabantuan ru Tuhan soroi ayuk giu' ra ralalom ru kim!”

MAZMUR 74:1

Sisindiron ri Asap. Kua tatango' Mu akai koson ragitio, iou Aki Kapuuno'? Sabuoi-buoi no kia Okou sumangit ra ulun Muno?

MAZMUR 74:11

Kua karara' Kou mangindangan ramon? Kua pai' Kou pampaguang koson mangindangan ramon?

JISAYA 50:1

Tuhan mindagu ri Israil, “Okou ulun Kuno, indos mu inggalarin Tokou koson ra sangulun ralaki mangali ra andu' nano? Koon poyo raginio, ati surat pangalian nano? Indoson muno tinalan Tokou, koson ra sangulun ama' nantalan ra anak nano ra mansisika' ra utang? Sala'! Okou rinakop am pinatiran, sabap ra tula am kalaatan muno galama'!

JISAYA 58:3

Mangkuot bansa' raginio, “Atan pakuan mampali amon ru Tuhan kalo magilong? Atan pakuan itakau minggana' guang amon ru Io kalo mampalio?” Mindagu Tuhan, “Sotopot no, liliwa' akau mampali, maguyum kau ra kaatangan galama' am mangimbolo' ra ulun-ulun mangandoi mino.

JISAYA 59:1

Pai' karaa' ra Tuhan no malawo kaga' koson mamayag ramuyun, kapoam barat kaga' koson mangkirongog ra pampiawan mino.

JISAYA 59:2

Sabap ra kalaatan mino ra Io pana kalo mangkirongog bulintok ra akau makiasi' Riso. Tula-tula mino napatuliar ramuyun intor ri Aki Kapuuno'.

JIRIMIA 3:16

Kopongo raginio paat ra akau lumanja' suang ra pagun ti, ulun kalo boo mindagu intor ra Kaban Nabantuan Kuno. Kalo boo guangon kapoam karaan nilo ginio; ilo pana kalo boo makapakuan raginio kapoam mambaal ra Kaban Nabantuan ra bokon.

JIRIMIA 7:4

Pai' pangintopot ra ragu-ragu magabau ti, ‘Moonsoi takau ayuk, sabap ragitio Baloi ru Tuhan. Tojojo gitio Baloi ru Tuhan! Topot gitio Baloi ru Tuhan!’

UNTABAN 10:33

Paat ra ulun ru Israil nangiruan ra Sinai, gunung matulai no, minugar ilo buoi talu ngoorou. Kaban Nabantuan ru Tuhan magail ibiton sumigulu risilo koson maguyum ra intok pangkiman nilo.

UNTABAN 10:35

Pogonong ra Kaban Nabantuan ru Tuhan no saanin paat ra mugar, mindagu i Musa, “Luat noyo, iou Tuhan, pantutuliaro' noyo pantula' Muno am polosoo' ulun ondo' masisang Rirun magiru'!”

UNTABAN 31:6

Nanusub i Musa risilo mongoi pangayou mababaya' ri Pinigas anak ri Imam Iliajar. Nagibit i Pinigas ra kuliamos intor ra Kim ru Tuhan am bujung-bujung koson mangani' ra pulanu.

SAGULION 29:24

Paat raginio titikop ru tana' ti mangkuot, ‘Kua kia nambaal Tuhan koson raginio ra tana' nilo? Atan kia ondo' nangkinibit Riso siminangit ra makalalaa' raginio?’

SAGULION 31:26

“Alapo' noyo kitab ru Ukum ri Aki Kapuuno' ti am pabantaa' ginio ra sapapa' ru Kaban Nabantuan ru Tuhan i Aki Kapuuno' min, maa' raginio magulayun soroi ra giu' no koson masauk ra sasi' ra ulun ru Tuhan.

2 TIMOTIUS 3:5

Kabalu' ra ilain ra sumugut ilo niayuk ra kaulayan ru ugama, kaa' marara' ilo ra kuasa' ru Tuhan ralalom kaayagan nilai. Moonsoi ru minggalur kou ra ulun koson raginio.

IBRANI 9:4

Giu' no mokoondo' panalaban ra kaminyan ondo' binaal intor ra mas, am poyo Kaban Nabantuan ondo' inangkupan ra mas. Ralalom no mokoondo' rarapu' mas boborok makasuang ra akanon inggalanin ra manna, am poyo jujuga' ri Arun ondo' nanalantar ragili am ruo ngampila' batu ondo' tinulisan ra mopor panusuban.

JOSUA 4:7

balain ilo ra Sungoi Jordan minuog tumilis paat Kaban Nabantuan ru Tuhan sinaanan lumaup ra sungoi no. Batu-batu no magail mampakara' ra ulun ru Israil intor ra kasaukan ondo' nasauk ragiti.”

JOSUA 6:6

Nampiau i Josua ra imam-imam am indagu risilo, “Saani' noyo Kaban Nabantuan, am tulu' ngaulun ramuyun musiti' mugar giu' ra saang no magibit ra bujung.”

JOSUA 7:7

Indagu i Josua, “Iou Tuhan Raja', kua kia pagibit Kou ramon lumaup ra Sungoi Jordan? Masaga' Kou kia mapataak ramon ra ulun ru Amori maa' raginio pusoon nilo? Kua pai' Mu polosoon akai mayan ayuk giu' ra sandaup ru sungoi no?

JOSUA 7:8

Iou Tuhan, atan kia ondo' maalap kuno maragu raino, malupus ulun ru Israil binulunsar paluguto' ru pantula'?

1 PITRUS 3:21

Baal raginio noyo abig ru pampariwan ondo' raino ti mamayag ramuyun. Pampariwan ti sala' ka manginjaki ra inan, kaa' ginio noyo bantu' min gumagaya' ri Aki Kapuuno' intor ra guang mapasau. Pampariwan ti mamayag ramuyun sabap ri Jisus Kristus binayag saguli' intor ra kapatayan,

JUDAS 1:5

Napandayan min noyo ngaangai' ru gitio. Kaa' masaga' aku poyo mampakara' ramuyun ati kulaan Tuhan namayag ra bansa' ru Israil intor ra pagun ru Misir, kaa' nopongo raginio, pinuso No niayuk ulun intor risilo ondo' kalo nangintopot Riso i.

1 SAMUIL 1:24

Pokolonggo' anak no ra tumiti', inibit io ri Ana ra baloi ru Tuhan giu' ra Silo. Paat raginio i Samuil no boborok ayuk poyo kaga'. Nagibit niayuk i Ana ra kukula' ngainan sapi' gawayan ondo' umur no talu ngambilor, mopor ngakilogram tapung gandum, am sakantungan ru kungkung wain.

1 SAMUIL 14:18

Indagu Raja' Saul ra Imam Agia, “Ibito' noyo efod no ragiti.” (Paat ra orou raginio inibit ru Imam Agia no efod ra saang ru ulun ru Israil).

1 SAMUIL 4:2

Namulunsar saujor ru Palistin ra saujor ru Israil, am kalupus nampapatoi toojo, naala saujor ru Israil. Olo'-olo' 4,000 ngaribu ngaulun ru Israil pinatoi ru saujor ru Palistin ra pangayawan no.