1 SAMUIL 4:19 - Tanou Moonsoi Timugon

¹⁹ Paat raginio, anak mangiwan ri Ili, iono andu' ri Pinigas, tatanga' maapang am maar noyo paat ru paganakan nano. Paat ra io nokorongog ra Kaban Nabantuan ri Aki Kapuuno' ginaau noyo am iwan nano ra ungkuyon am niayuk ralaki nano minatoi noyo, namulali' io marualan ra maganak, am kalo nabuoi raginio naganak io.

1 SAMUIL 4:19 ပူးပေါင်းရင်းမြစ်များ

KASAUKAN 3:16

Indagu Tuhan i Aki Kapuuno' ra ruandu' no, “Janjain Ku pagon paat okou maapang am niayuk maruol ra okou maganak. Kabalu' pana raginio, okou lakat ayuk poyo makaguang lumampit ra ralaki muno, kaa' kumuku' kou riso.”

KASAUKAN 35:17

Lumanja' noyo ruol ra maganak no, indagu mampaanak no riso, “Paikango' guang muno Ragil, maganak kou poyo ra anak ungkuyon.”

1 RAJA'-RAJA' 14:1

Paat raginio, i Abia, anak ungkuyon ru Raja' Jirobiam marualan.

MAZMUR 78:64

Imam pinatoi ra ilang, am andu' nilo sawayon kalo pantangion.

JIRIMIA 26:6

Amon ru mansang kau ayuk, pamakuan Kuno ra Baloi Kutu koson ra pinamakuan Kuno ra Silo, saboi ngaangai' bansa' ra tana' ti mamakai ra inggalan ru bandar Jirusalim koson ra pagulasan.’ ”

1 SAMUIL 4:18

Paat ra ulun no nanabit ra Kaban Nabantuan, naratu' i Ili pakalangan intor ra kurisi' nano, giu' ra kiing ru kulobon garabang. Matutuo io noyo kaga' am molomok kaga', saboi paat io naratu' napandak liog nano. Paat raginio niayuk io minatoi. Nasauk io ra tingganai ru Israil buoi apat ngoopor ngambilor.

1 SAMUIL 4:20

Paat ra io mamaar noyo matoi, ruandu'-ruandu' ondo' nangindangan riso no mindagu riso, “Ikango' guang muno! Ungkuyon anak mutu!” Kaa' kalo timinaam io kapoam nampalio risilo.