1 SAMUIL 31:8 - Tanou Moonsoi Timugon

⁸ Suabon raginio, ulun ru Palistin nanalingaau ra kuliamos ondo' soroi ra baangkai ru ulun ru Israil. Kopongo raginio natuum nilo baangkai ru Raja' Saul am talu ngaulun anak ungkuyon nano giu' ra Gunung Gilboa.

1 SAMUIL 31:8 ပူးပေါင်းရင်းမြစ်များ

2 SAMUIL 1:20

Pai' potonowo' tanou raginio giu' ra Gat, kapoam giu' ra ralan mongoborok ru Askilon, pai' masaboi ruandu' ru Palistin magindii, kapoam ruandu' ondo' kalo makaulig ri Aki Kapuuno' maansukan.

2 SAMUIL 1:21

“Polosoon rasam am bolobou kalo rumatu' giu' ra kabuluran Gilboa, polosoon umo-umo nano mapuaan, sabap ra perisai ru tutumula' nakabanta' ra giu' no, perisai ru Raja' Saul kalo boo inumawan.

1 TUNUNG RU BANSA' ISRAIL 10:8

Songorou nalupus pangayawan no, ulun ru Palistin nanguliat ra baangkai ru saujor ru Israil. Natuum nilo baangkai ru Raja' Saul am talu anak ungkuyon nano giu' ra Gunung Gilboa.

2 TUNUNG RU BANSA' ISRAIL 20:25

Raja' Josapat am saujor nano minongoi pangalap ra kuliamos-kuliamos ru pantula'. Nakaalap ilo ra masuang bibiag tinambiag, linutu', konoon am kuliamos-kuliamos mologo. Buoi talu ngoorou ilo nanimung ra kuliamos inalap no, kaa' kalo nakai' nilo kaalap sabap ra kuliamos raginilo masuang kaga'.

1 SAMUIL 28:4

Saujor ru Palistin timinimung am nangkim mamaar ra bandar Sunim. Nanimung Raja' Saul ra saujor ru Israil, am nangkim ilo giu' ra Gunung Gilboa.

1 SAMUIL 31:7

Pokorongog ulun ru Israil ondo' giu' ra sandaup ru Limayak Jijriil am giu' ra tampilon ru Sungoi Jordan ra nagigiru' noyo saujor ru Israil, am ra Raja' Saul am anak-anak ungkuyon nano minatoi noyo, ilo pana nangiruan ra bandar nilono am nagigiru'. Kopongo raginio minatong ulun ru Palistin am ayan ra bandar-bandar no.

1 SAMUIL 31:9

Nanginggulu' ilo ra ulu ru Raja' Saul am nangalap ra bayang pangayawan nano. Kopongo raginio nangator ulun ru Palistin ra ulun sinusub mongoi ra titikop pagun ru Palistin koson mampasaboi ra tanou moonsoi no ra ngaangai' sinungkalalaing nilono am mamagun nilono.