1 SAMUIL 31:7 - Tanou Moonsoi Timugon

⁷ Pokorongog ulun ru Israil ondo' giu' ra sandaup ru Limayak Jijriil am giu' ra tampilon ru Sungoi Jordan ra nagigiru' noyo saujor ru Israil, am ra Raja' Saul am anak-anak ungkuyon nano minatoi noyo, ilo pana nangiruan ra bandar nilono am nagigiru'. Kopongo raginio minatong ulun ru Palistin am ayan ra bandar-bandar no.

1 SAMUIL 31:7 ပူးပေါင်းရင်းမြစ်များ

IMAMAT 26:32

Mapalunsai Aku lingon ra pagun mino, saboi pantula' ondo' minayan ra pagun min maliangan magilong ra mapara' makalalaa' kalunsayan raginio.

IMAMAT 26:36

“Mangkinibit Aku ramuyun ondo' pinatiran giu' pagun ru bokon malaa' kaga', saboi bolos ru raun ondo' siniob ru angin pana mangkinibit ramuyun magiru'. Magiru' kau saboi ilain ayuk ilowon ru pantula' ralalom pangayawan, am maratu' kau kabalu' pana kolondo' pantula' mamaar ramuyun.

SAGULION 28:33

Talingaawon ru bansa' ru bokon ngaangai' ampos ru tatanom ondo' piniratan min toojo. Akau galama' kalo mangapu ra rondo' pana, kaa' pangimbalaan ondo' mararayus am baal kalaatan.

TINGGANAI RU BANSA' 6:2

Maikang poyo ulun ru Midian intor ra ulun ru Israil. Ginio sabap ra nansibuni ulun ru Israil giu' ralalom ru luang batu am intok ra bokon ondo' mamayag giu' ra bulur-bulur.

1 SAMUIL 13:6

Kopongo raginio namulunsar ilo ra masaran ra ulun ru Israil, saboi ulun ru Israil soroi ra makalalaa'. Kukula' ngaulun ru Israil nansibuni giu' ra ralalom ru luang batu am luang ru gunung, kapoam siminilot ra ralalom ru batu maayo, kapoam giu' ra ralalom ru tulubong am luang ru tana'.

1 SAMUIL 13:7

Mokoondo' niayuk kukula' ngaulun ondo' liminaup ra Sungoi Jordan, am minongoi ra wilayah ru Gad am Giliad. Lakat poyo Raja' Saul no soroi ra Gilgal, am ulun-ulun ondo' minaya' riso nonontol ra nalaa'.

1 SAMUIL 31:6

Kon raginio noyo Raja' Saul am talu ngaulun anak ungkuyon nano minatoi, am niayuk ulun magibit ra kinandoi no, am ngaangai' ulun ru Raja' Saul minatoi ra orou raginio.

1 SAMUIL 31:8

Suabon raginio, ulun ru Palistin nanalingaau ra kuliamos ondo' soroi ra baangkai ru ulun ru Israil. Kopongo raginio natuum nilo baangkai ru Raja' Saul am talu ngaulun anak ungkuyon nano giu' ra Gunung Gilboa.