1 SAMUIL 31:6 - Tanou Moonsoi Timugon

⁶ Kon raginio noyo Raja' Saul am talu ngaulun anak ungkuyon nano minatoi, am niayuk ulun magibit ra kinandoi no, am ngaangai' ulun ru Raja' Saul minatoi ra orou raginio.

1 SAMUIL 31:6 ပူးပေါင်းရင်းမြစ်များ

2 SAMUIL 1:1

Kopongo Raja' Saul minatoi, minuli' i Daut nalupus nangala ra ulun ru Amalik. Ruo ngoorou buoi ri Daut minayan giu' ra Jiklag.

2 SAMUIL 1:12

Nanulaboi ilo, nangulir ilo, am nampali ilo buoi songorou ra tayar ru Raja' Saul am i Jonatan, am tayar ru Israil ulun ru Tuhan, sabap ra masuang kaga' ulun minatoi ralalom pangayawan.

1 TUNUNG RU BANSA' ISRAIL 10:6

Ginio ga boo ra Raja' Saul am talu anak ungkuyon nano minatoi, am napupusan noyo pamarintaan nano; kolondo' sangulun pana intor ra papag nano nasauk ra raja' nalupus raginio.

TINGGANAI RU BANSA' 9:54

Mataki' i Abimilik nampiau ra ungkuyon mamulok ondo' nagibit ra kinandoi mangayou nano, am indagu, “Butuso' ilang muno am potoyo' aku. Kalo masaga' aku raguon ru ulun ra pinatoi aku ru sangulun ruandu'.” Nonobok ungkuyon mamulok no riso, am patoi i Abimilik.

1 SAMUIL 11:15

Ginio ra ilo ngaangai' minongoi ra Gilgal, am giu' no, giu' ra intok sambayangan no sinauk nilo Raja' Saul ra raja'. Napataak ilo ra taak simbalui koson makibarakat ra Tuhan am Raja' Saul am ngaangai' ulun ru Israil nangiantak ra kasaukan raginio.

1 SAMUIL 12:17

Raino sala' ka kia bulintok ru tampio? Kaa' makiasi' aku, am patuunon ru Tuhan no tingkalur am rasam koson ra taaman ru pakiasian kuno. Paat ra baal raginio masauk makaliman kau boo ra mapara' gayo ru tula mino ra Tuhan sabap nakitaak ra sangulun raja'.”

1 SAMUIL 12:25

Kaa' amon ru mararayus kau makatula, akau am raja' mino pusoon.”

1 SAMUIL 26:10

Ralalom inggalan ru Tuhan ondo' naayag, aku nakapandai ra Tuhan galama' ondo' mamatoi ra Raja' Saul, iou lair ru matoi ra kaindalaman paat ra pupus ru bayag nano nasaboi noyo, kapoam kinibit ru pangayawan.

1 SAMUIL 28:19

Okou am ulun ru Israil pataakon No ra ulun ru Palistin. Susuab no okou am anak-anak ungkuyon muno maya' raki'; am niayuk saujor ru Israil pana pataakon ru Tuhan ra ulun ru Palistin.”

1 SAMUIL 31:5

Pakakito ulun magibit ra kinandoi no ra Raja' Saul no minatoi noyo, io niayuk timinobok galama' am minatoi narumar ra Raja' Saul.

1 SAMUIL 31:7

Pokorongog ulun ru Israil ondo' giu' ra sandaup ru Limayak Jijriil am giu' ra tampilon ru Sungoi Jordan ra nagigiru' noyo saujor ru Israil, am ra Raja' Saul am anak-anak ungkuyon nano minatoi noyo, ilo pana nangiruan ra bandar nilono am nagigiru'. Kopongo raginio minatong ulun ru Palistin am ayan ra bandar-bandar no.