1 SAMUIL 30:8 - Tanou Moonsoi Timugon

⁸ Kopongo raginio pangkuot i Daut ra Tuhan, “Musiti' aku kia mangilou ra ulun-ulun mantakou no? Makarakop aku kia risilo?” Taam Tuhan, “Ilowo' noyo ilo. Masunu' mu ilo am mamayag ra ulun-ulun rinakop.”

1 SAMUIL 30:8 ပူးပေါင်းရင်းမြစ်များ

KASAUKAN 14:16

Naalap saguli' ri Abram ngaangai' kuliamos ondo' inalap nilo am niayuk i Lot, ruandu'-ruandu' am ulun-ulun ondo' rinakop ra bokon.

2 SAMUIL 5:19

Pangkuot Raja' Daut ra Tuhan, “Musiti' ku kia bulunsaron ulun ru Palistin? Aniin Mu kia aku ra kamanangan?” Taam Tuhan, “Bulunsaro' noyo! Mangani' Aku rirun ra kamanangan.”

2 SAMUIL 5:23

Igondo' poyo nangkuot Raja' Daut ra Tuhan. Taam Tuhan, “Pai' ilo bulunsaro' intor ragiti. Kaa' ugar no liputo' intok ti am bulunsaro' ilo intor ra talikuron, mamaar ra puun-puun ru kertau.

MAZMUR 50:15

Piawo' min Aku bulintok ra akau makakapaganan; bayagon Takamin, am omporon min Aku.”

MAZMUR 91:15

Bulintok ra mampiau ilo Raki', tumaam Aku risilo. Bulintok ra ilo makakapaganan, indanganon Ku ilo. Bayagon Ku ilo am urumaton Ku ilo.

KAINGKUALAN 15:9

Kon ru pantula', ‘Mangilou aku am mamparakop risilo; tatayaron ku kalangkayaan nilono, am timpokon ku alapon kuno; pajuloyon ku ilang kuno am mangalap ra ngaangai' longgom nilo.’

UNTABAN 27:21

I Josua musiti' makitaak ra panuluan intor ra Imam Iliajar, am i Iliajar musiti' mangkuot ra kasagaan Kuno ra mamakai ra Urim am Tumim. Kon ragitio noyo ralan ra makapanaak i Iliajar ra panuluan ri Josua am ra ngaangai' ulun ru Israil ralalom ru ngaangai' baal ondo' umaan nilo.”

TINGGANAI RU BANSA' 20:18

Ongoi ulun ru Israil ra intok sambayangan giu' ra Bitil am pangkuot ri Aki Kapuuno', “Ati ra bansa' ondo' musiti' no kasaa' mamulunsar ra ulun ru Binjamin?” Taam Tuhan, “Bansa' ru Jiuda.”

TINGGANAI RU BANSA' 8:4

Paat raginio nababaya' i Gidion ra talu ngaatus ra ulun nano nakasaboi ra Sungoi Jordan am liminaup. Naagui ilo kaga', kaa' lakat poyo rinayus nilo nangilou ra pantula'.

1 SAMUIL 10:22

Ginio ra kuati' nilo Tuhan, “Iou Tuhan, soroi kinua' ulun no ragiti?” Taam Tuhan, “Nansibuni i Saul giu' ra talikuron ru kuliamos-kuliamos.”

1 SAMUIL 14:37

Ginio ra nangkuot Raja' Saul ri Aki Kapuuno', “Ongoyon ku kia bulunsaro' ulun ru Palistin? Mangani' Kou kia ra ulun ru Israil ra kamanangan?” Kaa' kalo timinaam i Aki Kapuuno' ra orou raginio.

1 SAMUIL 23:2

Ginio ra nangkuot io ra Tuhan, “Musiti' ku kia ongoyon bulunsaro' ulun ru Palistin?” Taam Tuhan, “Iou. Bulunsaro' ilo no am bayago' noyo mamagun ru Kigila.”

1 SAMUIL 23:4

Ginio ra nangkuot poyo i Daut ra Tuhan, am taam Tuhan, “Ongoi no am bulunsaro' noyo bandar Kigila, sabap ra manaak Aku rirun ra kamanangan ra ulun ru Palistin.”

1 SAMUIL 28:6

Nangkuot io ra Tuhan intor ra atan musiti' baalon nano. Kaa' Tuhan kalo timinaam, iou pana ra inupi, kapoam ra Urim am Tumim, kapoam ra pinabala' galing ra nabi.

1 SAMUIL 30:18

Nakasugut i Daut nangalap saguli' ra ngaangai' ondo' ginaau ru ulun ru Amalik, nakaaya' karuruo ngaulun andu' nano;

1 SAMUIL 30:19

kolondo' sangulun pana natatak. Naalap saguli' ri Daut ngaangai' anak ungkuyon am anak ruandu' ru ulun-ulun nano, am niayuk ngaangai' no ondo' tinalingaau ru ulun ru Amalik.