1 SAMUIL 30:6 - Tanou Moonsoi Timugon

⁶ Raino i Daut ralalom ru kapaganan maayo. Ulun-ulun nano siminangit riso sabap ra kalio noyo boo anak andu' nilono. Nompololob ilo koson momobol ri Daut, kaa' Tuhan Aki Kapuuno' nano nangikang ra guang nano.

1 SAMUIL 30:6 ပူးပေါင်းရင်းမြစ်များ

KASAUKAN 32:7

Kaining ri Jakub ginio, kalaa' am magalabo io kaga'. Piruoo' no boo ulun nababaya' riso no ra ruo ngantayaran, am niayuk domba, kambing, sapi' am unta nano.

2 SAMUIL 17:8

Okou nakapandai ra Raja' Daut am ulun-ulun nano tutumula' ondo' maikang ra baani. Ilo no koson ra kinasangit ru baawang ruandu' ondo' natatakan ra anak nano. Raja' Daut ti niayuk sangulun saujor makanailian, ondo' kalo igondo' pombolong ra rondom ti mabaya' ra ulun-ulun nano.

2 RAJA'-RAJA' 4:27

Kaa' pakasaboi ruandu' no ra saang ri Ilisa, igulatur samba io am guut ra kalayam ri Ilisa. Masaga' i Gigaji mangail riso, kaa' indagu i Ilisa, “Polosoo' ayuk io. Kalo kia nakapandai kou ra tatanga' io mangiluk guang? Kaa' Tuhan no kalo poyo nambala' raki' ra atan-atan.”

AYUP 13:15

Polosoon i Aki Kapuuno' mamatoi raki' sabap ra nakai' noyo guang kuno, kaa' manaung aku ra baal kuno ra saang Nano.

MAZMUR 116:10

Mangintopot aku toojo, kabalu' pana mindagu aku, “Nalingon aku naratu'.”

MAZMUR 138:3

Taamon Mu aku bulintok ra aku mampiau Rirun; kinaikang Mu aku saboi aku baani.

MAZMUR 18:2

Motogom aku kaga' Rirun, iou Tuhan! Okou manungka' raki'.

MAZMUR 18:6

Patayan ra makalalaa' no liminibung raki', am lobong napataan ra balatik sulungan kuno.

MAZMUR 25:17

Kaluago' guang kuno intor ra magalabo, am bayago' aku no intor nansalinut kapaganan.

MAZMUR 27:14

Pagiimansan kano ra Tuhan! Pangintopot kano Riso am pai' kalawo. Iou, pagiimansan kano ra Tuhan!

MAZMUR 31:24

Tagami' noyo Tuhan, akau ngaangai' ru ulun Nano ondo' gumagaya'. Tuhan manindung ra ulun ondo' gumagaya', kaa' mangukum ra ulun malilimbau.

MAZMUR 42:11

Mangiluk aku kaga' mangkirongog ra ilo magasab. Magail ilo mangkuot, “Ati kia i Aki Kapuuno' muli?”

MAZMUR 42:5

Makuliagai guang kuno amon karaan orou ra nakasail, bulintok ra aku nakapasumbaya' ra ulun masuang minongoi ra Baloi ru Tuhan, am minugar aku ra siminigulu risilo, magilakup am marimbai ra rimbai mongompor.

MAZMUR 42:7

Ra intok ru namatiran ti guang kutu nakuliagai, ginio ra mangkara' aku ra Tuhan. Salibuor kuno naabas ra aug ru pangilukan; nasakob aku ru liur kajajawan, koson ra bolos ru bosoi Sungoi Jordan intor ra Gunung Girmon am Gunung Mijar.

MAZMUR 56:11

Mongompor aku ri Aki Kapuuno' sabap ra bantu' Nali.

MAZMUR 62:1

Ra tingganai ru santimungan maririmbai. Sumugut ri: Jidutun. Mazmur ri Daut.

MAZMUR 62:5

Masaga' kau ayuk mamparatu' riso intor ra intok maatang nano; masaga' kau magabau. Kabang mino mambarakat, kaa' guang mino magulas.

MAZMUR 71:4

Iou Aki Kapuuno' kuno, bayago' aku no intor ra ulun malaat, intor ra kuasa' ru ulun ondo' kalo natimpok am mapuka'.

MAZMUR 71:5

Iou Tuhan Raja', malansan aku Rirun; mangintopot aku Rirun intor poyo ra kinamuloko' kuno.

KAINGKUALAN 17:4

Pakiasi' toojo i Musa ra Tuhan am indagu, “Atan boo musiti' kuno baalon ra ulun ragitilo? Masaga' ilo mombobol raki'.”

AMSAL 18:10

Tuhan koson ra manara ondo' mapiot; ra giu' no ulun mabanis guang makitaak ra panindungan.

JISAYA 25:4

Ulun musikin am ulun malawo mongoi Rirun, am makisindung bulintok makakapaganan. Inampin Mu ilo intor ra bagiu', am manindung risilo intor ra orou malasu'. Ulun malaat kaga' mongoi pangayou koson ra bagiu' mapuor bulintok masimu',

JIRIMIA 16:19

Iou Tuhan, Okou noyo ondo' manindung raki' am mangani' raki' ra kaikangan; Okou noyo mangindangan raki' paat ra kapaganan. Bansa'-bansa' intor ra pompor ru tana' ti am matong Rirun am mindagu, “Kinamatuaan mai mokoondo' ayuk ra tuhan kalo motopot am kolondo' noyo toojo onong.

JUNUS 2:2

“Iou Tuhan, ralalom ru kapaganan kuno mampiau aku Rirun, am tumaam Kou raki'. Intor ra intok ru ulun minatoi makiindangan aku, norongog am lioon Mu kitaakon kuno.

UNTABAN 14:10

Ngaangai' ulun ru Israil mopololob koson momobol ri Josua am i Kalib saboi matoi, kaa' pulali' ru ulun no nakakito ra sinda katulayan ru Tuhan siminalula' ra rasawat ru Kim Nano.

MATIUS 21:9

Ulun masuang ondo' minugar siminigulu am timinauli ri Jisus i, tumalimpuun ilo mompogolok, “Omporo' Anak ru raja' Daut! Kabarakat noyo Io ondo' minatong ralalom inggalan ru Tuhan. Omporo' noyo i Aki Kapuuno' Ondo' Masawat Kaga'!”

MATIUS 27:22

“Koson poyo raginio, atan kia baalon kuno ri Jisus ti ondo' sabiton i Kristus?” kon ri Pilatus risilo. “Salipo' Io,” kon ru ulun masuang no.

JUANIS 8:59

Ginio ra anam ulun-ulun ru Jaudi ra batu pomobol ri Jisus, kaa' nansibuni Io am nangiruan ra Baloi Tuhan i.

ROMA 4:18

Nangintopot am liminansan ayuk i Abragam ri Aki Kapuuno' kabalu' pana guang nano kolondo' boo kalansanan. Ginio boo ra sinauk io koson ra ama' ru masuang bansa', am koson tinulisan ra Buuk Kitab, “Papag muno masauk ra masuang kaga'.”

ROMA 4:20

Kalo nagalabo i Abragam ra bantu' ri Aki Kapuuno', kaa' nangintopot io ayuk. Am minikang poyo pangintapatan nano am nongompor-ompor io boo ri Aki Kapuuno'.

ROMA 8:31

Sabap raginio, atan boo paraguon takau? Amon ru i Aki Kapuuno' bala takau, osoi kia makagula' ritakau? Maaru' kolondo'!

2 KORINTUS 1:6

Mapaat ra akai maimbolo', ginio mangindangan am mampakaayag ramuyun. Amon ru indanganon akai, akau pana indanganon am aniin ra kuasa' mongorot ra kaimbalaan koson ramon.

2 KORINTUS 4:8

Magail akai ayuk imboloon, kaa' moorot mai niayuk. Maimamang akai, kaa' kalo masaboi malawo guang maino.

2 KORINTUS 7:5

Paat ra akai nakasaboi ra pagun Makidonia kolondo' tangus mai, sabap ra ati-ati ayuk makakapaganan: mokoondo' mantataam ramon am guang mai galama' pana malaa'.

IBRANI 13:6

Intor raginio makakau' takau mindagu ra, “Tuhan noyo mangingindangan kuno, ginio ra kalo noyo malaa' aku. Kolondo' noyo maalap kabaal raki' ru ulun.”

TINGGANAI RU BANSA' 18:25

Indagu ulun ru bansa' ru Dan riso, “Pongkoror! Amon ru kalo, sumangit ngaangai' ulun ti am mamulunsar rirun. Magu' okou am ngaangai' sasambaloi muno matoi.”

TINGGANAI RU BANSA' 20:22

Sabap ra nakalaan raginio, minongoi poyo ulun ru Israil ra intok sambayangan am nantangi' ra saang ru Tuhan saboi ra rondom. Nangkuot ilo poyo ri Aki Kapuuno', “Musiti' kia akai mangayou poyo ra ulun ru Binjamin, pabukat mai no?” Indagu Tuhan, “Iou.” Ginio ra naantak saguli' ulun ru Israil am nangatang ilo ra barisan nilo koson ra orou kasaa'.

1 SAMUIL 23:16

Minongoi i Jonatan tuum riso ra giu' no am napaikang riso ra i Aki Kapuuno' no manindung riso.

1 SAMUIL 28:15

Kon ri Samuil ra Raja' Saul, “Kua ulisoo' mu aku am nampiau saguli' raki'?” Taam Raja' Saul, “Aku ti ralalom ru kapaganan maayo! Ulun-ulun ru Palistin mamulunsar raki', am i Aki Kapuuno' no nangiruan noyo raki'. Kalo boo tumaam Io raki', iou kia pinabala' galing ra nabi kapoam inupi. Ginio sabap ra aku nampiau rirun, maa' raginio mambala' kou raki' ra atan musiti' kuno baalon.”