1 SAMUIL 30:27 - Tanou Moonsoi Timugon

^27-31 Ilono intor ra bandar ragitilo: Bitil am Rama giu' ra tampilon rabugus ru Jiuda, Jatir, Aroir, Sipmot, Istimoa, Rakal am niayuk bandar ru ulun Jiragmiil, bandar-bandar ru ulun Kini, Orma, Bor-Asan, Atak am Gibron. Nangator i Daut ra tangguang no ra ngaangai' bandar intok natanggawan ri Daut am ulun-ulun nano ragili.

1 SAMUIL 30:27 ပူးပေါင်းရင်းမြစ်များ

KASAUKAN 12:8

Io pana namparayus poyo ra pangkiralanan mongoi ra tampilon rabugus ra kabuluran tampilon sirangon ru bandar Bitil. Pangkim io boo ra lolot ru Bitil am bandar Ai. Bitil tampilon kalasaan am Ai tampilon sirangon. Giu' no niayuk nambaal i Abram ra altar am samba ra Tuhan.

KASAUKAN 28:19

Inggalani' no intok raginio Bitil (Galing i ininggalanan intok raginio ra Lus).

1 RAJA'-RAJA' 12:29

Raja' Jirobiam noposoroi rondo' sinungkalalaing ru sapi' mas giu' ra Bitil am rondo' poyo giu' ra Dan.

JOSUA 15:48

Giu' ra intok kabuluran mokoondo' bandar Samir, Jatir, Sokgo,

JOSUA 16:1

Balitan giu' ra tampilon rabugus ru tana' ondo' tinaakan ra papag ri Jusup tinalimpuun intor ra Sungoi Jordan maar ra Jiriko, giu' ra rondo' intok tampilon ra sirangon taur ru timug Jiriko, saboi ra tana' kaagisan. Balitan raginio tinalimpuun intor ra Jiriko am magaloi ra intok kabuluran saboi ra Bitil.

JOSUA 16:2

Intor ra Bitil balitan raginio saboi ra Lus mansail ra Atarot, intok inayanan ru ulun ru Arki.

JOSUA 19:8

Wilayah nilo nakasimpung ngaangai' pekan giu' ra liliut ru bandar-bandar no, saboi ra Baalat-Biir (kapoam Rama) giu' ra tampilon rabugus. Ginio noyo tana' ondo' inapu ru sasambaloi ralalom ru bansa' ru Simion.

JOSUA 21:14

Jatir, Istimoa,

JOSUA 7:2

Nanusub i Josua ra kukula' ngaulun intor ra Jiriko mongoi ra Ai, rondo' bandar tampilon ra sirangon ru Bitil, maar Bit-Awin. Nanusub i Josua risilo lumiput ra pagun no. Kabaal nilo ginio,

JOSUA 8:9

I Josua pana nanusub risilo mugar; ongoi ilo ra intok pansibunian am naginaa ra giu' no. Intok no giu' ra tampilon kalasaan ru Ai, nangkilolot ra Ai am Bitil. Nombolong i Josua rondom raginio giu' ra pangkiman.