1 SAMUIL 30:26 - Tanou Moonsoi Timugon

²⁶ Paat ri Daut minuli' giu' ra Jiklag, inataran no santayaran intor ra kuliamos ginaau no ra rangan-rangan nano, iono tingganai-tingganai ru Jiuda, pinabaya' ra bilin, “Apuo' min noyo tangguang ti intor ra kuliamos ginaau ondo' inalap mai intor ra pantula' ru Tuhan.”

1 SAMUIL 30:26 ပူးပေါင်းရင်းမြစ်များ

KASAUKAN 33:11

Malansan aku ra apuo' noyo taak ondo' inibit kuno rirun. Sabap ra moonsoi kaga' i Aki Kapuuno' raki' am nanaak Io raki' ra ngaangai' no.” Jajali' ri Jakub i Isau saboi nangapu ra taak no.

2 SAMUIL 1:1

Kopongo Raja' Saul minatoi, minuli' i Daut nalupus nangala ra ulun ru Amalik. Ruo ngoorou buoi ri Daut minayan giu' ra Jiklag.

2 RAJA'-RAJA' 5:15

I Naaman nabaya' ra ngaangai' ru namaya' riso no siminaguli' ri Ilisa. Kon ri Naaman, “Raino nakapandai aku ra rondo' ayuk i Aki Kapuuno' ra titikop ru tana' ti, iono i Aki Kapuuno' ru Israil. Kasaga' no mangapu ra taak kutu.”

MAZMUR 35:27

Gama' ru ulun gumogot magilong ra aku saukon ra motopot, magitapap maansukan am ruruli' mindagu, “Tuhan no matulai kaga'; maansukan Io magilong ra linangkayaan ru ulipon Nano!”

MAZMUR 68:18

Ralalom kaaparan ribu ru kurita' kuda Nano ra maayo, matong Tuhan intor ra Sinai mongoi ra intok ondo' matulai no.

JISAYA 32:8

Kaa' ulun mabanis guang mangatang ra baal ondo' matimpok, am mamatas ralalom katimpakan.

2 KORINTUS 9:5

Ginio nai ra aku nampaguang ra moonsoi poongoyon ku talu ngaulun i ramuyun magulu intor raki', maa' raginio makatampos kau ra ruit paindanganon ondo' binantu' min i. Kon boo raginio nakatampos noyo ruit paindanganon mino ra aku makasuku'. Ginio koson mampakito ra mangani' kau maya' ra kinataau ru guang min, am sala' ka najajalan kau.

1 SAMUIL 18:17

Nangatang Raja' Saul maa' raginio potoyon i Daut no ru ulun ru Palistin ralalom ru pangayawan maa' raginio sala' ka Raja' Saul galama' ondo' mamatoi riso. Ginio ra, sangarawan raginio indagu Raja' Saul ri Daut, “I Mirab, anak ruandu' ra katuaan kuno, pawatin ku rirun, ginio ayuk ra mangandoi kou raki' masauk ra saujor ondo' baani am gumagaya', am niayuk mangayou ra tayar ru Tuhan.”

1 SAMUIL 25:27

Apuo' noyo tinaakan ondo' inibit kutu rirun am ulun-ulun muno.

1 SAMUIL 25:28

Ampuno' noyo kasalaan kutu. Maaru' Tuhan no mapasauk rirun am papag muno raja' ru Israil, sabap ra nangayou kou ra tayar ru Tuhan; kalo mambaal kou ra atan pana kalaatan ra buoi ru bayag muno.

1 SAMUIL 30:20

Niayuk poyo i Daut nampagaau niayuk ra ngaangai' domba am bibiag tinambiag ra bokon. Bibiag tinambiag no inuyung ru ulun-ulun ri Daut ra pagulu no, nakapansuai intor ra kuliamos ginaau ra bokon. Ilo pana mindagu boo, “Gitio tayar ri Daut!”

1 SAMUIL 30:25

Sinauk ri Daut nangaruan raginio koson ra rondo' aturan, am intor raginio aturan raginio ginagaya' ru ulun ru Israil saboi raino.