1 SAMUIL 30:25 - Tanou Moonsoi Timugon

²⁵ Sinauk ri Daut nangaruan raginio koson ra rondo' aturan, am intor raginio aturan raginio ginagaya' ru ulun ru Israil saboi raino.

1 SAMUIL 30:25 ပူးပေါင်းရင်းမြစ်များ

KAINGKUALAN 27:21

Musiti' i Arun am anak ungkuyon nano magalung ra lampung no ralalom ru Kim Kuno, giu' ra liwar ru tabir ondo' saang ru Kaban Nabantuan. Giu' no, ra saang Kuno, musiti' sikitin lampung no intor ra mai' ti saboi ra susuab ti. Musiti' susuban ragitio gagayaan ra sabuoi-buoi no ru ulun ru Israil am papag nilo.”

1 SAMUIL 16:13

Nangalap i Samuil ra umau jaitun, am nampili' ri Daut no am nangumau ra ulu ri Daut no ra umau giu' ra saang ru ngaangai' maayo ri Daut. Paat raginio niayuk Ambiluo ru Tuhan nanguasa' ri Daut am nabaya' riso intor ra orou raginio. Kopongo raginio minuli' i Samuil giu' ra Rama.

1 SAMUIL 30:24

Kolondo' sangulun pana makapangiou ra ginuang mino. Ngaangai' ru ulun musiti' makaalap ra tayar ondo' nogondo' suang no: ulun ondo' timinatang koson magalung ra kuliamos musiti' makaalap ra tayar ondo' nogondo' koson ra ulun ondo' minongoi ra pangayawan.”

1 SAMUIL 30:26

Paat ri Daut minuli' giu' ra Jiklag, inataran no santayaran intor ra kuliamos ginaau no ra rangan-rangan nano, iono tingganai-tingganai ru Jiuda, pinabaya' ra bilin, “Apuo' min noyo tangguang ti intor ra kuliamos ginaau ondo' inalap mai intor ra pantula' ru Tuhan.”