1 SAMUIL 30:24 - Tanou Moonsoi Timugon

²⁴ Kolondo' sangulun pana makapangiou ra ginuang mino. Ngaangai' ru ulun musiti' makaalap ra tayar ondo' nogondo' suang no: ulun ondo' timinatang koson magalung ra kuliamos musiti' makaalap ra tayar ondo' nogondo' koson ra ulun ondo' minongoi ra pangayawan.”

1 SAMUIL 30:24 ပူးပေါင်းရင်းမြစ်များ

MAZMUR 68:12

Manaak Tuhan ra panusuban Nano, am masuang ruandu' magibit ra tanou:

UNTABAN 31:27

Tayaro' noyo kuliamos ginaau no ra ruo ngantayaran ondo' nogondo' suang no. Santayaran ra saujor-saujor ondo' mangayou am santayaran poyo ra ulun ru Israil ra bokon.

1 SAMUIL 22:2

Ngaangai' ulun ondo' naimbolo', kapoam ondo' makautang, kapoam ondo' manguang, niayuk minamung ri Daut, am nasauk i Daut ra tingganai nilo. Suang ru mamaya' ri Daut no olo'-olo' apat ngaatus ngaulun.

1 SAMUIL 25:13

Nanusub i Daut, “Abilo' ilang mino ra awak min sigagama'!” Nataki' ulun-ulun ri Daut giminagaya' ra susuban nano. Inabil niayuk ri Daut ilang nano ra awak nano am minugar nabaya' ra olo'-olo' apat ngaatus ngaulun, am ruo ngaatus ngaulun ra bokon timinatang koson magalung ra kuliamos-kuliamos.

1 SAMUIL 30:23

Kaa' kon ri Daut, “Akau pabukat ku ngai', pai' kano pambaal koson raginio ra atan ondo' tinaakan noyo ru Tuhan no ritakau. Nagalung Io noyo ritakau am nangani' ritakau ra kamanangan ra ulun-ulun mantakou no.

1 SAMUIL 30:25

Sinauk ri Daut nangaruan raginio koson ra rondo' aturan, am intor raginio aturan raginio ginagaya' ru ulun ru Israil saboi raino.