1 SAMUIL 3:3 - Tanou Moonsoi Timugon

³ Paat raginio i Samuil nombolong giu' ra ralalom baloi ru Tuhan, intok napabantaan ra Kaban Nabantuan ri Aki Kapuuno'. Ra kalo poyo tumawang, paat lampung ra rasawat ru altar lakat poyo mapaang,

1 SAMUIL 3:3 ပူးပေါင်းရင်းမြစ်များ

2 TUNUNG RU BANSA' ISRAIL 13:11

Moonong susuab ti am mai' ti mampataak ilo ra kaminyan, am niayuk bibiag koson ra taak simbalui koson mapabansuk ra guang ru Tuhan. Mampataak ilo ra ruti' pasulungon giu' ra rasawat ru mija' ondo' pinatimpok noyo, am moonong rondom mansikit ilo ra lampung-lampung ra tampakan ra lampung mas. Binaal mai susuban ru Tuhan, kaa' inimpayan min Io.

MAZMUR 27:4

Rondo' pinakiasian kuno ra Tuhan; rondo' ayuk kinitaak kuno; ioginio mayan ra Baloi ru Tuhan polos ru painawo kuno, koson tumainu ra ondo' nansalinut moonsoi Riso, am makiila' Riso.

MAZMUR 29:9

Bolos ru Tuhan manguyog ra ngaangai' puun berangan, am niayuk mampatutu' ra ngaangai' raun ra kataunan; liliwa' giu' ra Baloi ru Tuhan ulun magigindii, “Ompor ri Aki Kapuuno'!”

MAZMUR 5:7

Pusoon Mu ngaangai' ulun magabau, am magasab ra ulun mamamatoi am mamparuung.

KAINGKUALAN 25:31

Pambaal rondo' tampakan ra lampung intor ra mas kopoyo. Pambaal ra tampakan am tanggayan no intor ra mas ra tinuyu'; pabungaan, makaaya' pumput am tapi' no am moonsoi mogondo' ra tampakan am tanggayan no.

1 SAMUIL 1:6

Masalok i Ana sindualin am asabin ri Pinina, paguntu nano sabap ra Tuhan kalo nanaak ri Ana ra anak.

1 SAMUIL 1:9

Sangarawan raiti, pakaakan ilo giu' ra baloi ru Tuhan ra Silo, ingkakat i Ana intor ra intok pagakanan. Paat raginio soroi i Imam Ili niayuk giu' ra baloi ru Tuhan, tuturung ra kurisi' nano mamaar ra kulobon. Mabaya' ra mangiluk kaga' guang, pakiasi' i Ana ra Tuhan liliwa' sisingut nantangi'.