1 SAMUIL 3:19 - Tanou Moonsoi Timugon

¹⁹ Siminukor poyo i Samuil. Tuhan mabaya' riso am nambaal ra ngaangai' ondo' rinagu ri Samuil no totopot nasauk.

1 SAMUIL 3:19 ပူးပေါင်းရင်းမြစ်များ

KASAUKAN 21:22

Paat raginio Raja' Abimilik am i Pikgol, tingganai saujor nano minongoi tuum ri Abragam am indagu, “Sumimpung i Aki Kapuuno' rirun ra atan ondo' baalon muno.

KASAUKAN 28:15

Karaa' noyo, indanganon am sindungin Tokou ra ati ayuk angayan muno am ibiton Tokou sumaguli' ra pagun ragitio. Kalo iruanin Tokou suku' Ku mabaal ngaangai' atan ondo' binantu' Kuli rirun.”

KASAUKAN 39:2

Nagalung Tuhan ri Jusup saboi iawo io ra ngaangai' kondoyon nano. Minayan i Jusup ra tuan nano, ulun ru Misir no.

KASAUKAN 39:3

Natutunan ru tuan nano ra nangindangan Tuhan no ri Jusup, am ginio boo ra iawo io ra ngaangai' kondoyon nano.

1 RAJA'-RAJA' 8:56

“Koompor noyo Tuhan ondo' nanaak ra ulun Nano ra kaansayan koson ra ondo' binantu' Nano ondo' pinabala' galing ri Musa, ulipon Nano. Ngaangai' ondo' moonsoi ondo' binantu' Nano sinugut No noyo.

2 RAJA'-RAJA' 10:10

Raino napandayan ra ngaangai' ondo' rinagu ru Tuhan intor ra papag ru Raja' Agab masauk. Raino sinugut ru Tuhan atan ondo' rinagu Nano ondo' pinabala' galing ra ulipon Nano i Ilia.”

2 RAJA'-RAJA' 15:12

Koon raginio noyo nasauk ra bantu' ondo' binaal ru Tuhan ra Raja' Jigu: “Papag muno saboi ra papag kaapat masauk ra raja' giu' ra Israil.”

2 RAJA'-RAJA' 22:16

ragu ru Tuhan koon raginio, “Mangukum Aku ra Jirusalim am niayuk ngaangai' ru mamagun nano koson ra ondo' tinulisan ralalom ru kitab ondo' binasa' ru raja'.

JISAYA 43:2

Bulintok ra akau sumandaup ra raat malandom, mabaya' Aku ramuyun; kalo makalom kau ralalom kapaganan. Bulintok ra akau mansail ra apui, kalo mosolob kau; kalo majamaran kau ra pangkinaman-pangkinaman ra maagat.

JISAYA 44:26

Kaa' bulintok ra ulipon Kuno manala', paat ra aku manusub ra ulipon Kuno mapabala' ra inatangan Kuno, baalon Ku panalaan am pangatangan no. Mindagu Aku ra Jirusalim no ayanin saguli' am bandar-bandar ru Jiuda baalon saguli', Bandar-bandar no tumirong intor ra napuutan.

JISAYA 55:11

ginio niayuk ra ragu ondo' paraguon Kuno kalo sumaguli' Raki' ra kolondo' ampos, kaa' makasugut mapaugar ra atan kasagaan Kuno, am makasugut ra nansalinut maguang Kuno.

MATIUS 1:23

“Maapang ralaa ti am maganak io ra sangulun anak ungkuyon am inggalanin anak ti ri Imanuil.” (Sumugut ra ragu ru ulun ru Ibrani, Imanuil arati' no, “I Aki Kapuuno' mabaya' ritakau.”)

LUKAS 1:28

Ratong malaikat no ri Maria am indagu, “Kaansayan rirun, okou no totopot kaansayin ru Tuhan! Tuhan mabaya' rirun!”

LUKAS 1:80

Anak ri Jakaria i siminukor am kinuasa' io poyo toojo ri Aki Kapuuno'. Minayan io giu' ra tana' kaagisan suku' ra orou pambalaan nano ra ulun ru Israil osoi io sotopot no.

LUKAS 2:40

Siminukor lalaing i am maikang, mapintar am tagamin Io kaga' ri Aki Kapuuno'.

LUKAS 2:52

Siminukor boo i Jisus am gaai-gaai kapintaran Nano am niayuk kasagain Io ri Aki Kapuuno' am ulun.

2 KORINTUS 13:11

Pupusin ku pabukat kau ngaangai', tumoojo kau! Pirot kano toojo tumanda' am rongogo' noyo bilin kutu. Pogogondoo' noyo guang min am koonsoi kano ra rondo' am bokon. Gama' ru i Aki Kapuuno' ondo' monogom am manaak ritakau ra pabansayan mabaya' ramuyun.

SAGULION 18:22

Amon ru mindagu sangulun nabi ralalom inggalan ru Tuhan, am ondo' raguon nano kalo masauk, am tanou no pana sala' ka tanou intor ra Tuhan. Minindagu nabi no maya' ra karaan galama', am kalo pana malaa' kau riso.”

2 TIMOTIUS 4:22

Gama' ru Tuhan mabaya' rirun. Gama' ru i Aki Kapuuno' mambarakat ramuyun ngaangai'.

JOSUA 21:45

Sinugut ru Tuhan moonong bantu' Nano ra ulun ru Israil.

TINGGANAI RU BANSA' 13:24

Kukula' ngansila' raginio, naganak ruandu' no ra sangulun anak ungkuyon. Anak no ininggalanan ri Simson. Siminukor anak no am nambarakat Tuhan riso.

1 SAMUIL 10:7

Paat ra masauk baal raginio, baalo' atan ayuk limanin muno ra moonsoi, sabap ra i Aki Kapuuno' mabaya' rirun.

1 SAMUIL 12:2

Intor raino io noyo ondo' maningganai ramuyun. Ilai' noyo, aku ti matutuo noyo am makauan; anak-anak kuno soroi mababaya' ramuyun. Naningganai aku ramuyun ra nabuoi kaga' – intor ra aku mamulok saboi raino.

1 SAMUIL 16:18

Nokorongog ra baal raginio indagu sangulun intor ra ulipon ru raja' no, “I Isai, ulun ru Bitligim no mokoondo' sangulun anak ungkuyon ondo' mapandai mangkuli ra miujik. Io niayuk sangulun ondo' baani am saujor ondo' moonsoi. Io ti poyo maindon am mapandai mindagu. Tuhan no mabaya' riso.”

1 SAMUIL 18:12

Nalaa' Raja' Saul ri Daut sabap ra Tuhan mabaya' ri Daut, kaa' Tuhan no nangiruan noyo ra Raja' Saul.

1 SAMUIL 18:14

am nakasugut io nambaal ra ngaangai' kandoi nano sabap ra Tuhan mabaya' riso.

1 SAMUIL 18:5

Binaal ri Daut ra matanda' ngaangai' kandoi ondo' nanusuban ru Raja' Saul. Raja' Saul pana nampili' boo riso nasauk ra pagawai saujor. Baal raginio napakaansuk ra guang ru ngaangai' pagawai saujor am ulun ru Raja' Saul.

1 SAMUIL 2:21

Binarakat i Ana ru Tuhan, am i Ana pana naganak ra talu ngaulun anak ungkuyon am ruo ngaulun anak ruandu'. I Samuil pana siminukor liliwa' io mangandoi ayuk ra Tuhan.

1 SAMUIL 2:26

Kaa' i Samuil, anak no, gumaai sukor am kasagain poyo ru Tuhan am niayuk ru ngaangai' ulun.

1 SAMUIL 9:6

Taam ulipon no, “Pai' poyo! Giti ra bandar ti mokoondo' sangulun ulipon ri Aki Kapuuno'. Urumaton io kaga' ru ulun sabap ra atan ondo' raguon nano totopot masauk. Ongoi to uma' riso. Maaru' lair makapambala' io rito ra ati intok ru kaladai-kaladai no.”