1 SAMUIL 3:18 - Tanou Moonsoi Timugon

¹⁸ Ginio ra nantunung i Samuil ra ngaangai' no. Kalo binuni no atan pana. Kopongo raginio indagu i Ili, “Io noyo Tuhan; polosoon Io no mambaal ra atan ondo' karaan Nano ra moonsoi.”

1 SAMUIL 3:18 ပူးပေါင်းရင်းမြစ်များ

JISAYA 39:8

Raja' Gijkia mangkara' ra buoi ru bayag nano, pamarintaan nano kalinuos ayuk am moonsoi ayuk. Ginio ra taam raja', “Ragu ru Tuhan ondo' posoboyon muno moonsoi.”

AYUP 2:10

Taam i Ayup, “Okou mindagu koson ra ulun sasambungon. Paat ri Aki Kapuuno' nangani' ra ondo' moonsoi, inapu takau. Itakau niayuk musiti' mangapu ra ondo' kalo moonsoi.” Kabalu' pana naimbolo' i Ayup, kalo mindagu io ra ragu-ragu ondo' manggal ri Aki Kapuuno'.

1 PITRUS 5:6

Sabap raginio, paingganaa' noyo guang mino ra kuasa' ri Aki Kapuuno' ondo' maikang kaga', maa' raginio mapainsawat Io ramuyun paat ra inaru' Nano.

TINGGANAI RU BANSA' 10:15

Kaa' indagu ulun ru Israil ra Tuhan, “Makatula akai noyo. Baalo' noyo atan ayuk pamakuan ramon, kaa' indanganon Mu akai ra orou raiti'.”

SULABOI 3:39

Kua kia pambutok takau paat ra ukumin sabap ra tula takau?

MAZMUR 39:9

Palabuso' aku intor ra nansalinut tula kuno, am pai' aku polosoo' iison ru ulun sasambungon.

AYUP 1:21

Indagu io, “Inanak aku ra kolondo' atan pana, am matoi aku ra kolondo' atan pana niayuk. Tuhan ondo' mangani' am raino Tuhan poyo ondo' mangalap saguli'. Koompor noyo inggalan Nano!”

KASAUKAN 18:25

Pai' potoyo' ulun kolondo' sala mabaya' ra ulun makasala. Tuhan, pai' noyo! Sabap amon ru baalon Mu ginio, ulun kolondo' sala pana makaaya' kaukum. Maaru' akim ru titikop ra tana' ti tumimbalos ra matanda'.”

KAINGKUALAN 34:5

Tuun Tuhan ralalom ru gaun; bigor Io am i Musa ra intok raginio am nanabit ra inggalan Nano ondo' matulai, iono Tuhan.

IMAMAT 10:3

Indagu boo i Musa ri Arun, “Gitio noyo ondo' koon ru Tuhan paat Io mindagu, ‘Ngaangai' ulun ondo' mangandoi ayuk Raki' musiti' mangurumat ra katulayan Kuno. Pakitonon Ku katulayan Kuno ra moonong ulun Kuno.’ ” Kaa' mongkoror ayuk i Arun.

2 SAMUIL 10:12

Ikango' guang muno, am pangayou no ra baani tayar ra bansa' takau am tayar ra bandar-bandar ri Aki Kapuuno' takau. Gama' ru Tuhan no mambaal ra atan ondo' moonsoi Riso.”

2 SAMUIL 15:26

Kaa' amon ru kalo maansayan Tuhan no raki', maya' ayuk ra atan kasagaan Nano ra inan kutu.”

2 RAJA'-RAJA' 20:19

Nangkara' Raja' Gijkia ra buoi nano naayag, pamarintaan nano moonsoi am mamimio. Ginio ra taam Raja' Gijkia, “Ragu ru Tuhan ondo' pinasaboi muno moonsoi.”

JIRIMIA 34:6

Aku pana nampasaboi boo ru tanou no ra Raja' Jidikia giu' ra Jirusalim,

JIRIMIA 38:14

Rondo' paat ra bokon, nanusub Raja' Jidikia raki' muma' riso giu' ra kulobon katalu giu' ra Baloi ru Tuhan. Indagu raja', “Masaga' aku mangkuot ra rondo' pangkuatan, am musiti' kou mambala' toojo. Pai' sibunio' atan pana intor raki'.”

JIRIMIA 42:4

Taam aku, “Iou noyo ru koon poyo raginio, makiasi' aku ra Tuhan, i Aki Kapuuno' takau sumugut ra kitaakon min; am atan pana pataamon Nano ra tauli no, posoboyon ku ramuyun pabukat kuno. Kalo bunion ku ra atan pana.”

1 TUNUNG RU BANSA' ISRAIL 19:13

Kaikango' guang muno! Ibok takau manggal ra baani koson ra bansa' takau am koson ra bandar-bandar ri Aki Kapuuno' takau. Gama' ru baalon ru Tuhan atan ondo' kasagaan Nano.”