1 SAMUIL 3:17 - Tanou Moonsoi Timugon

¹⁷ Nangkuot i Ili, “Atan kia rinagu ru Tuhan rirun? Tunungo' ngaangai' no raki'. Amon ru mokoondo' ondo' bunion muno, maaru' maagat pangukum rirun no ri Aki Kapuuno'.”

1 SAMUIL 3:17 ပူးပေါင်းရင်းမြစ်များ

2 SAMUIL 14:18

Taam raja', “Masaga' aku mangkuot rondo' rirun, am taamo' ra motopot.” Taam ruandu' no, “Indagu no.”

2 SAMUIL 19:13

Panusub niayuk Raja' Daut risilo mindagu ri Amasa, “Okou pabukat kuno. Intor raino lantikon tokou masauk ra panglima saujor koson malit ri Joab. Polosoon noyo i Aki Kapuuno' mamatoi raki' amon ru baal raginio kalo baalon ku!”

2 SAMUIL 3:35

Nonsongorou ulun nangkinam nanimayo ra Raja' Daut maa' raginio mangakan kasanganu, kaa' nagibot io, “Polosoon noyo i Aki Kapuuno' no mamatoi raki', amon ru mangakan aku ra atan-atan ra kalo poyo mokotolop mato ru orou!”

2 SAMUIL 3:9

Moonsoi poyo mangindangan aku ra Raja' Daut, sabap ra binantu' noyo ru Tuhan riso koson manalison ra pamarintaan ti intor ra Raja' Saul am papag nano, am Raja' Daut pasaukon ra raja' ru ngaangai' Israil am Jiuda. Polosoon noyo i Aki Kapuuno' no mamatoi raki' amon ru kalo suguton ku bantu' ri Aki Kapuuno' ra Raja' Daut.”

1 RAJA'-RAJA' 22:16

Kaa' indagu Raja' Agab, “Amon ru mindagu kou raki' ralalom inggalan ru Tuhan, indagu no ra motopot. Ingkula' aku musiti' mapakara' rirun ra baal ragitio?”

2 RAJA'-RAJA' 6:31

Golok raja' no, “Gama' ru i Aki Kapuuno' mamatoi raki' amon ru ulu ri Ilisa kalo ingguluin ra orou raiti'!”

MAZMUR 141:5

Masaga' aku mangapu ra ukuman am sawai intor ra ulun moonsoi, kaa' kalo masaga' aku mangapu ra pangamparan intor ra ulun malaat sabap ra magail aku makiasi' manggal ra kalaatan nilono.

JIRIMIA 38:14

Rondo' paat ra bokon, nanusub Raja' Jidikia raki' muma' riso giu' ra kulobon katalu giu' ra Baloi ru Tuhan. Indagu raja', “Masaga' aku mangkuot ra rondo' pangkuatan, am musiti' kou mambala' toojo. Pai' sibunio' atan pana intor raki'.”

JIRIMIA 42:4

Taam aku, “Iou noyo ru koon poyo raginio, makiasi' aku ra Tuhan, i Aki Kapuuno' takau sumugut ra kitaakon min; am atan pana pataamon Nano ra tauli no, posoboyon ku ramuyun pabukat kuno. Kalo bunion ku ra atan pana.”

DANIL 4:19

I Danil, ondo' niayuk ininggalanan ri Biltsajar, nakatigog kaga' koson sangkinolor saboi kalo nakaindagu. Kaa' indagu raja', “Okou Biltsajar, pai' pagalabo sabap ra inupi no am arati' no.” Taam i Biltsajar, “Okou raja' kuno, sotopot no malansan aku ra inupi no am niayuk arati' no intor ra pantula' muno, am sala' ka intor rirun.

MIKA 2:7

Guang min kia' ra Israil ti inulas? Kalo kia' mokoorot Tuhan? Topot kia' mambaal Io ra baal koson raginio? Sala' ka kia mindagu Io ra molomoi ra ulun ondo' mambaal ra motopot?”

UNTABAN 23:17

Pakasaguli' i Biliam, ilai' no lakat poyo Raja' Balak no minigor nabaya' ra ngaangai' tingganai ru Moab, giu' ra sapapa' ru taak-taak simbalui ondo' pinataak nano. Nangkuot Raja' Balak ra ragu ru Tuhan,

MATIUS 26:63

Nongkoror ayuk i Jisus. Igondo' poyo Tingganai Maayo Imam Jaudi ti mangkuot Riso, “Ralalom inggalan ri Aki Kapuuno' ondo' naayag, balai' akai, Okou kia Mamamayag ondo' sinusub ri Aki Kapuuno', ioginio Anak ri Aki Kapuuno'?”

RUT 1:17

Ati ayuk patayan muno, giu' niayuk patayan kuno am labangan kuno. Polosoon noyo Tuhan mangukum raki' ra maagat pana amon ru mopoloso aku ra atan-atan mampatuliar rito ondo' ak am kapatayan.”

1 SAMUIL 14:44

Kon ru Raja' Saul riso, “Polosoo' noyo ra aku ukumin ri Aki Kapuuno' amon ru okou kalo ukumin ra matoi, Jonatan!”

1 SAMUIL 20:13

Kaa' amon ru makaguang io koson mapajamar rirun, polosoon noyo Tuhan no mamatoi raki' amon ru kalo mambala' aku rirun ra baal raginio am mamayag rirun. Gama' ru mabaya' Tuhan no rirun koson Io mabaya' ra ama' kuno ragili!

1 SAMUIL 25:22

Polosoon noyo i Aki Kapuuno' no mamatoi raki' amon ru kalo mamatoi aku ra moonong ungkuyon ra giu' no ra kalo poyo makasirang mato ru orou!”

1 SAMUIL 3:16

kaa' nampiau i Ili riso, “Samuil, anak kuno!” Taam i Samuil, “Iou tuan.”